吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› 如何說服c6生BB？

想生BB 今日: 3|主題: 109614

收藏本版

發帖

返回列表

跳至頁

樓主: ume

如何說服c6生BB？ [複製鏈接]

1 234 5

jelly-pudding

子爵府

積分: 12761

醒目開學勳章畀面勳章

41^#

發表於 08-11-12 16:45 |只看該作者

原文章由 ume 於 08-11-12 16:43 發表

如果有咗就一定無問題，這點我絶對可以肯定的，亦十分肯定佢會好開心。

我地係計安全期來避孕的，所以佢合作都係無機會bingo。

你m好準架? 佢一定知邊日係安全?

私人傳訊

cherrymak

別墅

積分: 752

42^#

發表於 08-11-12 16:47 |只看該作者

原文章由 ume 於 08-11-12 16:38 發表

其實我都知，我早排先就do do同生BB問題好認真咁同佢傾完。c6既問題係連諗下有BB之後會有咩問題都唔想諗。佢淨係話有壓力囉！咁我問佢有咩壓力？佢就開始話我比壓力佢！佢仲同我講，當D朋友話比我地聽佢地有咗，佢就好大壓力，因 ...

唔好咁快放棄住, 仲記唔記得婚姻的承諾係一生一世架?
睇黎你地溝通唔倒....不如你地試下搵婚姻輔導幫手....

私人傳訊

ume

公爵府

積分: 29804

43^#

發表於 08-11-12 16:50 |只看該作者

原文章由 cherrymak 於 08-11-12 16:42 發表

無錯, 正如頭先我同 ume 講, 兩個人溝通最重要,
咩都拎出黎傾先可以解決倒問題架, 仲有要記住,
兩個人一齊, 冇可能樣樣野都一致, 所以好多時都要傾,
大家取得平衡同妥協囉~

不如你慢慢同佢認認真真傾下....至於 d ...

我都會繼續搵機會同佢傾下，不過有時真係好累。搞到自己好似無人要咁。我記得我地同居5年，do do我估應該唔過5次。結婚後，第一次do do係要我發脾氣之後先有，仲要係婚後半年。之後協議咗每個星期一次，到最後佢都因為打機而miss 咗好多個星期，到而家是我每個cycle 1次，我既cycle係三十幾四十日！
其實我明白倆公婆有問題係要傾，但我實在比人打沉得太多次，我真的很累，很想放棄。

[ 本文章最後由 ume 於 08-11-12 16:52 編輯 ]

私人傳訊

ume

公爵府

積分: 29804

44^#

發表於 08-11-12 16:51 |只看該作者

原文章由 jelly-pudding 於 08-11-12 16:45 發表

你m好準架? 佢一定知邊日係安全?

唔係，我係用量體溫的！所以一定準！

私人傳訊

caric

民房

積分: 52

45^#

發表於 08-11-12 16:52 |只看該作者

Ume,
我想問一問d無聊野先,其實我係bk成日都見人講c6=老公,咁其實c6即是stand for咩呢?係唔係死佬呀?

你c6同我o個個係一樣架,有少少唔同係我c6見到我d朋友個bb會同我講好得意,不過當我同佢講我地要返個既時候,佢就唔理我囉。不過後來再傾返,原來佢係覺得唔係時候,唔係話覺得唔想既,不過我地就事與願違啦,當我好努力去說服佢要bb,說服佢去做產前檢查(即是婚前檢查),宜家check左出黎有問題啦,我有後悔點解唔一結婚就去check,咁去排期都可以早d做呀嘛
Anyway,我覺得你c6似好怕面對自己有bb,但係有一點可以肯定,佢唔抗拒同其他小朋友玩,我估佢都ok鐘意既,咁你有冇同佢講,你點解想要bb呢?可唔可以試下行感動條路,等佢因為你,會改變佢怕bb既想法呢?
do do既問題真係好難搞啦,又係同佢講,宜家唔係交功課,唔係要佢定期幾時幾日要佢做,總之有mood有心情個時唔好打機去分散注意力囉,同埋你可以問下佢,到底點解會冇興趣,到底係你吸引唔到,定係因為怕有bb,所以唔do呀?如果佢真係夠膽答係關你事,你唔好唔開心,因為我c6都有講過,我叫自己唔好火,再繼續問佢有咩可以吸引佢,佢好夾硬講左d野出黎,咁我做左又好似好d,我諗最緊要培養返佢個興趣啦,一步一步黎,唔好急唔好忟,我真係好明架
我都真係有諗過去book個心理醫生睇,我仲send埋mail去問,不過最終再同c6終極一傾,宜家又唔係好大問題喎

原文章由 ume 於 08-11-12 16:38 發表
其實我都知，我早排先就do do同生BB問題好認真咁同佢傾完。c6既問題係連諗下有BB之後會有咩問題都唔想諗。佢淨係話有壓力囉！咁我問佢有咩壓力？佢就開始話我比壓力佢！佢仲同我講，當D朋友話比我地聽佢地有咗，佢就好大壓力，因 ...

私人傳訊

ume

公爵府

積分: 29804

46^#

發表於 08-11-12 16:57 |只看該作者

原文章由 cherrymak 於 08-11-12 16:47 發表

唔好咁快放棄住, 仲記唔記得婚姻的承諾係一生一世架?
睇黎你地溝通唔倒....不如你地試下搵婚姻輔導幫手....

婚姻輔導，我婚前都有搵過，但未結婚，我都唔知點把個性生活唔協調這件事講出黎。到而家，我又未夠勇氣向社工講。其實我都有問過c6，係唔係搵社工搵下手，佢淨係話唔洗，佢會做好D，不過我當然係仍然在屢敗屢戰中。

私人傳訊

caric

民房

積分: 52

47^#

發表於 08-11-12 17:03 |只看該作者

原文章由 ume 於 08-11-12 16:50 發表
我都會繼續搵機會同佢傾下，不過有時真係好累。搞到自己好似無人要咁。我記得我地同居5年，do do我估應該唔過5次。結婚後，第一次do do係要我發脾氣之後先有，仲要係婚後半年。之後協議咗每個星期一次，到最後佢都因為打機而 ...

唔好放棄啦,一定解決到架,咁當初協議一星期一次,係要你發脾氣,定佢自動自覺講架?
你同佢講,佢唔肯do do,你真係會胡思亂想,會覺得同佢一齊好唔開心,咁你唔開心,佢又覺得好大壓力,係一個雪球道理,你問下佢係唔係真係想大家既關係好似越來越疏離,就咁就一世,可能佢諗諗下會明白你多d,會體諒你
我都知成日都傾,傾完好得唔夠一星期又係一樣真係好難受,不過唔好放棄啦,我同c6同居年幾,結婚兩年,都係啱啱先解決到呢個問題
我support你架,唔好放棄,行感動路線啦,我覺得男人都好易心軟,佢唔想你唔開心,就會諗辦法解決架喇
至於bb問題,你36,其實真係唔可以再拖啦,你再同佢講,你有幾想要,如果一世都冇bb,真係會覺得好遺憾,大家拎出黎講下,到底佢怕負責多d,定係你既唔開心會問題大d囉,等到佢諗通左,可能都miss左呢幾年既日子喇,呢樣唔好再拖,搵個weekend同佢好好地講下,如果佢肯陪你行山放狗,你咪同佢講,如果有多個小朋友陪埋一齊,佢會唔會覺得好開心呀

私人傳訊

ume

公爵府

積分: 29804

48^#

發表於 08-11-12 17:07 |只看該作者

原文章由 caric 於 08-11-12 16:52 發表
Ume,
我想問一問d無聊野先,其實我係bk成日都見人講c6=老公,咁其實c6即是stand for咩呢?係唔係死佬呀?

你c6同我o個個係一樣架,有少少唔同係我c6見到我d朋友個bb會同我講好得意,不過當我同佢講我地要返個既時候,佢就 ...

係呀！c6=死佬。

我同c6婚前檢查都做咗喇，我同佢都無問題。其實佢都會話D朋友既BB好得意架！不過我無諗過用感動方法去說服佢喎！可能我可以試下這一招。

至於do do，我都有同佢講，可能問題唔係佢度，而係在我身上，我有鼓勵佢講出來，但佢都只係話只不過係佢唔需要喎！我暫時仲未搵到解決方法到路向，有點泄氣呢！

私人傳訊

kswiss

禁止訪問

積分: 4971

49^#

發表於 08-11-12 17:09 |只看該作者

提示: 作者被禁止或刪除內容自動屏蔽

私人傳訊

wishlybb

別墅

積分: 522

50^#

發表於 08-11-12 17:12 |只看該作者

回覆 #1 ume 的文章

Ume,

容許我直接d, 你c6就係幾得意喎~
睇唻佢好似唔係好鍾意dodo咁.....

我c6都好鍾意打機, 真係24小時狂打唔停手都得.

我地結左婚都4年幾喇, 依家都係等運到, 頭兩年因為要移民所以當時c6話唔好有bb住, 當時我地都係一個月都係1次左右.

結婚時我仲細, 所以覺得等多兩年都唔係問題. 但到移左民後, 終於穩定, 而我又冇返工, 當然係好想生bb, 果陣屋企人又催, 身邊d朋友一個一個咁又, 成日比人問, 壓力開始有. 但我c6都仲係施施然咁, 每個月都仲係一次咋, 攪到我好唔開心, 仲發脾4同佢講, 我30歲前冇既話, 唔會生呀!

到今年3月食過一次炸糊, 就果次我c6就發奮, 每個月都同我配合. 可能因為佢都自覺年紀唔細喇.......

你c6唔想生, 可能真係唔想為左個小朋友而被綁一世, 或者佢仲未有心理準備去做爸爸. 好明白你心情, 我地又唔係單性繁殖, 如果自己攪得掂都唔洗靠佢地啦! 要生bb首要條件要佢肯先得. 佢企得咁硬真係好麻煩.

不如的起心肝同佢傾最後一次啦, 大家夫婦有事應該坦誠相對. 放下面子求下佢講個理由都要架喇. 除非其中一方肯妥協, 如果唔係長此下去大家都唔開心.

sorry, 好鬼長氣~希望你地快d達到共識啦~

私人傳訊

ume

公爵府

積分: 29804

51^#

發表於 08-11-12 17:14 |只看該作者

原文章由 caric 於 08-11-12 17:03 發表

唔好放棄啦,一定解決到架,咁當初協議一星期一次,係要你發脾氣,定佢自動自覺講架?
你同佢講,佢唔肯do do,你真係會胡思亂想,會覺得同佢一齊好唔開心,咁你唔開心,佢又覺得好大壓力,係一個雪球道理,你問下佢係唔係真係 ...

多謝你既鼓勵！睇黎我都可以用下感動這個方法。希望會有D用。

其實do do既事，你所講既我都同佢講咗，不過正如你話齋，好得一陣就故態複萌，屢敗屢戰；屢戰屢敗既生活真係唔多好受。

私人傳訊

kswiss

禁止訪問

積分: 4971

52^#

發表於 08-11-12 17:16 |只看該作者

提示: 作者被禁止或刪除內容自動屏蔽

私人傳訊

caric

民房

積分: 52

53^#

發表於 08-11-12 17:17 |只看該作者

原文章由 ume 於 08-11-12 17:07 發表
係呀！c6=死佬。

我同c6婚前檢查都做咗喇，我同佢都無問題。其實佢都會話D朋友既BB好得意架！不過我無諗過用感動方法去說服佢喎！可能我可以試下這一招。

至於do do，我都有同佢講，可能問題唔係佢度，而係在我身上，我有鼓勵佢 ...

咁你一於試下用感動方法啦,somehow我覺得係幾work係我同c6既關係架
咁同佢坦白講,兩個人一齊一生一世,都係想開開心心過一世,唔係你又收埋一d野唔講,我唔鐘意又唔出聲架嘛
do do方面,我c6都係話冇需要架喎,不過當我問佢,咁你自己有冇搞掂,唔知點解佢又答我有,我咪反問佢,點解佢要手都唔要老婆囉,佢真係答唔出架,我問佢佢到底想要我做咩,佢先對我有興趣,佢又講唔出囉,咁我喊晒咁問佢,佢到底愛唔愛我,佢又答我愛架喎,我當然會打蛇隨x上,一口氣講晒我d理論出黎啦,我會同佢講,如果係佢有需要,而我唔想,真係好唔想,佢會點,佢話佢唔會迫我,由得我,不過我又問佢,你由得我,咁會唔會唔開心,會唔會亂諗野,會唔會覺得個老婆唔鐘意佢所以唔想,佢話都可能會,咁我咪又同佢講,宜家佢講既exactly就係我既感覺囉,雖然平時生活上,我真係可以感覺到佢係愛我,不過我真係諗唔明點解佢會咁冇需要,越諗就越唔開心,久唔久就要發癲,然後又鬧交,我話我真係唔想再過呢d生活呀,唔係佢平時係人面前對我好,鍚晒我就叫對我好好,我同佢講,性生活都夫婦關係中一樣係好重要,一定要我地去解決,唔係你唔理唔講,等我自己冇事就可以,大家一定要搵一個方法係覺得舒服先ok,如果唔係,我真係唔知點對佢一世
咁同佢講完一輪,佢又好似明多d,又會有d進步囉

私人傳訊

kswiss

禁止訪問

積分: 4971

54^#

發表於 08-11-12 17:19 |只看該作者

提示: 作者被禁止或刪除內容自動屏蔽

私人傳訊

ume

公爵府

積分: 29804

55^#

發表於 08-11-12 17:20 |只看該作者

原文章由 kswiss 於 08-11-12 17:09 發表
佢都識計安全期?可唔可以做成意外呢?好多人計時間都有意外出現喎!

當年我地要去上堂去學架！佢都有同我一齊去上，所以佢絶對識計。而家我同佢講我唔再量體溫，所以佢都唔知我幾時係可受孕期，而我自己就偷偷地量啦。可惜太少do do，所以都好難中，還有因為一切只得我自己一個知，感覺好大壓力，當那一刻知道唔得時，更加想佢係一齊面對。或者，我唔應該咁貪心，應該先解決do do問題先再講生BB啦。

私人傳訊

ume

公爵府

積分: 29804

56^#

發表於 08-11-12 17:27 |只看該作者

原文章由 caric 於 08-11-12 17:17 發表

咁你一於試下用感動方法啦,somehow我覺得係幾work係我同c6既關係架
咁同佢坦白講,兩個人一齊一生一世,都係想開開心心過一世,唔係你又收埋一d野唔講,我唔鐘意又唔出聲架嘛
do do方面,我c6都係話冇需要架喎,不過當我 ...

噢！你個c6同我個真係一樣！我同你都似！我都有用類似既方法同佢講，當中有D你講過既說話我都有講過，不過就未用到“身同感受”這個example，等我諗下，睇下次點講先得。謝謝你的example呀！