唔該一人少句，BK唔係戰場，大家應該互相交流育兒知識，有緣喺呢個平台相識應該好好珍惜，中國人有句話「四海之內皆兄弟」，大陸、香港、台灣、海外只要係華夏子孫都係中國人，祖先同源，何必要分彼此！近年中港出現矛盾日多，本土怨氣日增，有緣在BK更應珍惜，共同守護呢片淨土，日常壓力已經好大，上網都係為尋開心，點解要將怨氣帶嚟呢度，加深矛盾，填加負面情緒？大家萍水相逢，互不相識，鼓勵大家雪中送炭、錦上添花，絕對唔希望落井下石，BK唔應該係咁。
會員請控制自己情緒，我於另外一個帖已經提醒過，如感到不安可以離線休息一下，如果覺得他人表現或言辭低質素，請表現示範自己高質素一面，唔好跟對方一樣，將自己質素都拉低，咁仲有咩能力去批評其他人？粗口、批評、謾罵，呢D都唔係應該教俾小朋友嘅嘢，作為父母要以身作則，唔好覺得小朋友唔喺身邊就放縱自己，耳濡目染下，父母將不必要負面情緒帶俾小朋友都唔覺。
BK唔鼓勵歧視，請會員以理論理，切勿以偏概全，世界上冇一個民族或一個地方嘅人係完美，大陸人有低質素冇品，香港人何嘗唔係，大家以低質素回應低質素，結果都係半斤八兩，冇任何分別。
另外，就算冇講粗口，挑釁言辭，影響論壇討論氣氛，版主一樣會按版規處理，唔希望會員喺BK平台謾罵、公審，如再有不禮貌或不尊重他人言論，版主會按版規予以制止，請各位好好考慮，停口唔回唔代表輸，同樣地不斷回覆唔代表蠃，個人意見根本一直都冇對錯可言，但氣度就有高低之別。
花旗太太生活在花旗國，留意時差，你問我未必即時答到。
發表於 
返回列表
