自由講場

收藏本版
發帖
返回列表
跳至頁

首頁
12345...9

尾頁
   65
歐買尬


大宅

積分: 3425


41#
發表於 17-7-8 00:35 |只看該作者

回覆樓主

產後憂鬱？
私人傳訊

fatvick


子爵府

積分: 12139

wyeth冷知識勳章 畀面勳章


42#
發表於 17-7-8 00:40 |只看該作者

回覆樓主

細囡未出世前你已經咁大脾氣？
你要同健康院講，你有咁的情況！
大嗰個一直以來都咁扭計？定你有左細b開始？
小朋友未識表達，可能他覺得妹妹搶左你，如大b已經返幼稚園建議約學校社工或老師傾訴。他可能也不開心左一段時間，要正視他的問題！
分享一下，我陀細b時，大囡也有問過為什麼細b可以一日24小時痴住我，她不要返學，要跟我上班，要同小b一樣24小時痴住我，當時大囡2歲。
私人傳訊

Cowboy100


子爵府

積分: 11325


43#
發表於 17-7-8 01:20 |只看該作者

回覆樓主

我好嬲時候對自己講「你幾十歲人都控制唔到自己脾氣，你有咩資格要求幾歳人仔控制自己？」我會叮一聲然後走開自己冷靜，小朋友扭就由得佢喊，佢喊完會搵返我
私人傳訊

babykarlson


男爵府

積分: 7519


44#
發表於 17-7-8 01:24 |只看該作者
syduck 發表於 17-7-7 23:39
我相信每個媽媽都經歷過。

小朋友扭計時，我會告訴她媽媽因為佢做咗啲乜而唔開心，媽媽也明白佢是因為咁咁 ...

本帖最後由 babykarlson 於 17-7-8 01:24 編輯

我都上左呢個課程，個人覺得對新手媽媽好有幫助！ 課程令你明白到佢扭計原因及處理方法！

私人傳訊

Bcjb


伯爵府

積分: 18233


45#
發表於 17-7-8 02:18 |只看該作者
我覺得你太疲倦，無心情，耐性及時間，也怕影響到細女。可否把大女放到長輩家中等你可緩和一下？對住2-5 歲小朋友係要無比耐力，要不停講不停哦。可能想引你注意，可能是吃醋妹妹。你試下當自己係個女咁，表達唔到，又唔明點解多佐個bb 出現, 好想嗲媽媽爸爸的心態了解下囡囡。不要再暴力對待，只會越來越惡劣
私人傳訊

小艾美


侯爵府

積分: 23322


46#
發表於 17-7-8 03:33 |只看該作者

回覆樓主

擁抱。。。次次佢一扭我都先擁抱，但冇用，佢會更癲。問佢想點佢又唔講。
唔理佢都試過，但而家有細妹係度，我由佢，佢真係會大聲喊，尖叫。會搞到細妹喊埋。

細妹未出世時佢都有扭，個時佢又細，可能會就佢多d。但而家已3歲，我想佢扭都可以好好表達自己想要咩，唔係大喊大叫。

我次次發完脾氣其實我都有同佢傾計，我都知對佢唔好，又怕佢學我打人。但個刻真係想打到佢收聲。

下星期要同細妹回健康院，但健康院會幫到我？定要出去睇。遊戲治療我剛上網睇，但好似係老師先可以參加？
私人傳訊

黑色誘惑


子爵府

積分: 10676


47#
發表於 17-7-8 04:01 |只看該作者

回覆樓主

我想同你分享，我7歲時有次番學阿媽發火推跌我，執起條樹枝打我塊面、有次同我洗頭我好驚，佢大力推我落水盆叫我去死、有一排朝朝番學前因小事打一身先比我番學，呢d事情30年了，我仲記得，諗起仲會唔開心

有一次為此做counselling更泣不成聲

我無經驗無課程可介紹比你，只想分享呢d傷害係可以長達幾十年，遠比你想像嘅嚴重。

凡事三思而後行。
私人傳訊

cookie26f


大宅

積分: 3133

美好大世界2017勳章


48#
發表於 17-7-8 04:57 |只看該作者
小艾美 發表於 17-7-8 03:33
擁抱。。。次次佢一扭我都先擁抱，但冇用，佢會更癲。問佢想點佢又唔講。
唔理佢都試過，但而家有細妹係度 ...

其實佢地3歲未必表達到佢想點。不如媽媽你俾多啲時間靜靜觀察下佢。如果佢發脾氣實有原因的。你講得出佢既原因。而唔係成日問佢點解。如果講得中.佢會話你知係啊。有時估唔中。佢都會話唔係。但慢慢你留意下佢邊啲位發脾氣。咁你會了解多啲。我最近記得有次我小朋友係因為唔想人地搶佐佢啲野都突然唔開心覇住自己啲玩具。我問佢佢會講係啊。咁佢會覺得我了解佢。因為佢會自已講到自己唔開心既野。
她需要一個了解佢既媽媽。你都係。呢段時間其實好辛苦。又要湊細既。又見到大既做啲挑戰你既野。你對佢好都唔領情。
我有看葉偉麟的facebook。我覺得有啲hints的。
私人傳訊

vickymok717


王國會長

積分: 26868

虎到金來勳章 牛年勳章 畀面勳章 wyeth冷知識勳章 王國會長 環保接龍勳章 BK猜猜猜慶中秋


49#
發表於 17-7-8 05:00 |只看該作者

回覆樓主

你係咪有產後抑鬱？
每日望住佢哋就充滿力量啦!
私人傳訊

sumsum_so


伯爵府

積分: 16562


50#
發表於 17-7-8 05:10 |只看該作者
我都試過湊到要食精神科藥，你細嗰個得兩個月，我過來人，當初一個歲半，一個剛出世，佢大大下發覺佢係有心激我，佢對外人唔會咁，就諗係咪佢唔習慣多個小朋友，之後日日同佢講我愛你，我好鐘意你，佢錯你要話，我唔開心，要比佢知媽咪都有情緒，我好變態，佢點對細嗰個，我就親手比大嗰個試一次，通常佢知痛知會唔開心再唔會再做。同埋你細嗰個唔好理咁多，除左餵奶同換片，其他時間陪哂大嗰個，有人幫直情連細嗰個都唔好理，一齊喊都要理左大嗰個先，慢慢就好，佢三歲，叫佢幫手，掉下片，幫細抹咀，一齊參與去湊，比佢知細細咩都唔識，同埋你去健康院嗰陣姑娘會問你情緒點，再唔得會轉介你去精神科。加油呀！依家我大既三歲，細既歲半，成日係屋企跑黎跑去，好開心，捱一年，辛苦一年就得嫁啦
私人傳訊

zacc


男爵府

積分: 5145


51#
發表於 17-7-8 06:19 |只看該作者

回覆樓主

1) 你要比佢知媽媽都有情緒。我經常同我仔講有時媽媽太攰或者唔開心就會好易嬲，但媽媽都係咁愛你。下次媽媽又係咁你就講句 magic word, 而我地嘅 magic word 就係 "mama I love you", 咁樣可以幫你消下啖氣。

2）其實大人/小朋友都有情緖。唔好因為佢係小朋友而＂放大＂佢嘅情緒。佢鬧情緒不等於佢曳。我教小朋友每個人都會犯錯，媽媽都一樣，都有情緖，但過了火(打人，扔嘢)就唔得。

3）你下次唔好迫佢講點解，小朋友忟緊仲要佢講咁多野。

你淨係問佢一條簡單問題：(例)你想自己一個15mins定想媽媽係度陪你？問既時侯同時竪起母指及食指，佢慢慢會用手指佢心目中嘅答案。

(又例)：你喊係因為整親痛，定係唔開心媽媽唔陪你？

如果佢明條問題，九成都會忍唔住想答你，因為小朋友天生都想人地明白佢內心。

4）3歲已經唔細，佢扭放底佢一陣。唔會執著要佢即刻收聲。佢人生仲有幾十年，咪比佢扭15/20分鐘囉。

5）唔洗怕嘈到妺妹，只係嘈音當比佢習慣下。

6）多D問佢內心，＂你頭先係咪好唔開心呀？因為媽媽無陪你？定因為想去公園無得去＂等佢知道你唔係凈係睇到佢發脾氣(外面)，而係想了解佢(內面)。

7）如果識(3)，製造一些你地之間的喑號，例如，如果女女下次唔開心想喊，就拎呢個公仔比媽媽，媽媽就知你原來想喊就唔會閙你，可以比你喊一陣，陪你喊都得。最好淨係你同佢之間，即妹妹唔可以有呢個公仔。但條件係(2)不可打人扔野。

8) 學識(7)，你就要話比佢知，有情緒唔係曳，其實好少事之麻！媽媽都會比女女喊一陣。唔好成日話佢曳。久而久之佢會有安全感就唔會成日扭計。

以上係我用過既方法，好work, 加油!
私人傳訊

天山雪蓮


男爵府

積分: 9875


52#
發表於 17-7-8 06:35 |只看該作者
Ytfc 發表於 17-7-8 00:03
本帖最後由 Ytfc 於 17-7-8 00:07 編輯

冇錯，睇醫生係最快見效，睇完醫生再慢慢上課程未遲，樓主忍到3 ...

咁你睇左咩醫生呢？
私人傳訊

longsky


伯爵府

積分: 19643

虎到金來勳章


53#
發表於 17-7-8 06:47 |只看該作者

回覆樓主:

火摭眼時咩都做得出,我都會咁，過後又後悔.
私人傳訊

hanbb


伯爵府

積分: 16230


54#
發表於 17-7-8 06:47 |只看該作者

回覆樓主:

健康院，3p親子正策課程。 唔知而家仲有無，去問一下。
私人傳訊

kyn2017


大宅

積分: 2723


55#
發表於 17-7-8 07:20 |只看該作者
小艾美 發表於 17-7-8 03:33
擁抱。。。次次佢一扭我都先擁抱，但冇用，佢會更癲。問佢想點佢又唔講。
唔理佢都試過，但而家有細妹係度 ...

我個仔2-3歲又係曳到飛起，成日比我打手，打patpat,我自己都成日喊，覺得影響到佢，直情唔想見到佢，到咗4歲開始乖咗好多(雖然有時都係會曳)，而加我多數罰企佢，盡量唔打佢！(大大聲喝佢打佢真係會影響到佢性格既發展)
私人傳訊

sunnymama2


公爵府

積分: 27216

2024年龍年勳章 HiPP勳章(1)


56#
發表於 17-7-8 07:41 |只看該作者
J.c.baby 發表於 17-7-8 00:16
咁細個食藥。。。唔使指意佢大個發展得好。。。西藥多副作用個個知，反而做d野吸引佢令佢分散注意力會更好 ...

我係指大人要食藥呀
私人傳訊

sunnymama2


公爵府

積分: 27216

2024年龍年勳章 HiPP勳章(1)


57#
發表於 17-7-8 07:59 |只看該作者

回覆樓主:

點解咁多人集中點和小朋友溝通?樓主打到女手腫，又揾花灑沐個小朋友頭，無疑虐兒行為。樓主情緒病非常嚴重，我覺得揾吓心理醫生才最重要。

小朋友情緒有問題，3歲仲好細，唔識表達，係咁扭係非常平常的事，冇聽過trouble 2, terrible 3, horrible 4嗎? 小朋友一定係煩，大人會打會鬧好平常，但去到一個位係打到手腫，沐佢頭的行為，大人的情緒病唔可忽視的!

我自己都係情緒病的人，我係言語暴力對個仔（3歲時），每當我鬧佢嗰晚，仔嗰晚一定會發惡夢的，大人的一舉一動，會深深影響小朋友，繼而影響佢行為，所以唔怪得哂小朋友的!

都係嗰句，病向淺中醫!
私人傳訊

Ytfc


伯爵府

積分: 18952


58#
發表於 17-7-8 08:50 |只看該作者
天山雪蓮 發表於 17-7-8 06:35
咁你睇左咩醫生呢？

精神科
私人傳訊

Ytfc


伯爵府

積分: 18952


59#
發表於 17-7-8 09:02 |只看該作者
Hebecc05 發表於 17-7-7 23:26
我都有情緒問題，個大女又係咁成日扭計喊，我有見緊社工，傾下計，知道啲小朋友嘅心理，忍係好緊要，同埋要 ...

本帖最後由 Ytfc 於 17-7-8 09:04 編輯

冇錯，做阿媽嘅都唔好死忍，好易忍出病，有人同我講過，父母係小朋友嘅一面鏡，你係點，佢會學咗你係點。我睇完醫生之後同阿仔關係好咗，佢其實都扭小咗，因為我已經係個溫柔媽媽（我唔知係因為佢大個咗，定我情緒好咗，可能兩樣都有啲），而家佢大喊我係可以從容不迫，笑笑口咁面對，lur哂地我都仲可以同佢講你慢慢啦，我知你有不滿，但有乜野都喊完先傾啦.......係咁講總之煩過佢。

換轉以前，佢一喊果下我已經跳制，跟住就好似樓主咁控制唔到自己，但又好驚阿仔學咗我呢啲野，總之果段日子係人都癲
私人傳訊

brindlewin


珍珠宮

積分: 38404


60#
發表於 17-7-8 10:04 |只看該作者
小艾美 發表於 17-7-8 03:33
擁抱。。。次次佢一扭我都先擁抱，但冇用，佢會更癲。問佢想點佢又唔講。
唔理佢都試過，但而家有細妹係度 ...

港台有呢個視頻敎室：
父母學堂
http://parenting.etvonline.hk/parentsworld_video08.html

英國有套super nanny series, 連美國版(管敎思維唔同，應用技巧)。

上面J M敎返健康院，主要處理你的情緒管理問題。
另外你亦可以去家附近的家福會/明愛之類的綜合服務中心問下佢地有冇父母學堂，佢地有辦的，但上課地點未必近你區。
私人傳訊


首頁
12345...9

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy