其實要留意下佢係無能力寫好，定無心寫好。
我好後悔，就係當年(20+前)同細女擦，佢已經寫得慢，我一共擦左好多次，佢
一路喊，一路做，喊到本簿濕晒，最後梗係擦穿洞啦。
其後，至知佢有少少寫障，當年唔係咁多人講，根本我就唔知有呢d野，自己一
味要迎合老師既要求，因為老師話佢一定係懶，唔肯用心，至會做得咁差。
搞到細女一見要做功課就喊，幼稚園人仔，晚晚要做到好夜。
小學又係咁，不過我已察覺左佢問題，雖然又係成人被老師召見、訓話，我都無咩理喇。佢班主任仲問我，點解個家姐(大女)咁叻，手字咁靚，而佢咁架？
好彩到中學，老師鼓勵佢，唔會因為佢手字差，而要佢重做又重做，令佢有返學習興趣喇。
這個世界上所有的愛都是以聚合為最終目的，只有一種愛以分離為目的，那就是父母對孩子的愛。 父母真正成功的愛，就是讓孩子盡早成為一個獨立的分個體﹗
發表於 
返回列表
