吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 老公2個月冇同我講野，連佢想點都唔知

夫婦情感今日: 0|主題: 42801

收藏本版

發帖

返回列表

跳至頁

樓主: mimiNbaby

老公2個月冇同我講野，連佢想點都唔知

[複製鏈接]

1 234 5...9

艾森

子爵府

積分: 11164

41^#

發表於 17-7-26 01:31 |只看該作者

mimiNbaby 發表於 17-7-25 12:15
依，你岩喎，佢真係似喎。我之前都懷疑過我最大果個細路係咪有亞氏保加的，因為佢又係表達能力差，唔肯望 ...

亞氏保加症徵狀佢中左好多，呢知症大人、小朋友都會有，不過成年人經過長時間會學識溝通同社交技巧，初相處感覺佢好正常，耐左先見真章。但奇怪拍拖時你話佢唔係咁，拍拖時無因為佢長期既「零反應」想分手？你地拍左拖幾耐然後結婚？

我同老公拍拖頭一年佢似乎正常，社交又正正常常咁會有時同朋友食飯、飲酒...真係耐左先「黎料」。後來就發現同佢經常唔應人、講緊野唔望人，甚至走開、表達同理解能力好差、自己想點就點、唔理人感受、寫長篇感受比佢又零回應、有咩事淨係唔理/逃避、明明佢唔岩仲鬧返你轉頭....「因為佢覺得佢答完我仲激動喎，佢寧願唔講」呢句同老公講既一樣....
我頂佢唔順分手斷絕聯絡，佢就黎公司等我放工，但黎到又唔出聲咁跟住你行兩個鐘......迫到佢出聲先話改改改，要知道會無左你先話改，「話」咋唔包改架
所以你既感受我明白，對住佢無尊嚴、無人理、無人應、得自己一個努力仲要比佢踩多腳.....但自己揀左呢個男人只好撐住....

你老公之前有第三者....會唔會你地房事有問題？依加發現第二部電話，我會勸你唔好問....因為無男人會講真話，更何況你老公慣左零回應，所以問黎都晒氣。我感受到你對住佢好攰好想死心，但愛令你想挽救呢段婚姻。

你老公仲會去識其他女人，代表佢都想有溝通時候，只係唔想同你溝通（我唔係話你錯，只係嘗試由佢角度出發）
試諗諗...你唔開心就好似落雨咁，佢自然匿埋避雨，到你激動地表達唔開心就似暴雨，每日暴雨佢只會走去搵一個安全既地方去避，甚至會去搵佢鍾意既晴天。

私人傳訊

艾森

子爵府

積分: 11164

42^#

發表於 17-7-26 01:38 |只看該作者

艾森發表於 17-7-26 01:31
亞氏保加症徵狀佢中左好多，呢知症大人、小朋友都會有，不過成年人經過長時間會學識溝通同社交技巧，初相 ...

繼上....

亞氏保加症既人係表達、理解、同理心都一般人弱，唔好將佢既反應聯繫成唔愛你，因為佢根本唔識得要點同老婆、仔女溝通同相處，亦察覺唔到身邊人既感受同需要，佢淨係識由自己角度出發以致經常漠視你地既需要。

視乎你老公肯唔唔肯去評估同治療，無得根治，可以透過心理輔導同行為治療去改善徵狀，不過近年亞氏保加症已經納入自閉譜系。

要付出無比既忍耐、包容、諒解、引導佢改善.......
對佢要好似小朋友咁話比佢聽要做咩，唔肯要解釋點解需要做，做左要讚多d。好似你叫小朋友刷牙，你唔解釋咁佢就唔知刷牙重要性，所以佢自己唔想做就唔願做。你解釋到佢明佢先肯做，讚美令佢知道自己做得好，每日自動刷牙係佢責任，亦遇左要提完再提、解釋過又再解釋，因為佢會好似小朋友咁唔記得左。做得唔好唔好鬧，用正面既態度同用詞，例如：肯刷牙好乖，不過可以咁咁咁會再好d。

當然我唔會永遠遷就，我都會「迫佢成長」，比佢自己一個湊小朋友半日，可以比佢親身「理解」你既感受，同建立返責任心。

私人傳訊

mimiNbaby

男爵府

積分: 5888

陪月勳章

43^#

發表於 17-7-26 12:48 |只看該作者

艾森發表於 17-7-26 01:31
亞氏保加症徵狀佢中左好多，呢知症大人、小朋友都會有，不過成年人經過長時間會學識溝通同社交技巧，初相 ...

一齊左6年才結婚的...... 拍拖時大家傾計，佢係會望我的，追我時多數send email. 佢可以寫到好多野喎。一齊耐左就發現佢好少朋友，佢自己都話佢唔鍾意埋堆，人地搵佢佢就會一齊玩既，但佢就一定唔會主動去搵人。所以大學畢業後，已經冇同同學同學，大學同學聯絡咁濟了。初初吵架時，佢一嬲，就唔出聲，第二日先冇事。有時會駁我幾句，不過由於佢語氣差，我會有好大反應，咁佢又唔alright, 慢慢演變到佢之後每次傾大家既問題時佢只會唔出聲。

佢宜家既性格同拍拖時變得好緊要呀。見輔導時啲姑娘都有問我以前既情況。我覺得老公呢幾年變得咁嚴重，有可能係自從我轉做ftm 開始。我自己見過輔導後都學下點溝通，咁婚後有時發現相處有點問題，打算同佢傾，佢就愈來愈變得完全唔肯講野，唔望我。到呢1年到，如果同佢傾野，佢一不滿，就直頭唔返房瞓，要嬲一排先。唉，我都係想改善關係，得我一個表達又冇用，我都好希望聽下佢點諗。

以前冇智能手機既年代，佢又點會全日得閒就打機呢。都係呢3年多佢先咁沉迷。

私人傳訊

mimiNbaby

男爵府

積分: 5888

陪月勳章

44^#

發表於 17-7-26 12:54 |只看該作者

艾森發表於 17-7-26 01:38
繼上....

亞氏保加症既人係表達、理解、同理心都一般人弱，唔好將佢既反應聯繫成唔愛你，因為佢根本唔識 ...

我同老公細佬傾計呢，可能用好短既句子，大家已明白對方想講乜，但我老公喺旁邊佢話唔明我地講緊乜，我地要用番3，4句詳細講出黎佢先明。

又，我62早前有病，老公搵到隻藥俾62就算，62其他情況唔理。但62乜都唔肯食，我會搵做護士既朋友問下可以點幫呢位病人，但老公一點同理心都冇，只係鬧佢老豆揀飲擇食，係咪連命都唔想要。我睇見都心痛呀。62有病已好辛苦但個仔咁唔體諒。我99就煮好多不同既餸希望幫62醫好個病，但62唔肯食，99同老公呻，老公只係鬧我99攪太多野...... 我老公長期咁對家人，我睇見都傷心

私人傳訊

qee

大宅

積分: 4263

45^#

發表於 17-7-27 07:43 |只看該作者

回覆樓主

我覺得唔關病事
根本佢就係個咁無情嘅人
拍拖時就扮下嘢
婚後現形
真係想証實係咪有病可以搵醫生check下
不過前提係佢肯去先得

私人傳訊

Nancy20090615

瑪瑙宮

積分: 139840

46^#

發表於 17-7-27 08:31 |只看該作者

qee 發表於 17-7-27 07:43
我覺得唔關病事
根本佢就係個咁無情嘅人
拍拖時就扮下嘢

認同。係咪有病要揾生断下症。
我党得佢係活到冇野想理，身边人最好5好惹麻煩比佢。一个人以前5係咁，5代表以后5會变。

私人傳訊

mimiNbaby

男爵府

積分: 5888

陪月勳章

47^#

發表於 17-7-27 10:45 |只看該作者

Nancy20090615 發表於 17-7-27 08:31
認同。係咪有病要揾生断下症。
我党得佢係活到冇野想理，身边人最好5好惹麻煩比佢。一个人以前5係咁，5代表 ...

我都知需要醫生判斷佢到底係唔係不過佢咁要面咁自我既性格，佢未必肯去。

其實我有諗過，佢宜家工作壓力大到，令佢對其他野完全唔想理。個家愈需要佢佢愈無力去handle.

但係大女有著同一個問題，嚴重缺乏同理心，唔識表達，唔肯出聲，嚴重呷醋攪到乜事都要爭一餐，又經常令到細既受傷。佢極需要父母獨立俾佢既愛但老公已經唔肯再付出。大女叫佢一齊玩，老公只係reject繼續打機。我喺家每日面對呢啲問題我都好辛苦撐唔住了

私人傳訊

Nancy20090615

瑪瑙宮

積分: 139840

48^#

發表於 17-7-27 11:55 |只看該作者

mimiNbaby 發表於 17-7-27 10:45
我都知需要醫生判斷佢到底係唔係不過佢咁要面咁自我既性格，佢未必肯去。

其實我有諗過，佢宜家工作壓力 ...

你係 ftm, 佢一養4+, 梗係攰喇, 个人方面又無突破, 無滿足感, 為錢奔波, 總之, 好似困左响一个局裏面.

有 d 人可以付出的係咁多就咁多, 多 d 都唔得, 超左佢極限, 又屈屈埋埋唔想比人知自己有無力感, 佢都好辛苦 ge . 打機令佢減庒/逃避現實, 佢咪成日打機.

佢係咪病, 唔去睇醫生點都唔會知. 或者搵下婚輔, 你一个人好似做唔到乜野, 你都好辛苦架.

私人傳訊

koalachan2002

男爵府

積分: 9796

49^#

發表於 17-7-27 12:46 |只看該作者

回覆 ~小樹兒~ 的帖子

私人傳訊

mimiNbaby

男爵府

積分: 5888

陪月勳章

50^#

發表於 17-7-27 14:37 |只看該作者

Nancy20090615 發表於 17-7-27 11:55
你係 ftm, 佢一養4+, 梗係攰喇, 个人方面又無突破, 無滿足感, 為錢奔波, 總之, 好似困左响一个局裏面.

...

你講既野我之前都係咁諗，知佢一個養咁多個，好辛苦，公司多野做好多野係佢負責，好大壓力，所以佢長時間打機，我都明白，佢需要減壓。我朋友問我點解佢咁多問題都仲可以忍佢唔鬧佢，因為我都有體諒佢明白佢好辛苦，所以搵地方逃，我靠我自己作出調節。不過當個家去到好多野都需要佢時佢完全唔理，小朋友主動搵佢佢唔理，唔尊重我語氣對我好差，我有我既底線，我都係人，需要俾人尊重，我地一家人唔係佢既出氣袋，啲細路一唔聽話佢已經發哂狂咁去鬧人。我本來以為佢有情緒病的。

早前因小朋友問題一齊去見過輔導，當中談及父母相處既問題，我老公好大反應好抗拒完全唔肯傾。

私人傳訊

mimiNbaby

男爵府

積分: 5888

陪月勳章

51^#

發表於 17-7-27 14:44 |只看該作者

Nancy20090615 發表於 17-7-27 11:55
你係 ftm, 佢一養4+, 梗係攰喇, 个人方面又無突破, 無滿足感, 為錢奔波, 總之, 好似困左响一个局裏面.

...

我地全部困哂喺個局到，佢宜家對個家完全冇耐性完全唔理，最大果個細路又有情緒，行為問題需要父母投放多啲關愛俾佢，但父母關係唔好又影響左個細路既發展。我試過單一個去努力改善小朋友既問題都冇用，我單一個去改善夫妻關係又冇用。望住個家愈來愈差，我仲可以點? 經過幾年既努力，我都攰了，我都撐唔住了。既然佢個心都離開左個家，我無謂去挽救。

私人傳訊

Nancy20090615

瑪瑙宮

積分: 139840

52^#

發表於 17-7-27 15:12 |只看該作者

mimiNbaby 發表於 17-7-27 14:44
我地全部困哂喺個局到，佢宜家對個家完全冇耐性完全唔理，最大果個細路又有情緒，行為問題需要父母投放多 ...

是, 唔否定佢係可能有情緒病/亞氏保加症問題, 但佢唔肯面對唔肯睇醫生, 傾無可傾. 明白你庒力都大的, 一个人撐好辛苦, 你要繼續搵社工/婚輔, 幫下你自己都要, 唔係自己都谷爆埋.

私人傳訊

艾森

子爵府

積分: 11164

53^#

發表於 17-7-27 20:56 |只看該作者

mimiNbaby 發表於 17-7-26 12:54
我同老公細佬傾計呢，可能用好短既句子，大家已明白對方想講乜，但我老公喺旁邊佢話唔明我地講緊乜，我地 ...

本帖最後由艾森於 17-7-27 21:22 編輯

你講緊既都係亞氏保加症既徵狀，你都知老公理解力低、唔識表達、無同理心，佢會有眼神接觸，但一發作就會無眼神接觸。好多人唔了解亞氏保加症就純粹覺得佢地天生性格差、唔睬人、冷血.....其實亞氏保加症係先天既腦功能障礙，症狀係自閉中最輕微，佢有時會好正常所以係好難察覺。加上你提及兩個小朋友都有徵狀，因為亞氏保加症係有遺傳。

佢地通常遇到問題唔想理/唔識處理就真係咩都唔理，完全活係自己世界之中，其他野咩都唔關佢事。尤其生活有大改變時候，佢地就變左另一個人，因為對改變感到不安都係症狀之一。你知佢變係由你做ftm開始，其實亦印證左佢好多症狀都有。如果你想修補關係可以先多謝佢既付出，知道一個人搵錢四個人洗錢係好辛苦，講下你欣賞佢既地步，再講下你想佢點樣改善再問佢願唔願意（亞氏保加症既人好怕要佢諗自己有咩問題同要點改，你話比佢知佢大多肯跟住做）

上一個回覆有d問題可能你唔想答，但你可以諗下之前係同老公點相處，細想以前融洽既日子自己係點樣同佢溝通，亦要自己調整心態去同佢溝通，當你搵到適合既方法佢會有所改善。過程係好辛苦好大壓力，因為你要不停體諒佢能力有限，佢心情唔好就匿埋留低你到個獨自面對。

我都係小朋友出世先發現老公有亞氏保加症，只可以靠自己學識諒解、包容、忍耐....老公比之前有進步，所以樓上回覆都有講到一d自己覺得有效既方法。

關於亞氏保加症
http://www.marehab.com.hk/outpatient-rehabilitation-services/occupational-therapy/%e4%ba%9e%e6%b0%8f%e4%bf%9d%e5%8a%a0%e7%97%87.html

https://m.facebook.com/story.php?story_fbid=614773461883034&id=107815309245521

私人傳訊

做個靚太

水晶宮

積分: 51139

54^#

發表於 17-7-27 22:08 |只看該作者

回覆樓主:

你講得好岩，咁嘅婚姻，小朋友自己都有眼睇，一齊無意思，一樣教小朋友！
你地層樓係租定係買？你有收入？
你老公唔肯面對離婚，會唔會係唔想俾贍養費，同埋唔想分層樓？
如果你諗清楚，計劃好，我覺得單方面離婚都得，得個拖字無意思，還你自由，單親只要有愛，小朋友一樣快樂~加油！

私人傳訊

yeemeif

珍珠宮

積分: 37258

55^#

發表於 17-7-29 17:53 |只看該作者

回覆樓主:

完全睇得出你已經盡晒力，我都好替你痛心

私人傳訊

mimiNbaby

男爵府

積分: 5888

陪月勳章

56^#

發表於 17-7-30 00:58 |只看該作者

艾森發表於 17-7-27 20:56
本帖最後由艾森於 17-7-27 21:22 編輯

你講緊既都係亞氏保加症既徵狀，你都知老公理解力低、唔識表達 ...

其實呢一年間唔中都會喺fb讚下老公的，不過老公一啲感覺都冇，唔會有唔同。我呢幾日再不停諗番以前，醒起，其實轉做ftm前已慢慢開始出現問題，我印象最深既係，轉做ftm前2年剛搬屋，之後相處既問題開始嚴重，要去見婚姻輔導的。之後叫做好左啲啲啦，跟住又差左，到我轉做ftm最明顯。然後我兩個分別受傷，有屋企人過身，呢幾年好多野發生左。我本身唔係太迷信，但搬屋前既生活係好開心溫馨的，搬屋後的確有好多野發生。當然，搬完屋後既生活有轉變，多左細路出世，轉ftm等，老公工作壓力愈來愈大都一定有影響。

至於有野未答到你，可能係我miss左呀，因為內容太長我記唔到咁多，電話reply又冇得睇番之前段msg......

諗番以前點相處.... 我反而覺得宜家既我進步左喎，比以前好喎。說話唔會挑剔，盡量保持態度好，遇到佢態度唔好我已經冇咁在意，反而關係keep住差落去。如果返番以前，其實我一有唔開心就會同佢吵架，仲唔好.......

私人傳訊

tammy2008

水晶宮

積分: 50566

57^#

發表於 17-7-30 01:13 |只看該作者

mimiNbaby 發表於 17-7-30 00:58
其實呢一年間唔中都會喺fb讚下老公的，不過老公一啲感覺都冇，唔會有唔同。我呢幾日再不停諗番以前，醒起 ...

咪即管搵個師傅睇下，當求個安心

私人傳訊

mimiNbaby

男爵府

積分: 5888

陪月勳章

58^#

發表於 17-7-31 23:29 |只看該作者

做個靚太發表於 17-7-27 22:08
你講得好岩，咁嘅婚姻，小朋友自己都有眼睇，一齊無意思，一樣教小朋友！
你地層樓係租定係買？你有收入？
...

層樓租架咋，我係ftm，冇收入。不過打算今年出返黎做野。我相信佢唔係因為唔想俾錢我，講到呢啲責任問題，佢一定會揹。

我有諗過到底點解攪到愈來愈嚴重。佢應該覺得佢自己已好為頭家，辛苦搵錢返黎，我應該自己攪掂頭家，因為佢喺公司已太忙太大壓力，而我反而仲怪佢唔理屋企態度差，所以老公內心積左好多不滿，但又由於佢唔鍾意講出口，誤會越來越深。

在我既角度，我都想估你發生左乜野事，唔係一切都係理所當然，我覺得個家有乜事大家傾下囉。可能佢覺得自己都攪唔掂但講唔出口，因為佢好要面。我又覺得不被尊重，我又唔開心。結果兩個就一路咁樣落去.......