自由講場今日: 66|主題: 1359075

收藏本版

發帖

返回列表

跳至頁

樓主: 小尚

赤柱航海學校有無認識人讀 [複製鏈接]

1 23

mameme

伯爵府

積分: 19230

41^#

發表於 17-5-21 23:34 |只看該作者

本帖最後由 mameme 於 17-5-23 14:17 編輯

小尚發表於 17-5-21 07:18
你仔本身讀書點?咩性格?,你中幾入?
欺凌確實係家長最擔心加上小朋友比人欺又唔會出聲
...

先講...唔係要推介呢間係好好好好既學校, 而係對於有需要而又適合既學生, 其實我地唔係無選擇.
我仔都係adhd, 比較嚴重缺乏專注好動多言但無暴力傾向, 性格樂觀易交朋友, 呢間學校對呢類小朋友經驗非常豐富, 我仔話班同學10個有9個都係呢類問題, 我仔因專注力太差, 家人情緒影響日鬧夜哦家無寧日, 直至5年級佢開始全面放棄, 後來我選擇要修補母子感情放棄成績, 直至抽獎派咗間超谷中學, 惡夢就嚟喇.

我仔係主流中學第三次留級中二到上學期完, 轉校到赤航, 筆試後俾佢直入中三下學期.

唔好以為赤航完全不顧學術成績, 中三入學阿仔有幸攞到英文科全級頭三內, 從未見過佢自信返晒嚟, 但到中四上學期....老本食晒見真章, 成績回落, 攞成績表時阿sir一番話, 我充心感受到乜嘢叫苦口婆心...當佢細佬咁勸教(用語係世俗啲,但總好過佛口蛇心打好份工既老師), 過後阿仔話...班阿sir 平常都係同佢地講呢啲, 有時私下交談會夾雜粗口添(呢樣家長要考慮接唔接受到), 但對佢呢個年紀....就係咁樣先聽得心服口服. 阿仔話係平等角度感覺舒服亦信服.

私人傳訊

mameme

伯爵府

積分: 19230

42^#

發表於 17-5-21 23:35 |只看該作者

回覆小尚的帖子

唔好意思呀....講講下變咗苦水回顧咁

私人傳訊

mameme

伯爵府

積分: 19230

43^#

發表於 17-5-21 23:58 |只看該作者

小尚發表於 17-5-21 07:18
你仔本身讀書點?咩性格?,你中幾入?
欺凌確實係家長最擔心加上小朋友比人欺又唔會出聲
...

離晒題....忘記覆有關欺凌

初時會有既, 我仔初入學試過借沖涼液洗頭水俾師兄...一去無回頭, (咁就買定幾支旅行裝囉) 被掉書包出窗台, 佢要爬出去執, (後來我睇過窗台係好濶無危險既, 佢話嗰個同學被罰跑圈) 成袋內褲同襪不翼而飛, 試過被撬locker鎖但無失物, 攞零食返去會被人搶晒 (咁就買多啲當請人食囉), 其餘都少事.

阿仔話都只係初入學玩新仔咁, 感覺係試探你玩唔玩得, 係唔係投訴王. 佢話其他新仔投訴多就俾人玩得多, 又或被孤立, 然後有部份會退學, 亦有部份媽寶..家長接受唔到又退學. 但我仔好快就識到幾個啱傾, 亦有同宿舍啲大仔堆玩, 好快就過渡咗無乜被欺凌過喇. 但亦有見過新仔唔憤氣被玩而打交, 有退學...亦有過渡適應咗就無事, 始終一班同鹷男仔...日對夜對, 劉備都可有知心友.

仲有, 阿仔話...考試期間, 宿舍氣氛完全唔同, 佢唔講我都無諗到...佢話成班人會一齊溫書, 死mic爛mic嗰種, 佢話平時係唔會既, 班大仔師兄仲會叫啲細既唔好玩.

另外, 唔多國內人讀, 但有台灣人, 有日本人. 佢地都好nice, 個台灣仔就好用心讀書而且係一個人嚟香港讀.

私人傳訊

mameme

伯爵府

積分: 19230

44^#

發表於 17-5-22 00:22 |只看該作者

回覆小尚的帖子

仲有..忘記講, 我問阿仔中一仔點解會揀呢間學校? 無理由唔去試咗傳統校先, 佢話都唔係, 中一入學全部新仔, 反而無乜欺凌發生, 仲話反而中一已經入學嗰班舊生, 好好感情好團結架 (佢地分社經常有社際比賽) 中途插班反而要適應, 入舊生堆都要有段時期先過渡到. 始終日見夜見...被孤立心理上會好難捱.
我見上面有jm講親友師兄係港隊, 我仔除咗入銀樂隊, 仲有玩滑板, 初時我唔係幾鐘意, 我個年代玩滑板係街童feel, 但原來唔係, 滑板教練係港隊成員, 又會課餘帶佢地睇比賽, 平時會send 外國訓練同比賽片段比佢地睇, 我仔又迷上喇. 仲有....學校教風帆既師兄都係港隊成員.

仲有仲有, 今年我仔已跟學校去三次國內交流, 同參加咗好多次校外IT比賽, 呢啲機會...以前主流中學完全唔會俾我仔參與.

講返主流, 我仔當時係校內管樂團成員, 因一次校內表演忘記打領呔, 要佢坐去最角落個幕遮住嚟演奏, 佢覺得好唔開心但自知理虧無出聲, 再後來就一直有份練習無份出場, 差啲放棄埋樂器. 依家赤航銀樂隊都幾重用佢, 好多課餘星期六日都有校外表演, 佢好開心好樂意唔放假.