夫婦情感今日: 2|主題: 42751

收藏本版

發帖

返回列表

跳至頁

樓主: linglingnatalie

我的初戀故事,再次更新啦!!!! [複製鏈接]

1 23

猴子媽媽

別墅

積分: 726

41^#

發表於 16-6-19 20:29 |只看該作者

追

私人傳訊

linglingnatalie

大宅

積分: 1578

42^#

發表於 16-6-20 06:52 |只看該作者

回覆樓主:

周老師唔肯出來見我,我又唔想返學,因為已遲到,乾脆唔到,反正都無心機。唯有打比所謂既契哥--美術老師,距聽到我喊晒口,即刻話出來再講,見到美術老師時我已經喊到成個淚人甘,點解2個都是男老師,卻有甘大分別?距話不如帶我去公園散下心。我就甘跟距去佐公園,去到穩佐個比較安靜既涼亭,問我發生咩野事?我講成件事既來龍去脈講晒比距知,我話我傻,“明知無結果都去追求,而且距都已經拒絕單獨見面好明顯系拒絕我.” 其實我明白,不過我真是好像距當面拒絕我。最後美術老師買佐2個雪糕比我食,話“食佐個人會開心d,叫我唔好再霖咁多.”
佢仲問我“你唔怕我係壞人啊,咁單獨跟我來公園?”
我答佢“我無霖咁多,當時就淨係好想有人聽我呻下咋”
佢話“唔好咁易信人,無咁單純,佢唔出來見你都是為你好”

嗯,呻完,喊過,下午返去上課。點知,返到學校門口,見到爸爸企係度。爸爸“你同學中午來睇下病好未?你請咗病假,你有咩也病?你成朝去咗邊度?”
一連串既問題,我點答好,當時真是好驚,唯有喊住打比美術老師.因為我地級係分校上課,而佢係正校教美術,20分鐘後佢來到。佢地講咗咩也我唔知,因為我好驚,驚到淨係識喊,喊住話要見周老師,周老師無得話唔見我,因為佢就係隔離班.
佢問我“發生咩也事喊?點解會跟咗美術老師出去?係唔係美術老師對我做咗d咩也事?”
我“因為今朝你話唔得閒出來,所以我咪叫美術老師來開解我咯,佢對我好好,起碼佢肯出來開解我.我喊係因為我爸爸知道我逃學,我怕面對爸爸。”
又係一連串既問題。。。。。
我一邊喊一邊反問佢“點解你今朝唔出來見我?”
周老師“我要上課,係學校都可以見面,點解要逃課出去見?”
我“點解打比你,你都唔聽我電話?”
周老師“呢排比較忙啊嘛,你都知就來期末考試啦”
我依然係喊到收唔到聲。
周老師一直安慰我。
我話“點算?等陣放學點算?我唔敢返屋企,我怕面對父母?”(畢竟係我第一次將大話逃學)。
周老師“唔怕既,我同你爸爸解釋清楚就無事,放學我同你返屋企,無事既。”

私人傳訊

linglingnatalie

大宅

積分: 1578

43^#

發表於 16-6-20 07:20 |只看該作者

回覆樓主:

內心深處好開心,周老師話送我返屋企。可惜最後佢無兌現承諾,送我返屋企既是我舊班主任曹老師。一路上我都好驚,唔知返到屋企點面對父母既質問?可能係之前周老師同我爸爸講咗我怕返屋企吧,返到去佢地無再提起呢件事,美術老師來咗我屋企,我見到爸爸比咗100蚊比美術老師,原來係美術老師幫我還咗100蚊比周老師,而唔知點解我爸爸又知道周老師比錢我既事,(我估係周老師同我爸爸講因為阿標成日煩住我,我因感情煩惱而逃學)。結果就是周老師比錢我還比阿標,美術老師幫我還比周老師(我唔知情)，而我爸爸還錢比美術老師。。。。。。
呢件事就咁告一段落
過咗大概2星期左右,我頭痛病越來越嚴重,成日都自己打自己個頭,想將d頭髮連根拔起。我想去睇醫生,但唔想比父母知,想同周老師或者美術老師講,但又怕佢地最終同我父母講。點算?最後我選擇咗同舊班主任講,問佢可唔可以帶我去醫院睇醫生?佢應承咗,仲即刻帶我去睇醫生,睇完仲送我返屋企,但完全無同我父母提及去醫院既事,就話我上堂時覺得頭痛所以送我返來休息.或者大家都是女性既關係,佢同我保守咗呢個秘密。
其實睇醫生有開藥比我食,醫生話根據我情況係霖太多,導致神經衰弱,如果再遲d先睇既話可能會變成有精神病,開咗d藥比我控制住病情。我有帶錢去,不過曹老師話可以用佢既医保報銷,唔使我比。其實真是好感激曹老師,如果唔係佢肯帶我去睇醫生,或者我宜家會係青山做緊精神病人。。。。

寫住咁多先,要訓覺,話說宜家已經係凌晨1am啦!