吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 夫妻之間已經唔同步

夫婦情感今日: 2|主題: 42471

收藏本版

發帖

返回列表

跳至頁

樓主: feifei_baby

1 234 5...6

積分: 24263

41^#

發表於 16-12-5 00:06 |只看該作者

回覆：夫妻之間已經唔同步

唔同步，根本唔會有得搞。。你叫行得快果個停低，老實講，我跑得快，做咩要回頭，浪費時間去等果個可能會由行變跑既人，咁佢真係一世唔跑，咁我一世就咁同佢hea完就算？掉轉，本身懶跑果個，只會話跑得快果個，趕住去投胎咩，依家我唔跑無得食？無得住？做咩一定要同步上進？兩個人已經係唔同世界，再俾多D時間，係身心上既隔閡只會愈來愈大，大到有一日係厭惡對方。。就差唔多離得婚。。

不過，婚姻，都係一個字：捱。。。捱下捱下，忍下忍下，就三十年。。大把人都係咁捱，同自己講無話捱唔到既。。

私人傳訊

fanny3315

瑪瑙宮

積分: 126002

2024年龍年勳章畀面勳章 BK Milk勳章

42^#

發表於 16-12-6 11:38 |只看該作者

回覆樓主:

佢愛你知你付出已經足夠，好多家庭係唔再愛亦視而不見，幸福有時好簡單，知足常樂

私人傳訊

lovestarry001

公爵府

積分: 29348

開心吸收勳章 hashtag影視迷勳章

43^#

發表於 16-12-6 17:10 |只看該作者

我好有同感。

每日返工放工湊細路, 真係人都癲, 但身邊果個放左工就打機睇電視, 不知幾咁梳乎, 每日攰就瞓, 唔攰想搞野就算老婆瞓左都要拍醒佢逼佢搞, 跟住搞完又話個老婆咩反應都冇, 冇性趣冇情趣。

當自己發現自己要爆了, 身心都再支持唔住, 想將部份責任交番俾個衰佬, 但已經太遲, 佢其實已經習慣左, 出街佢自己一個行, 佢老婆就一拖二加2個背包, 佢完全輕鬆開心, 個老婆又要執野又要幫細路換衫準備, 根本連想化個妝0既時間都冇, 出到去又會覺得搞乜個老婆著得咁求其, 做乜同佢出街唔化妝。其實, 扮靚係要時間, 但我冇。

佢亦都慣左返屋企, 無論乜野都要問, D野放係邊要問, 自己去旅行又要老婆安排, 要幫佢執埋野, 但佢冇諗過, 俾人剩底係屋企湊仔返工果個0既心情, 佢只係會覺得你唔幫佢勁衰。

到個仔晚晚喊, 根本瞓唔到, 第二日又要返工, 勁攰, 佢又會表示驚訝, 覺得點解個老婆會覺得攰....

近哩幾個月, 我不停問自己, 真係唔知結婚黎為乜, 其實一個人, 可能就算湊住2個都仲輕鬆過要同個咁既人一齊生活。

佢根本都唔明白唔體諒, 完全唔知點行落去。

唉............我都想有人俾建議我。

.........................................

私人傳訊

Pptwli

別墅

積分: 762

44^#

發表於 16-12-6 20:04 |只看該作者

同感，大家距離愈來愈遠
又唔係唔愛
只係生活上有D事夾唔到
一觸碰到個問題就嗌大交

私人傳訊

siujanjan

珍珠宮

積分: 30281

BK Milk勳章

45^#

發表於 16-12-6 20:20 |只看該作者

lovestarry001 發表於 16-12-6 17:10
我好有同感。

每日返工放工湊細路, 真係人都癲, 但身邊果個放左工就打機睇電視, 不知幾咁梳乎, 每日攰就瞓 ...

我覺得男人係唔會從旁觀察，我哋唔出聲叫佢幫，佢哋見到我哋搞得掂就唔會主動幫忙。我唔係架，一出街就遞個袋比佢揹，叫佢拖住細路。你唔出聲佢真係可以唔理。

女人都要晌適當時候扮弱者。

私人傳訊

gigi2016

複式洋房

積分: 124

46^#

發表於 16-12-6 20:44 |只看該作者

lovestarry001 發表於 16-12-6 17:10
我好有同感。

每日返工放工湊細路, 真係人都癲, 但身邊果個放左工就打機睇電視, 不知幾咁梳乎, 每日攰就瞓 ...

你老公係衰同唔體諒你，但你有冇想過係你縱容出來的？點解你要咩都攬晒上身？佢唔做咪逼佢做囉，唔想做就叫佢出$請工人。出街2個袋都要你背？都唔係男人黎！你忍佢即係縱佢！

比著我就一定會同佢理論，叫佢負番D家庭責任，個家大家都有份，而且你都要返工，點解佢放工就咩都唔使做要你做晒？如果佢唔肯？咁以後唔煮佢飯，唔洗佢D衫囉。睇你肯唔肯做盡D，定想以後都繼續比佢蝦囉！

私人傳訊

lovestarry001

公爵府

積分: 29348

開心吸收勳章 hashtag影視迷勳章

47^#

發表於 16-12-6 22:47 |只看該作者

gigi2016 發表於 16-12-6 20:44
你老公係衰同唔體諒你，但你有冇想過係你縱容出來的？點解你要咩都攬晒上身？佢唔做咪逼佢做囉，唔想做就 ...

其實，吾係我縱佢，係佢阿娘，佢根本就係香港第一代港童。佢搵佢阿娘黎做標準，所以一切變左係我吾夠捱得，吾夠忍耐同埋吾夠賢淑。

叫佢做野，要花嘅氣力好大，倒不如自己做埋。再叫多佢幾聲，佢就會出動佢娘黎幫手。跟住，我又約左個吾捱得，吾忍耐得，同吾賢淑嘅新抱。

.........................................

私人傳訊

pckaren

大宅

積分: 1591

48^#

發表於 16-12-7 18:07 |只看該作者

feifei_baby 發表於 16-12-3 20:02
今年好痛苦，大嘅考小一、細嘅考幼稚園，壓力好大，阿女參加完自行派位，老公都未搞清楚個制度運作.... 好 ...

我完完全全理解。
我女小一，他什麼也不理，放工只顧打機。
我返工，佢返工。
你放工，佢打機！
連女女都話唔想跟爸爸，話佢只打機。
問我點解唔離婚。

私人傳訊

fafafac9

大宅

積分: 1386

49^#

發表於 16-12-9 17:00 |只看該作者

回覆樓主：

本帖最後由 fafafac9 於 16-12-9 17:00 編輯

我係樓主會攞幾日大假，拋低個老公同啲女自己去旅行，等佢試下承擔你平日ge擔子，反正有工人姐姐，實餓唔死啲仔女，岀走幾日對學業唔會有太大影響

私人傳訊

taptap83

子爵府

積分: 12251

50^#

發表於 16-12-10 00:03 |只看該作者

樓主同我好似，除左忙到死、睇唔過眼佢冇耐性成日鬧小朋友，更會因冇乜情感交流而不斷問自己當初點解嫁俾佢。我覺得老公係亞氏佬，不善溝通，去旅行時阿仔自己喺商場去完廁所走左去，我發曬茅咁搵，終於發現阿仔自己入返餐廳，我嚇到喊，結果冇一個人安慰過我理過我。我病倒瞓喺床兩日都冇問過我，結果要入醫院佢先陪我。我身邊有朋友白事，佢都冇慰過我。我實在忍唔住問自己點解會嫁俾佢......

私人傳訊

鍾太2009

子爵府

積分: 14842

熱血金章

51^#

發表於 16-12-10 02:28 |只看該作者

mspigpig 發表於 16-12-2 20:58
我同老公都結婚7年，情況同你差唔多，衹系我得1個小朋友！不過，我覺得同老公系同步，我主內，佢主外！家事 ...

講得好好，亦提醒了好多ftm，包括我

私人傳訊

siujanjan

珍珠宮

積分: 30281

BK Milk勳章

52^#

發表於 16-12-10 07:44 |只看該作者

taptap83 發表於 16-12-10 00:03
樓主同我好似，除左忙到死、睇唔過眼佢冇耐性成日鬧小朋友，更會因冇乜情感交流而不斷問自己當初點解嫁俾佢 ...

我嗰次同c6嘈喊得好犀利佢都冇安慰我，話等我冷靜咗先喎。

其實冇人教我哋男女相處，都係自己摸索，佢唔識氹人都正常嘅，又冇咩拍拖經驗。

私人傳訊

angel88baby

大宅

積分: 1192

53^#

發表於 16-12-12 16:47 |只看該作者

我都有同感呀... 我好似好忙, 照顧2個小朋友,安排節目,安排學野... 咩都係我呀! 而個老公咩都唔理... 佢想放假係屋企訓覺,小朋友都唔幫手湊.平時,係晚上成日係梳化HEA.. 睇電視

佢又好自私,自己可以夜反屋企,我唔可以.
我出街,,佢又成日打電話黎問3問4... 吹我快D回家

私人傳訊

candy_love_bb

大宅

積分: 1556

54^#

發表於 16-12-18 17:41 |只看該作者

回覆 feifei_baby 的帖子

會不會你的要求太高？

私人傳訊

sharonchan.0711

男爵府

積分: 6564

55^#

發表於 16-12-19 01:26 |只看該作者

本帖最後由 sharonchan.0711 於 16-12-19 01:27 編輯

一個家庭最重要系夫妻關係，唔系父子或母子關係，我同老公去過類似婚姻輔導，真系有效，好婚姻成就好孩子。A
如果你因此而離婚，下個男人系咪一樣重複？我知道你好忙，其實你真系好勁，可以應付咁多事，相信如何改善夫妻關係難唔到你，你只系需要多d時間，睇下呢方面書，聽下朋友意見，唸到點改善就去馬，等你好消息。

.
.
不随便評價他人，是一种修養。而不活在別人的評價裡，是一种修行。

.
.

私人傳訊

YYue

複式洋房

積分: 397

56^#

發表於 16-12-19 02:01 |只看該作者

feifei_baby 發表於 16-12-2 20:56
有傾，可能佢能力低，真係分擔唔到，兩個小朋友一啲都唔鍾意佢，大嘅唔肯俾佢陪做功課，細嘅唔俾佢抱、唔 ...

嘩！乜你老公既行為咁似我屋企嗰件既！？我都同你一樣越來越睇唔過眼，見佢好似個租客咁一放工就喱入房，除左食晚飯外都係等個仔瞓左先走出黎活動，有時真係心都實埋，我都有衝動過想分開，但眼見其實jm既情況，自己嗰個又無小三，又唔係爛賭，又無唔俾家用晚晚夜蒲，人地嗰啲都未離婚啦，我地咪得閒搵位呻下算囉

私人傳訊

gniling

別墅

積分: 643

57^#

發表於 16-12-19 02:05 |只看該作者

回覆樓主：

本帖最後由 gniling 於 16-12-19 02:07 編輯

之前我返工，老公失業，所有開支我負青，佢响屋企湊左半年仔。我返shift, 晚晚十一點返到黎仲要幫佢洗碗，執枱。好多時要兩點先有得瞓。朝早八點就要陪阿仔起身，抹玩具，清潔拖地吸塵洗衫。
我十二點返工，佢就十二點先起身，全職湊仔，但係個仔都唔痴佢。成日响度打機，唯一會做就係煮飯同修理下屋企野。

傾係有傾過，有用咩？

叫佢煮完飯唔洗碗都抹下枱。乖左兩日就打回原形。玩完麵粉，成地成枱都白哂又唔理。我就做到隻積咁，好多時都忍唔住要鬧佢。又話我同佢出街唔打扮下，又唔肯同佢搞。大佬，對住佢我真係無心機搞囉！

我孭起成頭家嘅壓力，佢都無體諒過。

唔係無溝通過，但係佢淨係識駁咀，勁多無厘頭藉口，哂我氣！我自己做好過，快靚正，又唔會有人激我！我有試過比多啲鼓勵佢，當佢小朋友咁讚佢氹佢，佢當你唱歌。

根本係一個負資產。

最後佢搵到工唔夠兩個月就有新女，仲自己要求搬走埋。

其實佢未長大，仲係小朋友。

真係要多謝件小三，無佢，我真係無勇氣同個死佬分開。

我而家湊少個，又有個好姐姐，開心左好多。

私人傳訊

sharonchan.0711

男爵府

積分: 6564

58^#

發表於 16-12-19 02:06 |只看該作者

哦，順便講埋，我上完個婚姻輔導印象最深系同幾對夫妻一齊上，導師要我同老公背對住同另一個人講自己同老公一起做過印象最深刻既一件事，最想做既一件事，第二日要同老公打扮一番去拍拖時最值得去既餐廳，仲要每日要有sofa time，坐系沙發上2人無論傾咩總之傾夠7分鐘，即使小朋友打攪都要求距地系爸爸媽媽傾完先。（你試下）

我印象最深刻系有次凌晨我去其他人度抬個二手兒童床翻屋企放低之後同老公講：我見到fb有婆婆系附近失蹤，我頭先搭車好似見到，你繼續睇b我出去穩個阿婆。距眼裡閃爍住d野，話好，距眼神俾咗我好大支持穩咗2個幾鐘又上網update下翻去沖涼差不多清晨先訓。
距反而當時想唔起自己有冇做過咩印象深刻事，距屬於細水長流，平淡人。距尷尬一笑，應該知道自己有幾枯燥。雖然我都有因為湊仔快速成熟有時覺得距好悶，不過距身上有我喜歡男性的特徵（身材好型，唱歌好聽，畫畫好靚，冇嫖赌饮吹，有礼待人，見親老人都讓座。。。都系唔講了），

你搞掂夫妻關係先，我老公試過無時無刻睇小說，最後都肯改過自新

.
.
不随便評價他人，是一种修養。而不活在別人的評價裡，是一种修行。

.
.

私人傳訊

rean_chau

公爵府

積分: 28567

59^#

發表於 16-12-19 15:19 |只看該作者

feifei_baby 發表於 16-12-3 09:51
愛唔愛？我都唔知，咁樣磨，唔知淨返幾多.... 老公嘅形象，由拍拖時好大，縮到而家好細...
...

好有同感...
唔愛,當初就唔會揀佢.

我唔知點樣去留言, 因為萬般感受化唔到一句話去形容. 只係覺得, 做人好累好累, 呢十幾年婚姻, 我真係夠啦....以前為佢頂起頭家, 大家一齊捱, 到經濟改善左, 原來所有都係假像, 以前佢一無所有當然樂意同你share你既所有, 相反到佢有時, 原來唔係你想像之中咁愛你, 咁愛個屋企, 佢最愛既只係自己. 永遠唔理你感受,只顧自己享受...

有一日佢問我係咪好後悔嫁左比佢, 我好認真咁答: 係, 真係好後悔, 如果可以從新來過, 我寧願從來無遇過你....不過算啦, 無論我講到幾白都好,佢即使領會到都唔會有乜改變.....我只望我既人生唔好太長, 因為真係行得好累..

私人傳訊