夫婦情感 今日: 1 | 主題: 42717

積分: 9581

41^#

發表於 17-4-29 02:16 |只看該作者

dativebond 發表於 17-4-29 02:10
本帖最後由 dativebond 於 17-4-29 02:16 編輯

不如我講得白D。

你講出一個相處重點，係互相扶持同互相遷就，唔係單方面，而家問題係好多男人只係要對方單方面遷就，而且唔覺得自己有問題

私人傳訊

積分: 4224

42^#

發表於 17-4-29 02:21 |只看該作者

立夏發表於 17-4-29 02:14
咁佢唔肯放手係另一個問題，但如果結左婚先發現對方係咁其實好無奈，單方面遷就會好倦
...

講到尾，人係你揀既。況且人係會變，點解佢結婚後同左你一齊唔係變好左，反而變衰左？我唔敢講乜，你亦唔駛駁我乜，你自己好好思考，對自己誠實。

當然你亦可以咁講，人係唔會變既。我係結婚後先發現佢衰。如果你唔信人會變，咁你一係忍，一係走。但人肯定係會變架嘛，你自己都變左諗法啦。

私人傳訊

RAY媽

侯爵府

積分: 20875

母親節2025勳章 2025勳章蛇年勳章 2024年龍年勳章

43^#

發表於 17-4-29 02:22 |只看該作者

立夏發表於 17-4-29 02:14
咁佢唔肯放手係另一個問題，但如果結左婚先發現對方係咁其實好無奈，單方面遷就會好倦
...

所以其實要傾。同佢傾吓點解係咁，梗有原因。結婚唔係死約嚟，結完可以離㗎。唔係想學白姐姐，但有啲人係無得得救嘅，你要佢改佢都唔會開心，兩個人一齊最緊要開心，咁嘅關係離婚對自己同對方都係解脫。

私人傳訊

積分: 9581

44^#

發表於 17-4-29 02:27 |只看該作者

dativebond 發表於 17-4-29 02:21
講到尾，人係你揀既。況且人係會變，點解佢結婚後同左你一齊唔係變好左，反而變衰左？我唔敢講乜，你亦唔 ...

你係要將一個已婚男人嘅好壞放晒响女人身上無問題，你嘅想法只係大多數嘅男人嘅想法，就好似男人外遇，一係就係女人問題，一係話係犯所有男人都會犯嘅錯之嘛，只要唔覺得自己有問題，自然唔使去改變去成長

咁樣諗嘢嘅人，責任永遠係人地身上

私人傳訊

積分: 4224

45^#

發表於 17-4-29 02:28 |只看該作者

RAY媽發表於 17-4-29 02:22
所以其實要傾。同佢傾吓點解係咁，梗有原因。結婚唔係死約嚟，結完可以離㗎。唔係想學白姐姐，但有啲人係 ...

其實，好多JM數到個另一半一文不值，無可救藥，世上無方法解決，咁就離婚啦。但如果你仲希望挽救，咪試下做先囉，你有乜損失？

私人傳訊

積分: 4224

46^#

發表於 17-4-29 02:37 |只看該作者

立夏發表於 17-4-29 02:27
你係要將一個已婚男人嘅好壞放晒响女人身上無問題，你嘅想法只係大多數嘅男人嘅想法，就好似男人外遇，一 ...

本帖最後由 dativebond 於 17-4-29 02:46 編輯

我都話無分男女咯。我呢番話同樣係咁同我老友講。

我老友有一段時間由打工仔變左做生意，搵成三十幾萬一個月平均，咁男人有錢身痕，想乜都變，連老婆都睇唔順眼就好正常，唔係啱，但現實係咁。

咁我就小佢，你而家下下同老婆講錢，又話呢度洗幾多果度洗幾多，夜晚又唔番屋企，以為有錢大X晒。你老婆當初嫁你你乜都無，佢無同你講錢，但你而家係咁用錢大佢，做乜？你做乜係要迫佢憎你？

你想離婚去搵妹妹仔咪搵囉，但你係咁迫個老婆好殘忍。不過，我提醒佢，你乜都無時，你老婆跟你，你又唔靚仔，咁佢肯定係真愛。你而家風光，出去搵妹妹仔，貪你靚仔？你唔會信任佢架喎，只有你老婆係真愛你，你咁做我只可以講on9。Your better half is not the most important, he/she is everything.

佢地果時無做愛，平時野都無講一句。

我老友最風光時，其實就係佢地兩夫妻最黑暗既時光。

好彩，之後佢諗通左，同老婆打好關係，先無妻離子散，而家仲好恩愛，佢都話好彩我咁小佢。不過，我覺得唔係人人比人小完都受，都係要佢自己諗得通。

PS 有D JM係咁要分啱定錯，要對方認錯，情況同我老友係咁用錢大佢老婆好似，做乜要係咁迫一個你自已揀既親人呢？做乜要迫對方憎你先？諗對錯前，不如諗下點搞好關係仲實際，佢係你everything，做乜要推走個everything？

私人傳訊

積分: 9581

47^#

發表於 17-4-29 02:43 |只看該作者

dativebond 發表於 17-4-29 02:37
本帖最後由 dativebond 於 17-4-29 02:40 編輯

我都話無分男女咯。我呢番話同樣係咁同我老友講。

你個例子同上面講嘅嘢有咩關係？上面講緊男女要互相遷就扶持，唔好要單方面無限遷就

私人傳訊

積分: 4224

48^#

發表於 17-4-29 02:47 |只看該作者

立夏發表於 17-4-29 02:43
你個例子同上面講嘅嘢有咩關係？上面講緊男女要互相遷就扶持，唔好要單方面無限遷就
...

算啦。你睇唔明就算。你老公係自私的人，要你就晒佢，係佢唔啱。佢無可救藥，配唔起你。你可找個更好的。

咁樣啱聽未？

私人傳訊

積分: 9581

49^#

發表於 17-4-29 02:48 |只看該作者

dativebond 發表於 17-4-29 02:28
其實，好多JM數到個另一半一文不值，無可救藥，世上無方法解決，咁就離婚啦。但如果你仲希望挽救，咪試下 ...

單方面遷就係一定可以維持到關係，問題係可以維持幾耐，同埋咁樣係磨蝕緊對方嘅愛同耐性，唔係你所講嘅無損失

私人傳訊

積分: 9581

50^#

發表於 17-4-29 02:50 |只看該作者

dativebond 發表於 17-4-29 02:47
算啦。你睇唔明就算。你老公係自私的人，要你就晒佢，係佢唔啱。佢無可救藥，配唔起你。你可找個更好的。
...

討論變成晦氣咪就係男人嘅特性囉

你完美演繹男人嘅想法

私人傳訊

積分: 4224

51^#

發表於 17-4-29 02:56 |只看該作者

立夏發表於 17-4-29 02:48
單方面遷就係一定可以維持到關係，問題係可以維持幾耐，同埋咁樣係磨蝕緊對方嘅愛同耐性，唔係你所講嘅無 ...

本帖最後由 dativebond 於 17-4-29 03:00 編輯

我唔肯定你真係試過未？我亦唔敢講個個人都一定比正面回應你。

但在我來說，首先做果個係要堅持，期望對方都會有正面回應，唔係永遠單方面做，只係暫時性，最理想緊係最後互相做。

呢個係最理想局面。

但呢個世界總有人公子病，咁咪再同佢講你既感受囉，你想你地互動好點。你盡晒力都無效，又攰到想放棄咪算囉，最緊要你係自問盡過力，最後佢既反應唔係你控制範圍內，咁咪有緣無份囉。

無方法係一定做到心想事成，但在我來說，這方法最有機會有效，我唔能夠接受唔試就放棄。

私人傳訊

積分: 4224

52^#

發表於 17-4-29 02:58 |只看該作者

立夏發表於 17-4-29 02:50
討論變成晦氣咪就係男人嘅特性囉
你完美演繹男人嘅想法

我唔知點解你會咁憎男人？可能你婚後經驗太差有關。我認真，如果你自問盡左力，對方都唔珍惜，咁就算啦。當然，人人對盡力既定義都好唔同。

私人傳訊

積分: 9581

53^#

發表於 17-4-29 03:08 |只看該作者

dativebond 發表於 17-4-29 02:58
我唔知點解你會咁憎男人？可能你婚後經驗太差有關。我認真，如果你自問盡左力，對方都唔珍惜，咁就算啦。 ...

唔係憎，只係睇得太多，肯反省嘅男人太少，好多時係個老婆走埋，個男人仲唔肯承認自己有問題，好似你個朋友咁，佢都係諗“男人係咁㗎啦“，所以唔覺得有問題

“唔係啱，係現實“呢種想法，就係每個男人說服自己咁做係“人之常情“嘅方式，所以就算外遇，都只會話係“所有男人都會犯嘅錯“，淨係呢點，男人已經好無恥（唔包括無咁做嘅男人）

你個朋友，亦唔係自己諗通，係要比同性，仲要係朋友，小佢，先至會去反省，如果無你提佢，佢已經折磨同殺死緊佢太太嘅真愛。如果你硬要話我憎，我憎嘅唔係男人，係“自私“同“推卸責任“

私人傳訊

積分: 9581

54^#

發表於 17-4-29 03:15 |只看該作者

dativebond 發表於 17-4-29 02:56
本帖最後由 dativebond 於 17-4-29 03:00 編輯

我唔肯定你真係試過未？我亦唔敢講個個人都一定比正面回 ...

本帖最後由立夏於 17-4-29 03:16 編輯

當然我認同，自己嘗試去行出一步，去令對方改進，但好多時其實已經退無可退。無錯最後唔啱可以選擇分開，但活生生地磨蝕自己嘅愛，係好大好大嘅痛苦同代價，但男人嘅錯總由女人來承受

私人傳訊

積分: 4224

55^#

發表於 17-4-29 03:32 |只看該作者

立夏發表於 17-4-29 03:08
唔係憎，只係睇得太多，肯反省嘅男人太少，好多時係個老婆走埋，個男人仲唔肯承認自己有問題，好似你個朋 ...

都唔係架，人其實好難比人改變想法，佢口話我小佢，所以反省，但我唔認同。我覺得係佢自己仲愛老婆，反省自己做法，佢自己都覺得自己唔啱，所以先同我傾尋找認同，點知我唔認同，係咁小佢。但anyway，都係要佢自己反省先得。

所以，真係唔係個個男人都係咁賤。你呢度少聽，因為上親黎都係有夫妻問題先多參與。

其實，仲有一個諗法會令你舒服點。當你諗對方衰既時候其實要提醒自己停一停，佢衰既係行為定動機？行為衰但動機好咪提點下佢，好簡單。但如果你連佢動機都覺得衰時好危險，認真諗一諗有無正面少少既想法，因為當你認為佢動機都係衰時，其實和宣告個關係死亡無分別。另一半理應對你好，就算有時做錯，只要動機係良好都值得原諒。但如果連動機都係壞時，咁佢仲點會係你親人呢？果D叫敵人。正因為咁重要，所以唔好咁輕易覺得對方衰，盡力去諗佢動機會唔會係好呢？

舉個例，我哥哥每日都好比心機番工，成日好夜番屋企，好多時阿哥番黎湊女瞓覺時我阿嫂已瞓左，唔知佢都有盡力參與。有一次，阿嫂半夜叫醒我阿哥攞呢樣攞果樣整阿B，我阿哥唔夠瞓有少少興，但都要照做啦。最慘係我阿嫂醒左佢一句，話佢成日唔理阿B，我阿哥就興啦，覺得阿嫂唔體諒佢，工作辛苦都係為頭家，阿嫂話想辭職唔做，咁緊係要搏命做野啦，搏炒咩？況且佢自問都盡晒力，好多時湊完阿B瞓都仲要深夜做野。

我同佢分析，首先你做幾多野係無用，如果你老婆唔知你動機係乜，你要清楚比佢知你做咁多野係為佢，要入心，要講，唔好要佢估估下。

佢話阿嫂唔體諒佢，咁我問你又有無感激你老婆放工都要湊女，半夜睇下阿女，你要佢體諒你，你都要感激體諒對方先。

仲有，半夜阿嫂叫醒佢，佢本來覺得叫工人都得啦，我咁攰做乜搞我，擺明睇我唔順眼啦。我就叫佢正面咁諗，你老婆叫得你做起碼仲比機會你參與，否則佢當你透明咪仲衰。將負面諗法變正面。雖然咁諗未必係真，但你有好既諗法先有正面行為，會主動做，咁你老婆先有機會比正面反應你。

私人傳訊

積分: 4224

56^#

發表於 17-4-29 03:32 |只看該作者

dativebond 發表於 17-4-29 03:32
都唔係架，人其實好難比人改變想法，佢口話我小佢，所以反省，但我唔認同。我覺得係佢自己仲愛老婆，反省 ...

本帖最後由 dativebond 於 17-4-29 03:37 編輯

咁諗係好阿Q，但會做得好點。總之，有良好諗法，先有良好行為，最後先可能有良好回應，呢個係正向循環。

你當呃自己又好，催眠自己又好，但唔好咁輕易扣上衰係你另一半身上，盡力諗得正面點。如果做唔到，你都唔慌有好面色佢睇，你又點能夠期望佢會比番好面色你睇呢？呢個係惡性循環。我地要擺脫惡性，盡力行番入去正向循環。

私人傳訊

積分: 4224

57^#

發表於 17-4-29 03:44 |只看該作者

dativebond 發表於 17-4-29 03:32
都唔係架，人其實好難比人改變想法，佢口話我小佢，所以反省，但我唔認同。我覺得係佢自己仲愛老婆，反省 ...

本帖最後由 dativebond 於 17-4-29 04:17 編輯

我唔記得加一句，人既諗法好難改變。好似我同你傾咁耐，我不斷強調夫妻關係唔好講對錯，對錯永遠比唔上夫妻關係咁重要，反而形成死胡同，轉牛角尖，成日要對方認錯，迫對方憎你。

同埋唔好成日諗邊個負幾多責任，好似跳舞咁，一定大家都有責任，大家都要反省。況且，就算你講到自己一點責任都無，係對方錯晒，除左係度搏到掌聲外，咁對你有乜好處？反而，你會蒙晒自己雙眼，覺得自己毫無責任，當然唔需要反省啦，無反省人唔會進步。無左另一半已經好慘，如果連係一段關係入面都無領略一點東西，咁其實呢幾年時間係白過。好有可能，下次都會發生類似既事。

我都說服唔到你啦，我諗仲有好多JM我說服唔到。所以，我都係講我諗法，我都唔期望有乜轉變。諗法決定命運，諗法係你可以控制架，只要你願意，只要你真心想挽救，而唔係為離婚的決定尋找認同。

只不過，我中意做維園阿伯。

私人傳訊