親子旅遊今日: 1|主題: 161793

收藏本版

發帖

返回列表

跳至頁

樓主: March

[日本] 心急問下,有無人響河口湖~ [複製鏈接]

1 23

hellohysteric

別墅

積分: 884

41^#

發表於 17-1-25 08:59 |只看該作者

xddsuki 發表於 17-1-25 01:06
好近河口湖嗎？

近，你睇佢網頁，有免費車去

私人傳訊

csk

男爵府

積分: 9083

開心吸收勳章

42^#

發表於 17-1-25 15:39 |只看該作者

本帖最後由 csk 於 17-1-25 15:47 編輯

orangee 發表於 17-1-23 16:13
請問可分享下兩日大概行程嗎？我睇地圖精進湖同本栖湖都離河口湖站好遠。你係租車定搭周遊巴士？搭船係纜 ...

第一天：首先去忍野八海。由新宿搭高速巴士(07:15)去河口湖駅，再轉巴士。本來有高速巴士直接由新宿去到忍野八海(07:45)，但早兩日前去買飛滿了，所以出發時間早了，又要俾多程河口湖去忍野八海。最好去忍野八海觀光案內所查清楚回程去河口湖巴士時間。下午去了不動茶屋食烏龍麵，唔係火車站對面那間，要搭的士，湯好好味。又搭一個站火車去富士站行，回程搭到Thomas The Tank特色小火車，我唔係細路都坐得好開心，跟住觀光案內所請職員叫酒店接車。

第二天買兩日Bus Pass包纜車、坐船和紅、綠巴士線。去了有個叫根場的地方、有類似白川鄉的屋仔，搭巴士到，如果有小朋友，有得玩着古裝衫、整陶瓷和整紙，我覺得都唔錯，我就冇玩，好快影完相就走了。跟住搭巴士去風穴，期間坐車經過西湖。再搭船和纜車，用唔同角度觀賞富士山。跟著住搭巴士去河只湖自然生活館落車去看日落。然後返酒店。

第三天去去精進湖和本栖湖要坐巴士藍線，好少車，買了之前的Pass就可加300Yen任坐，上到巴士同司機買。藍線一日好像四班車，你自己查。我先坐第一班車去抱子富士，然後坐對頭車站搭回頭車去冰穴，再由冰穴坐車去本栖湖觀光案內所（總站）落，再向前行半個鐘，就見到1000yen上富士山個景，好偏僻。因為本栖湖適合夏天去，連觀光案內所都在冬天關門。

我因為以前去過河口湖，有些景點如音樂館冇再去。風穴可以唔去，因為冬天去得幾舊冰，同poster好唔同。冰穴反而多D冰。在河口湖駅觀光所有discount coupon攞，那些職員英文唔錯，可問那些地方好玩，亦可幫你call酒店車去火車站接你和訂位食飯。