大仔大女媽媽會 今日: 0 | 主題: 177860

積分: 2020

41^#

發表於 09-1-3 23:57 |只看該作者

我諗我唔會賣stroller住喇. 我其實想生多個..
況且我阿女肯坐stroller咖..

自從我戒左抱住佢瞓之後, 我地去街果陣, 佢攰就會係stroller瞓著, 唔洗抱住瞓. 所以, 我地去街, 一定帶stroller, 見時間差唔多就放佢落去, low低個車頂cover, 比條紗巾佢, 咁佢就會自己瞓..

佢一日至小出一次(同我食早餐), 多數出兩次(下午去supermarket), 有時出三趟添呀 (老公食完飯想落去散下步食下甜品), 無左stroller我頂唔到呀, 邊度抱到咁多呀!!!

可能係一開始, 我得一個人去照顧bb, 一定要佢瞓stroller去街, 佢習慣左係stroller入面嘅感覺.
(因為佢初初出世果陣, 我一個人照顧bb, 好彩有陪月, 但陪月陪8個鐘, 咁我果陣一個人老公有contract係身未返得香港, 我就日日推住佢落街行下, 買下嘢食, 買下餸, 去下supermarket, etc etc.)
推下推下, 推到家陣16個月, 對佢黎講, stroller係佢生活嘅一部份黎咖喇.. 哈哈~~ 好似係屋企食飯果陣坐果張high chair一樣. 食飯就要坐high chair, 去街就坐stroller.

私人傳訊

積分: 743

42^#

發表於 09-1-4 12:44 |只看該作者

carmen, 我有時都幾服你，話甘就甘，反而我湊bb就成日要參考其他同月齡bb,看看自己的有沒有差過人/叻過人！可能我自己做教書，依家有好多要special care 的小朋友，什麼hyperactive...自閉等。。所以成日check阿女係各方面有無問題，你都講得對! 每個bb都有自己的性格，下下都要同人比較都幾辛苦！

不過，我真係覺得阿女大個左，！今早又去上playgroup (我話阿sir好衰，成日話我個女個個），之前阿女堂堂都會走來走去，又走出門口，坐唔定。。。但今堂她罕有地坐定定follow instructions !

好surprised !希望係個好開始，今年要番n1,再唔坐定定實比老師投訴！

係呢！我係其他討論區知道樂基幼兒有結果，收唔收Chole ? 我有間10號都會有信，好緊張！我d friend成日話pre-nursery遮，使唔使甘緊張。。。唉！我都唔想，但想個女讀度d好學校，就要早d plan !

多謝你的hyperlink !我有時間會去下！不過，無架輕便stroller去遠d地方都好煩！唔好話抱得耐可以放bb落stroller, 訓覺都係一個問題，所以你訓練到stroller, high chair 係 Chole生活的一部分，真係好店！講開我張high chair....又係使用率勁低！

聼到你想生多個，真高興！你又為即將殺校的老師帶來新希望啦！hehe

, 我老公已經totally turn down 我，我要曡埋心水湊大阿女！

私人傳訊

積分: 2020

43^#

發表於 09-1-5 00:48 |只看該作者

我之前都會同人地個bb比較, 但比較完, 我唔覺得我有咩得著 (or I should say "NO VALUE ADDED") 如果阿女好過人, 唔代表佢一定係好 (只係好過果一個姐

mouth: ), 如果阿女差過人, 又令自己唔開心

.. 所以, 我選擇唔去比較

(唔諗唔洗煩!)

不過, 我都會睇住佢地長大果嘅reference, 果啲咩生長線呀, 幾多個月應該要做啲咩呀 (即係健康院姑娘比果啲reference booklet, babycentre, etc etc), 會check下阿女有咩做到, 有咩未做到, 做到我當然好開心啦 (事關唔洗教啦嘛), 做唔到就會睇下我配唔配合到佢囉, e.g.玩玩具, 我會買佢應該玩嘅玩具比佢玩, 同佢一齊玩, 希望佢學嘢都會係開開心心咁學到.
好似話坐potty, 學飲水, 家陣咁凍, 連我自己都唔係好想打出patpat坐住個凍冰冰嘅厠板:;pppp: , 所以我就想遲多兩三個月, 等天氣暖啲先再教.

另外我諗, 最主要係, 我無你咁專業呀

, 哈哈, 我唔知點幫阿女check佢有無問題呀!!!

私人傳訊

積分: 2020

44^#

發表於 09-1-5 00:50 |只看該作者

我都覺, bb初頭去playgroup好麻煩, 我阿女又好鬼怕生保, 唔好話點佢抱佢, 你望下佢都唔得呀..

佢10個月開始我就同佢去幼潛, 去到家陣16個月, 睇住佢係呢方面有好明顯嘅轉變..

我諗, 你阿女開頭去playgroup, 只係佢未知道個schedule同模式遮, 當佢慢慢習慣(learn from her experience)playgroup嘅模式, 佢就知道幾時要唱歌, 幾時係玩遊戲, 佢嘅表現係會愈來愈好咖喇, 你放心啦.

私人傳訊

積分: 2020

45^#

發表於 09-1-5 00:54 |只看該作者

樂基幼兒, 我仲未見到有信呀, 希望瞓醒之後會收到啦.

係呀, 你朋友講得好啱, 唔好咁緊張, 今年入唔到心儀嘅學校, 唔等於阿女無晒前途啦, 亦唔等於下年入唔到好學校啦, touchwood, 萬一真係唔得, 下年k1再努力過!!!

我比阿女入PN, 哈哈, 講到尾, 我好自私咁, 其實係想放自己幾個鐘頭假.
另外, 入PN, 我覺得學校係會有一套比較systematic嘅方法去教小朋友自理行為, 如果佢跟住我, 我未必會教得好有系統, 可能東教教, 西教教.. 去到邊, 教到邊.
最後, 入PN佢可以識下朋友仔, 我見佢同其他小朋友玩, 係真係好開心咖!

私人傳訊

積分: 2020

46^#

發表於 09-1-5 01:05 |只看該作者

我唔記得邊個同我講, 話唔可以比佢四圍走, 我追住佢餵飯..

於是, 由佢第一日食cereal開始, 食mum mum就坐high chair. 除左早晚兩餐奶抱住佢飲之外, 食嘢就上high chair囉, 食lunch, 食dinner, 食snack同fruit都係.

對佢黎講, 我從來都未試過比佢一邊食一邊四圍走. maybe, 佢根本都唔知一邊食一邊四圍玩四圍走果種過癮法掛~

私人傳訊

積分: 743

47^#

發表於 09-1-5 11:35 |只看該作者

我一d都唔專業就真，唉！大家努力啦！

講開講，我見你回覆時間係半夜，乜你甘夜都唔訓？係喔，你唔使番工，可以訓到好遲都得，好羡慕你呀！

收到稅單，07出世bb可以有免稅額100000，今年交少左好多稅，好happy!我相信你老公都好happy！

我都期望阿女番左學可以有番多d私人時間，雖然我都返左工。。。但係自從阿女出世之后，我就無曬私人時間，無買衫啦，無看戯啦，少左同朋友gatherings....

我的朋友話：嘩!你已經有工人幫手！都甘困身？

我承認自己好緊張，下下要自己親力親為!搞到自己好busy!但我相信自己跟的小朋友會好d, 如果我有得揀，我都想做全職媽媽，所以，carmen,你好幸福呢！仲有，d 人話好多名校，dbs, 民生。。。鍾意收全職媽媽的小朋友，可以輔助學校教育，所以，你要keep 住做housewife直至Chole小學呢!

我發覺都幾多bb叫Chole, （我問人先識讀！）我個bb叫Michelle, 係她老豆改，我好憎，又老土，仲有好多靚女先會叫Michelle, 萬一阿女唔標緻，就唔櫬個名啦！

仲有，個中文名又係老豆找人改，我又唔like!
所以，我依家都係叫我個女做，bb, baby...唔叫名！

私人傳訊

積分: 2020

48^#

發表於 09-1-5 12:17 |只看該作者

我通常等阿女瞓左我先做自己嘢, 阿女9:30pm瞓, 我就睇電視, 沖涼, 做mask, 上網.
日頭多數做"家庭"嘢, 交下錢呀, 睇下有咩要買呀, 諗下食咩餸, 工人仲好新, 樣樣都要跟足啲, 教佢洗教佢煮.. etc etc.

家陣見有小小時間, 又上黎打幾句.

我同你一樣, 自從阿女出世，無晒私人時間.
我有啲朋友都有咁話, "洗唔洗咁緊張?", 但我覺得, 一手一腳好啲, 我好好彩, 唔洗做嘢, 所以我唔洗依賴工人幫我教, 我亦唔想佢教 (因為大家生活背景唔同, 佢認為啱嘅, 我未必認同), 為免大家有磨擦, 教女都係留返比自己, 家務我就比晒佢做.

嘻嘻...我阿女係 Chloe 呀, 唔係Chole.
阿女中英文名, 都係爸爸改.
我只係負責搵晒好啲劃數.. 同埋pick out一啲我喜歡嘅字, 爸爸負責最終一輪挑選. 哈哈~

私人傳訊

積分: 2020

49^#

發表於 09-1-5 17:58 |只看該作者

收到信喇, 好失望, 係reject letter.. 哈, 連waiting都無..

我唔開心, 好想知道阿女係邊方面要改善, 但我知我係無可能會知道阿女嘅assessment result.. that's what I feel depressed.....

私人傳訊

積分: 743

50^#

發表於 09-1-6 09:04 |只看該作者

我唔係安慰你呀！reject 係好大機會, 好多多人爭的kinder 都會prefer收大仔女！我問過victoria,d staff話政府規定要足兩嵗先可以讀n1, 有d 九月開學，有d八月開學，如果收d 九月十月先出世的小朋友，要等他們夠嵗數插班先交學費，嘩！足足收少兩個月學費喔！比你做校長，收曬大仔可以收多d學費啦！仲有，大仔學嘢會快同埋成功率高！將來guarantee派小學會好d, this is the selling point!所以，根德，york，學之園講明，大仔係first priority...我唔知樂基八月還是九月開學。。。唔知我地兩個算大/細?

唉！你話個d年尾出世甘心做細仔都話遮，我地8月個d 算細就半天吊!你都知我幾緊張小朋友學業，阿女預產期係九月中，我一早打算開刀，醫生話九月頭係最好。。。但我同事話係九月前出世揀kinder會多d選擇。。於是，我決定再早d生，結果，阿女出世都唔夠6 磅，好彩依家追番條生長綫。。不過不失!但係估唔到8月都算細。。

算啦！Carmen，再接再勵！HKPS甘多人報，$50一張application form都甘多人要，so crazy！！！我相信waiting list都會係大仔occupy,所以細仔就reject曬！

塞翁失馬焉知非福！keen mind再黎過！

sorry! Chloe..(是否讀：co-yi),我串錯左!

Chloe出世甘耐，你地兩公婆有無離開hk過下二人世界？

我就試過上海，台灣，但只是三日兩夜，因為唔放心阿女！（雖然有工人同母親看住！），我地兩個谷曬平時簽脹落一張卡，所以可以換免費機票，，，依家積分就到期，想計劃Easter去釜山/台南。。。

私人傳訊

積分: 2020

51^#

發表於 09-1-6 13:09 |只看該作者

嘩.. 你.. 好狼呀.. 竟然比醫生建議嘅仲要提早啲出世..
我不知幾想阿女係我個肚入面留多兩三個星期.
我阿女預產期係9月25日, 本來諗全12日開刀, 點知, 佢搶閘, 8月29日(36wk)就走左出黎.. 得5lb3oz, 好彩唔洗入箱.. 亦好好彩佢無咩黃, 跟住條 '25' - '50'嘅生長線大.

我見HKPS有收8月嘅bb呀~ 不過, 我唔係非君不讀果種人, 只係, 我想知, 阿女衰咩, 而我可以及早給予改善.
BUT I KNOW, WE NEVER KNEW THIS REASON. This is what I upset for.

Chloe..(讀：clo-ee).

Chloe出世甘耐，你地兩公婆有無離開hk過下二人世界？
<= 係無嘅, 唔知點解, 我一出街, 個心就好掛住個女..
但係屋企我又想去街~~ 哈~~

我好想一家三口一齊去.. 等阿女可以跟我地食大人嘢果陣, 我諗我一定會去.. 我想去澳洲呀~

[ 本帖最後由 CarmenK 於 09-1-6 13:12 編輯 ]

私人傳訊

積分: 2020

52^#

發表於 09-1-6 13:14 |只看該作者

琴日寄左application form for KeenMind.
一陣去下學之園 (屋企附近), 問下仲收唔收form先..

私人傳訊

積分: 743

53^#

發表於 09-1-7 08:13 |只看該作者

甘Chloe係吳係都係開刀生？個時，我其實都想心思思試下自己生，經歷下十級痛苦，但我老公話我一定頂唔住。。結果，就豪無驚嚇地凖時入院，凖時開刀生女！

HeHe,我地兩個bb居然都係唔夠6磅，我個女都係細碼，依家生長綫都係25-50。！

HKPS有收8月b?可能人地係8月頭呢！又或者有人事関係呢。。。我同你chat左甘耐，聼你描述，Chole應該都算係smart個種！算啦！過左去就唔好再去想喇！找多幾間nursery仲好！。。。。Sorry, urgently called by sbdy, to be continue....

私人傳訊

積分: 743

54^#

發表於 09-1-7 12:47 |只看該作者

我都有個朋友，個女大我個個兩個月，她只報了兩間pre-nursery, 她說：如果讀唔度好的kinder, 她會安排報多些playgroup，再加自己教，話始終係pre-nursery，都係遊戲多。。。

我看過一編文章，係建議小朋友入學年齡，都係個句，如果家裏有人教，有教材，可以3 嵗才入學。。。我個女就一定要兩嵗啦，反而你有得選擇！

近排學校考試，可以早些回家陪下阿女，尋日去會所玩時，與一個staff 傾計，勁！三個仔讀喇沙小，喇沙中，細個時，一個讀根德，一個St. Catherine, 一個keenmind, 全部自己考入去！！！我以為他們一定入曬U, 點知，好surprised, 兩個讀唔度大學，細仔仲讀緊中一。。。她說，三個仔真的分薄了concern，同埋她語重心腸同我講，當你所做所安排的嘢，小朋友達吾到所期望的，做阿媽會好frustrated!!依家她只望小朋友健健康康就算了！

我聼左之后，我都覺得培育子女都係隨緣就好了，免得做父母做子女辛苦

私人傳訊

積分: 2020

55^#

發表於 09-1-7 23:05 |只看該作者

我係開刀生Chloe咖.. 個醫生返醫院幫我開刀囉~
我仲好記得, 果朝6點, 覺得好似穿水, 我仲'琴'返張被同阿女講, 唔好出黎住呀, 你阿爸未返呀, 你係入面玩多兩個星期先啦.. 跟住我叫自己瞓過

點知, 到6點半, 我覺得, 真係出事喇, 於是就起身, 打電話比我老公, 我話我好似要生喇, 嚇到佢死呀.. 哈哈.. 結果佢果晚梗係瞓唔到啦, (佢果邊慢我7個鐘) 佢第二朝就扑返工問可唔可以即刻攞假返香港, endup 佢返到香港, 阿女已經出左世第3日喇~

之後, 我攞起個走佬 (好彩我之前一日執好個袋, 真係生之前一日執咖咋, god bless.), 就去醫院.
我落街搭的士果陣先打比我奶奶.. 我話我去醫院check下係咪真係要生先啦, 叫佢老人家唔好出黎住..

去到醫院, 我話我好似穿水, 但我又未生過, 我唔知係唔係..
入到去check, 個nurse話, 嘩!!! 你穿大水, 要生喇~~~
waaaaaaaaaaaaaaaakakakaka~

私人傳訊

積分: 2020

56^#

發表於 09-1-7 23:45 |只看該作者

我看過一編文章，係建議小朋友入學年齡，都係個句，如果家裏有人教，有教材，可以3 嵗才入學。。。我個女就一定要兩嵗啦，反而你有得選擇！

<= 我都好想係屋企教, 但我唔知應該係邊度開始教起. 我嘅起居飲食, 習慣, details佢都已經一清二楚, 我要用嘅嘢, 要講嘅詞語佢都應該聽得七七八八, 家陣只係等星期六/日, 等爸爸得閒同我地一齊去街 (去遠啲) 我先有啲新鮮啲嘅嘢介紹比佢識..

另外, 我覺得啲小朋友一齊做一樣嘢, 佢地會容易/肯做啲. 事關佢地見到人地做, 佢又有樣學樣. (佢返playgroup, 睇見人做, 佢又做).

佢家陣學嘢好快, 我今日行過circle k, 我話佢知咩係"newspaper", 行左幾個街口, 我再問佢, "where is the newspaper?", 佢竟然指到報紙檔上面啲報紙比我睇.

我就係知佢呢個時候係佢吸引知識嘅黃金檔期, 我先想比阿女入nursery, 學校點都會有一套比我更systematic啲嘅教材/多樣式嘅主題去教, 加上我同佢係家中練習, 再加一啲我失驚無神教佢嘅嘢 (e.g. newspaper, lamp post, rubbish bin, recycle bin, etc etc), 我覺得咁樣會比起單單跟住我學, 效果會好好多啲.
that's why I only choose those half-day nursery.
(of course I know the drawback is, they got sick easily!)

咁我都唔係阿豬阿狗nursery都比阿女去, 我都只係揀左3-4間, 樂基, 劍鳴, 迦南, 學之園, (可能我會揀多1-2間啦~ 但未開始搵呀.)

[ 本帖最後由 CarmenK 於 09-1-7 23:55 編輯 ]

私人傳訊

積分: 2020

57^#

發表於 09-1-7 23:57 |只看該作者

我都有諗過去playgroup算, 但好嘅playgroup唔易搵, 返nursery習合了語文, 自理行為, 大小肌肉訓練, 音樂/art, 體能, 社交禮儀, 各樣各樣.. 要搵到晒咁多樣而又好嘅playgroup(s), $$$ 可能比起返nursery更多.. 可能要多好多添..

仲要呢度去一個鐘, 果度去一個鐘.. 對阿女同對我都唔好.

私人傳訊

積分: 2020

58^#

發表於 09-1-8 01:07 |只看該作者

你同事個case...

我咁諗, 係我能力範圍以內嘅, 我仍然會幫阿女安排我覺得對佢好嘅嘢比阿女.
(e.g. 幫佢搵學校, 去上playgroup, 搵地方去玩, 搵地方刺激下佢觀感, 佢返學要同佢溫習呀, etc etc)

我明白, 佢做唔做到係佢能力嘅問題, 只要係媽媽同子女都盡左力, 那就無愧於心..
我地始終都係人黎咖嘛, 阿女嘅表現唔係我地想像中咁好, 有啲frustrated係人之常情, 我覺得好正常.
只係, frustrated過後, 就要懂起返身, 要學識接受..

我開頭同阿女去playgroup, 都有過呢種經驗, 點解人地阿女做到, 點解我阿女唔得嘅, 試過好心急想佢做到, 於是迫佢做, endup令阿女好抗拒, 死多兩錢添.
後來, 我發覺自己咁係錯嘅, 我應該接受阿女嘅能力, 佢呢一刻未做到, 我應該同佢一齊努力, 慢慢學慢慢做, 成果未必第二日立刻看見, 但見佢有progress, 雖然依然沒有別人做得那般好, 起碼佢已經不是最差勁最有問題的一班, 我已經覺得好開心.

我亦開始逐漸嘗試阿女唔同area嘅能力.. 能力未太好, 咪多加鍛鍊..

有時阿女做得好(出孚我意料之外), 亦唔洗太驕傲, 一山還有一山高, 反而我會諗下點樣可以enforce到佢果樣才能, 才不會浪費阿女嘅天賦..

私人傳訊