同我之前個情況一樣。二個月前我啱啱續約既工人話我知個胸有野，叫我比佢睇醫生。我地關係好好既，咁我叫佢即刻睇街症。第二日睇完街症，街症比症封快信佢封醫院，我都知大鑊。
咁佢都唔想再等，就話自己去私家驗，好快就驗到cancer仲應該唔係早期。同時，好快醫院就打黎比左個再快期佢睇醫生，醫生話佢末期乳癌。咁醫院醫生都好好，佢地都有叫佢返去醫，話僱主冇可能照顧到佢。醫生佢地幫晒口叫佢返去，但醫生係唔會寫not fit to work比僱主，佢仲同工人講佢仲做到野。
咁好彩我工人最後都係自己揀左返去，而我就比左半年人工佢，希望佢返到去都唔使等死。由發現到送佢走前後只係個半月。而我都簽左新工人，所以最後屋企只係真空左一個月。我個case都叫好彩，工人冇玩野。
最後提醒一點，保險果度因爲剛續約，出左新一份保險，而工人個病係後期，即係未買保險前已有，所以我最後係一蚊都claim唔到
發表於 
返回列表
