吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 有無上班媽咪放工仲要去接返全日學既仔女放學, 仲要買送 ...

心聲留言今日: 0|主題: 17573

收藏本版

發帖

返回列表

跳至頁

樓主: PINKAVA

有無上班媽咪放工仲要去接返全日學既仔女放學, 仲要買送煮飯? (即係無用工人, 一 [複製鏈接]

1 234

PINKAVA

男爵府

積分: 7534

41^#

發表於 04-8-15 22:44 |只看該作者

Re: 有無上班媽咪放工仲要去接返全日學既仔女放學, 仲要買送煮飯? (即係無用工人, 一腳踢)

tsuitung 寫道:

加上我喜歡自己一手一腳做家務、煮飯、買餸咁，將頭家打理得井井有條，不過唔知老公到時會唔會幫到手呢？

我本身都係鍾意乾淨整齊, 但當你放工後個人都半死, 趕去接仔→買送→幫仔沖涼→煮飯→開飯→執碗→洗碗----→已經係11:00, 咪講話陪仔, 跟本無多餘時間。當你日日做以上既"任務"時, 而你老公係懶懶閒, 真係憫都憫死。即使你有幾幾幾愛做家務都好, 都必會一下子變成"老馮+必然"。根本底估左做家務既殺傷力。雖然老公都幫下手掃地拖地, 都總係唔會平衡, 早上唔知點解必然係我要先起身, 煲水開奶執書包... 2星期我已經身心疲累, 今日星期日以為可以休息下啦, 點知老公要返老爺度幫手(佢地裝修), 我以為幫一陣就帶亞仔去樓下既xx樂園玩夾避塵等佢, 點知一等就6個鐘, 在果度個仔又走來走去不受控, 本來好開心既星期日我再度變身成為一個好討厭在公共地方又拉又兇又鬧仔既亞媽。 (以前無諗過呢樣野會發生在自己生上)

真係不敢想像打後既日子。

康仔媽咪

快d過番幾招黎, 等我可以化身成人(現在我不似人樣, 以個傻婆多d) :cry:

私人傳訊

youngmum

別墅

積分: 633

42^#

發表於 04-8-16 09:06 |只看該作者

Re: 有無上班媽咪放工仲要去接返全日學既仔女放學, 仲要買送煮飯? (即係無用工人, 一腳踢)

提示: 作者被禁止或刪除內容自動屏蔽

私人傳訊

康仔媽咪

大宅

積分: 1823

43^#

發表於 04-8-16 09:30 |只看該作者

Re: 有無上班媽咪放工仲要去接返全日學既仔女放學, 仲要買送煮飯? (即係無用工人, 一腳踢)

其實我都冇乜方法架, 我老公做地產, 收工唔定時, 我就返9點, 康仔返小學(小一)就6點45分上校車, 初時我都帶佢上校車, 但諗諗下...自已又辛苦, 咁咪要老公帶佢上校車, 我老公初時都唔肯日日帶, 話要我同佢輪流帶, 咁我唔肯就話佢.....平日咩都係我照顧個仔....放學...食飯...沖涼...睇公課....溫默書...., 爸爸有咩做? 返工? 媽咪都要返工啦, 咁個仔唔好跟佢姓o羅...跟媽咪姓啦! 咁我老公咪死死氣日日帶仔上校車o羅, 不過若佢真係唔舒服我當然會幫佢帶返一日啦

(最鬼憎我奶奶成日話個仔辛苦.....我唔辛苦咩? 辛苦大家都要做架啦! 佢個仔唔肯做.... 我就真係苦la....命苦個苦呀!)

PINKAVA 寫道:

康仔媽咪

快d過番幾招黎, 等我可以化身成人(現在我不似人樣, 以個傻婆多d) :cry:

希望相信 "快樂不是因為擁有的多，而是因為計較的少。"

私人傳訊

花花

大宅

積分: 4334

44^#

發表於 04-8-16 10:56 |只看該作者

Re: 有無上班媽咪放工仲要去接返全日學既仔女放學, 仲要買送煮飯? (即係無用工人, 一腳踢)

康仔媽咪:

我好認同你的做法, 因我都係咁, 隻佬唔做, 就"炳"佢, 問佢個囡跟邊個姓, 個家你有冇份的? 你唔做就打比你亞媽(奶奶) 來做!! :mrgreen: 咁佢咪收聲去做啦!

pinkava :

d 男人係咁, 不會主動幫手, 叫一下先做一下, 但慢慢地佢會習慣自動去做, 或你一個眼神 "厲"過去, 佢就知到了.

我都係由花囡出世到今日 (快3歲半), 都係冇工人, 2公婆自已攪掂. 每晚還有1-2鐘同花囡玩, 温習. 總之, 全家一定 12點前熄燈去睡. 呢世界冇話冇左邊個唔掂, 係睇你毅力. 你只是開始左2星期, 未習慣啫. 哈! 我d eq 而家都提升左好多嫁.

私人傳訊

康仔媽咪

大宅

積分: 1823

45^#

發表於 04-8-16 11:21 |只看該作者

Re: 有無上班媽咪放工仲要去接返全日學既仔女放學, 仲要買送煮飯? (即係無用工人, 一腳踢)

你老公都算好丫, 怕佢呀媽做, 我老公宜得佢呀媽做晒呀, 今時今日, 我奶奶都仲要整埋切埋生果比我老公食, 我初時見到會話, 3x歲人都仲要人照顧? 你(奶奶)照顧得佢一世? 你死左佢實冇生果食! ..... 7年la , 都仲係咁, 初初結婚我老公都仲肯洗下碗, 我奶奶見到, 話佢個仔生得高(6呎1) 洗碗好辛苦喎, 又爭住洗唔比我老公洗, 咁我老公而家咪唔肯洗碗o羅, 激死我!

一個眼神 "厲"過去.... 方法係有用, 但d男人好衰o家, 吵架時又係一個罪名, 不過唔 "厲"過去, 咪又係唔肯做.... 唉.... (有時覺得做女人幾慘!)

[quote]
花花寫道:
康仔媽咪:

我好認同你的做法, 因我都係咁, 隻佬唔做, 就"炳"佢, 問佢個囡跟邊個姓, 個家你有冇份的? 你唔做就打比你亞媽(奶奶) 來做!! :mrgreen: 咁佢咪收聲去做啦!

pinkava :

d 男人係咁, 不會主動幫手, 叫一下先做一下, 但慢慢地佢會習慣自動去做, 或你一個眼神 "厲"過去, 佢就知到了.

我都係由花囡出世到今日 (快3歲半), 都係冇工人, 2公婆自已攪掂. 每晚還有1-2鐘同花囡玩,

希望相信 "快樂不是因為擁有的多，而是因為計較的少。"

私人傳訊

Zen

用戶要求終止服務

積分: 6954

46^#

發表於 04-8-16 14:10 |只看該作者

Re: 有無上班媽咪放工仲要去接返全日學既仔女放學, 仲要買送煮飯? (即係無用工人, 一腳踢)

花花：

我剛過去一個月先為左家務問題同個佬嘈，以前佢只負責星期一至四既晚餐，其他乜都唔做，有個星期日我好忙咁開緊爐整cookie，佢依依哦哦叫我好去買送，仲要單打我似足我阿媽，成日唔想煮飯．:evil:　天口興呀，好鬼燥，我咪發火話佢放假就真係休息，我放假仲要做家務煮飯，真係長年無休．佢之後就黑口黑面話以後佢負責掃地抹地同打掃，星期六日都係佢煮飯．佢真係守信用呀，無反口，不過面口就惡頂．而家我星期六得閒既就買定送，再得閒ｄ就煲定湯，洗埋廁所，其他兼顧唔到既留返俾佢做．希望佢真係會習慣自動去做啦．

~~~~~~~~~~~~~~~~~~~~

私人傳訊

winoma

男爵府

積分: 5877

47^#

發表於 04-9-16 10:07 |只看該作者

Re: 有無上班媽咪放工仲要去接返全日學既仔女放學, 仲要買送煮飯? (即係無用工人, 一腳踢)

Hello! 我8月頭開始呢種生活, 頭2星期放假, 8月中就正式開始, 初初都覺辛苦, 但現在慣了, 可能有時老公幫手做家務, 但就小左時間同個囝玩, 但又比以前跟我, 因起居飲食都係我, 你地又點呀!

私人傳訊

Babies

男爵府

積分: 8117

48^#

發表於 04-9-16 11:23 |只看該作者

Re: 有無上班媽咪放工仲要去接返全日學既仔女放學, 仲要買送煮飯? (即係無用工人, 一腳踢)

Dear all,

好開心見到呢個 TOPIC，可以呻下。我個女而家二歲多，我個女一歲左右，我就開始呢種生活。

我個女日頭就係我阿媽度湊，放工後就去地鐵站交收，再搭15分鐘小巴，番屋企。番到屋企，就係附近的百佳買送，番屋企煮飯。煮完飯仲要洗碗，之後沖涼，陪個女訓覺。

一日就係咁樣過，有時真係好文，老公食完飯，就坐係梳化睇電視同個女玩，而我就好似賓賓咁，洗碗切生果。我同佢都要番工，點解我要咁佢"戰"自己。

不過晚晚見到個女，就真係好開心既。

私人傳訊

Mummy

男爵府

積分: 5874

49^#

發表於 04-9-16 12:10 |只看該作者

Re: 有無上班媽咪放工仲要去接返全日學既仔女放學, 仲要買送煮飯? (即係無用工人, 一腳踢)

Zen, 你老公mon to Thur佢煮飯????? 你執到啦~~~~ 你知唔知道好多老公返到屋企剩係坐係度等食架咋? 我以前就係咁, 做到氣咳做到喊, 皮質醇爆燈! 所以而家生左兩件請左個工人, 佢仲講笑話, 第日兩個返左學就可以由我做 "印印", 唔使請阿印, 我即時還擊, "我彩你都傻! 佢地放學我就癲, 一個月3000幾蚊做到佢隻狗咁, 而且一個月剩到3000幾蚊亦唔會發左達, 你幫你架車換4隻腳都成萬蚊, 要我咁辛苦? 你傻左牙?! 仲有, 我地賣樓蝕左40萬, 呢筆錢都足夠用10年工人, 蝕都蝕左去, 你唔係咁樣虐待你個老婆掛!"

Zen 寫道:
花花：

我剛過去一個月先為左家務問題同個佬嘈，以前佢只負責星期一至四既晚餐，其他乜都唔做，有個星期日我好忙咁開緊爐整cookie，佢依依哦哦叫我好去買送，仲要單打我似足我阿媽，成日唔想煮飯．:evil:　天口興呀，好鬼燥，我咪發火話佢放假就真係休息，我放假仲要做家務煮飯，真係長年無休．佢之後就黑口黑面話以後佢負責掃地抹地同打掃，星期六日都係佢煮飯．佢真係守信用呀，無反口，不過面口就惡頂．而家我星期六得閒既就買定送，再得閒ｄ就煲定湯，洗埋廁所，其他兼顧唔到既留返俾佢做．希望佢真係會習慣自動去做啦．

美甲達人俱樂部私家BlogHERE

Judy's Nail 美甲相集HERE

Judy's Nail Web PageHERE

私人傳訊

大頭蝦

男爵府

積分: 7342

50^#

發表於 04-9-16 12:44 |只看該作者

Re: 有無上班媽咪放工仲要去接返全日學既仔女放學, 仲要買送煮飯? (即係無用工人, 一腳踢)

睇完你地的發表, 先發覺自己真係好幸福...唔好意思真係唔係晒命, 而係我真係從來沒有想像過一個要返工而沒有請工人的媽媽係真係要咁辛苦..真係要向你地致敬 !!! 不過, 就當你地係返朝九晚五, 你地要在自己返工前送仔女返學校, such as 8:30am, 跟住到要自己放工先可以接番佢地走, such as 6:00pm, 敢樣, D 小朋友在學校的時間咪仲比你地返工的時間更長 ?? 雖則返全日學有得訓晏覺, 但係, 小朋友長期係敢樣, 精神會唔會唔係咁好架 ? 我都係唔係好知而估下架咋 ?? 又或者, 佢地可能覺得每日只得咁少時間對住父母, 想 draw 你地的 attention, 而專登做 D 曳野出來等你地留意佢地多 D 呢 ?? 真係辛苦晒你地, 繼續努力呀 !

<div><a target=_blank href=http://www.pregnology.com/pregnancy/02/14/2012><img border=0 width=450 height=185 src='http://www.pregnology.com/preggoticker2/FF00CC/330000/My%20pregnancy/02/14/2012.png' alt='Pregnancy%20ticker'></a><br><a style=font-

私人傳訊

大頭蝦

男爵府

積分: 7342

51^#

發表於 04-9-16 12:58 |只看該作者

Re: 有無上班媽咪放工仲要去接返全日學既仔女放學, 仲要買送煮飯? (即係無用工人, 一腳踢)

Zen >> 唔好咁唔開心啦, 為左間屋企的事搞到兩公婆唔開心其實唔係好值得架 ! 回想一下你地開始組織呢個只屬於你地兩小口的安樂窩時係幾咁溫馨幾咁甜蜜, 果陣可能你錫你老公錫到 "lung" 左, 咩都唔想佢咁辛苦, 可能會諗自己做左佢既女人, 想從此以後就照顧佢一生一世, 令到佢好幸福, 另一邊廂, 你老公果陣又可能會好想你滴水不沾, 想要你做全世界最幸福既女人, 一世養起你唔要你辛苦, 只係可能為世所迫, 沒有辦法就要暫時辛苦下你了 ! 果陣你地仲未有小朋友, 所以可能會輕鬆 D, 兩個大人容易話為, 但係有左小朋友後, 所有野都要好有規律, 要各自有各自的工作, 每晚拖住累到唔識形容的身軀回家仲要唔可以後到休息和寧靜, 個人係會燥 D 憫D, 唔好怪佢, 我估佢個心入面係知道你辛苦的, 只係有時控制自己的情緒未必可以控制得咁好而已.. 只要你繼續努力, 有咩事在發脾四前深呼吸幾口忍左佢...或者, 有一日佢有機會可能在大庭廣眾下大讚佢的老婆係一個賢內助, 日頭要返工, 仲可以打理得個家井井有條呢...唔好灰心 ! 支持你 !!

唔開心, 整番杯冰凍既汽水, 成個人 cool 晒, 煩腦全消, 可以再次接受挑戰 !!

, 唔夠的話, 整多幾杯 !! Cheers.....

私人傳訊

大頭蝦

男爵府

積分: 7342

52^#

發表於 04-9-16 13:12 |只看該作者

Re: 有無上班媽咪放工仲要去接返全日學既仔女放學, 仲要買送煮飯? (即係無用工人, 一腳踢)

Pinkava >> 唉, 唔好憫啦, 憫得多唔靚架 ! :-x :-x :-x <--- 你睇睇自己個 "憫" 樣, 嘻....我都好明白當你好趕時間時, 身邊的人唔配合的憫法, 呢個成日整憫我既人唔係我老公, 而係我個衰仔, 佢專係玩野, 要換衫時唔換衫, 要著鞋時就揀鞋, 仲要揀 D 九唔搭八果 D, 例如, 出街, 著得好 sportive, 佢又堅持要著返學果對黑皮鞋, 又例如著好晒校服準備返學, 佢又話要著有 "bib bib" 聲果對涼鞋, 吹漲..

一係就大家搞好晒, 臨出門口就話 "mama, I wanna go poo poo", 你話係咪得番半條人命 ?? 我唔駛返工, 淨係比個衰仔都玩到謝皮啦...

敢樣... 你宜家咪冇晒時間織冷衫囉 ??

私人傳訊

大頭蝦

男爵府

積分: 7342

53^#

發表於 04-9-16 13:17 |只看該作者

Re: 有無上班媽咪放工仲要去接返全日學既仔女放學, 仲要買送煮飯? (即係無用工人, 一腳踢)

康仔媽咪 >> 你奶奶係咪覺得自己個仔好辛苦, 要養晒成頭家 ? 佢知唔知你都有返工架 ? 佢知唔知返到屋企 D 家務係你一腳踢架 ? 佢梗係覺得得自己個仔捱, 而你就返工賺錢買花戴啦... ?-( ?-(

私人傳訊

大頭蝦

男爵府

積分: 7342

54^#

發表於 04-9-16 13:20 |只看該作者

Re: 有無上班媽咪放工仲要去接返全日學既仔女放學, 仲要買送煮飯? (即係無用工人, 一腳踢)

Winoma >> 你仔仔同我個仔仔一樣咁大, 佢宜家合唔合作聽唔聽話懂唔懂性架 ? 我個仔好唔合作架, 朝朝早起身就話 "no school" "I don' t wanna go to school", 幫佢著校服佢就除, 但係, 若果我地兩個個仔都咁細, 唔會作都唔出奇, 但係若果你仔仔朝早唔合作, 你遲左返工敢點算 ??

私人傳訊

Alexismama

侯爵府

積分: 23722

55^#

發表於 04-9-16 13:47 |只看該作者

Re: 有無上班媽咪放工仲要去接返全日學既仔女放學, 仲要買送煮飯? (即係無用工人, 一腳踢)

各位媽咪,
其實我上年都係好似各位咁要返工, 放工要去湊女跟住煮飯比女食, 我仲要用埋托兒所ge延展服務, 接完女大概7點幾先返到屋企。辛唔辛苦, 我覺得還可以, 因為我通常會之前買定d菜同肉係雪櫃, 早一晚就洗好d菜放係雪櫃備用, 肉就朝早"葉"定, 咁一返到屋企, 就可以立刻開始煮飯, 大家都知, 淨係洗菜加沉菜可能都無左半個鐘, 如果d肉唔"葉"定又無味, 我咪之前一晚或朝早時間準備好晒, 通常8點前我同阿女一定可以開飯, 因為唔想佢成日出街食, 所以自己安排好d等阿女有住家飯食, 我老公多數無咁早返, 所以我都唔等佢, 不過d碗碟就等佢食完飯佢幫我洗, 兩公婆, 決定唔請工人係一齊決定, 咁無理由個老婆辛苦晒架嘛, 接送放學己經好辛苦咁趕, 其實唔係體力支出, 而係精神上好緊張, 成日驚遲去接女, 下下放工就睇住個鐘做人, 都幾辛苦, 老細體諒你還好, 有d衰ge咪話你日日咁準時收工囉, 咁我都算好彩, 我老細都ok :-P :-P

至於, 紅雨,颱風, 一般幼兒園係照常開放, 因為要就家長返工, 係8號先要兩小時內接返屋企。

我岩岩請左工人, 因為幫阿女轉左半日制幼稚園, 以上ge生活就遠離我啦, 不過又要面對另外ge辛苦(憂慮), 例如工人好唔好, 對阿女點, 好明顯, 工人嚟左之後, 阿女都大小姐左好多, 無咁主動做自己應做ge家務, 所以我都覺得比小朋友返全日自己湊返都有好處, 只要安排得好d, 應該可以應付得到 :-P :-P

希望我ge分享可以幫到有需要ge媽咪啦 :-P :-P

私人傳訊

winoma

男爵府

積分: 5877

56^#

發表於 04-9-16 14:49 |只看該作者

Re: 有無上班媽咪放工仲要去接返全日學既仔女放學, 仲要買送煮飯? (即係無用工人, 一腳踢)

Alexismama:

你以前的生活模式好似我現在, 我好小小, 我返9-5, 暫時6點前一定接BB, 只有星期6用過一次延展, (有時奶奶放工收早接BB又可去佢到食飯), 同BB可以早D食飯,因為佢食得好慢, 同你一樣:(通常會之前買定d菜同肉係雪櫃, 早一晚就洗好d菜放係雪櫃備用, 肉就朝早"葉"定, 咁一返到屋企, 就可以立刻開始煮飯,) 老公有時會洗碗.

大頭蝦,

BB都算OK, 佢地呢個年紀一定有D麻煩野(Terrible Two), 叫佢擦牙,例唔擦, 如果我話你唔擦比邊果公仔擦,佢就爭, 我就用呢焦對付佢.
佢都係要出門話要 '柯臭臭', 有都好, 冇就激死, 我以前返工都算準時, 現在就例遲, 自己準時都好開心, 都有d壓力.

私人傳訊

Alexismama

侯爵府

積分: 23722

57^#

發表於 04-9-17 09:51 |只看該作者

Re: 有無上班媽咪放工仲要去接返全日學既仔女放學, 仲要買送煮飯? (即係無用工人, 一腳踢)

winoma, 咁你己經輕鬆過我好架啦, 有奶奶幫下手, 又唔使延展, 我個時係阿女唔舒服, 唔返得學, 我先送佢去婆婆到, 都係要自己送, 婆婆唔會過嚟架 :cry: :cry: :cry: :cry:

但係自己湊總有自己湊ge得著, 好似你都話囝囝好跟你, 幾辛苦都冧晒啦 :-P :-P :-P 阿女都好跟我架, 因為佢知道媽咪咁辛苦都照顧佢起居飲食, 佢都好錫我, 有時我話媽咪好攰, 佢會同我"dup"骨, 見我流汗, 佢會叫我停底同我抺汗, 放學行返屋企佢扭抱, 我話媽咪做左一日野好攰, 佢會頂住自己行, 但如daddy湊佢, 佢一定會扭到daddy抱為止 :evil: :evil: :evil: 我老公有時都妒忌個女錫我多過錫佢, 呢d就係付出後ge收獲

但係就要預左無乜自己時間, 所有時間都係以bb ge時間表行先, 如果各位可以做到呢點, 一定可以好輕鬆咁去應付呢個topic.

祝各位要返工又要湊小朋友ge媽咪生活愉快, 可以好以我咁贏到自己心目中最寶貝ge愛 :-P :-P :-P :-P 好似好誇張咁, 不過真係事實, 希望大家可以感受到我得到ge喜悅 :wink: :wink:

私人傳訊

jk67jk

子爵府

積分: 10867

58^#

發表於 04-9-17 11:24 |只看該作者

Re: 有無上班媽咪放工仲要去接返全日學既仔女放學, 仲要買送煮飯? (即係無用工人, 一腳踢)

我都好佩服所有又要返工, 又要湊仔的媽咪！

不過, 除非經濟到了無法請工人的地步, 我暫時都未有考慮。因為首先, 我EQ低 (是對老公而言)！我可以想像一位大男人, 通常都只會說而不會做。你叫多佢幾次, 佢做, 不過做得唔開心；但佢又未必話你知喎！我地女人, 有時忟起上黎, 語氣真係好差架！日復日, 男人好易忍不到.... 就有麻煩了！

此外, 我又想自己跟進小兒的學習。如果放工後這麼多家務要做, 便無法理會功課了！

再者, 公司放工時間不早, 即使有延展我都趕不及接放學, 如果要買餸就更加不得了。

Pinkava, 你的心情我完全理解, 因為當工人放了21日大假時, 我都曾經如此心情煩燥！不過, 如果長此下去, 對小朋友的心理不無影響。既然決定不用工人, 做女人的心理準備就是「一腳踢」, 老公肯幫是福份呀！幫不了, 預左架！

Alexismama

, 雖然亞仔工人湊, 不過佢好痴我, 都會dup骨架！

「多元社區，和諧並存；你我出手，聾健共融」

私人傳訊

朱古力

男爵府

積分: 5657

59^#

發表於 04-9-17 11:32 |只看該作者

Re: 有無上班媽咪放工仲要去接返全日學既仔女放學, 仲要買送煮飯? (即係無用工人, 一腳踢)

唔覺唔覺都已經唉左三年半,各位媽咪努力呀!

私人傳訊

Alexismama

侯爵府

積分: 23722

60^#

發表於 04-9-17 11:53 |只看該作者

Re: 有無上班媽咪放工仲要去接返全日學既仔女放學, 仲要買送煮飯? (即係無用工人, 一腳踢)

jk67jk, 當然工人湊ge小朋友都會錫媽咪同幫媽咪"dup"骨, 我只不過想鼓勵下係到擔心緊會好辛苦或應付唔到ge媽咪, 當佢地感受到小朋友都懂得去appreciate媽咪為佢地做ge事ge時候, 個種喜悅會令到所有ge辛苦都唔記得晒 :wink: :wink:

因為我而家現請左工人照顧女女, 發現個女無以前咁主動幫手收拾同做家務, 想請教你會唔會要求囝囝自己收拾碗筷等, 如有, 請指教。我自己湊個時佢好肯幫手做, 我掃地, 佢又會掙, 洗菜佢又話要幫手,而家就乜都唔關佢事咁, 連"dum"垃圾都大小姐咁坐係到叫工人做, 我都唔知點算好, 見到都話叫佢自己"dum"返, 日頭流流長得佢同工人, 佢大晒, 我自己覺得慣左就唔係咁好啦 ?-( ?-( ?-(