吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 魔鬼陪月！姊妹注意！

懷孕前後今日: 1|主題: 330360

收藏本版

發帖

返回列表

跳至頁

樓主: LL823

魔鬼陪月！姊妹注意！ [複製鏈接]

1 23

LL823

複式洋房

積分: 191

41^#

發表於 09-3-7 22:30 |只看該作者

原帖由 OLDCAKE_MOM 於 09-3-7 21:49 發表
你個陪月係咪痴線架

佢真係痴線架, 不過佢仲可以做到而家, 相信都係因為D新手媽媽太信呢個陪月, 又或者佢地都唔知呢隻嘢做得啱唔啱, 所以便隻眼開隻眼閉

私人傳訊

elvaman

複式洋房

積分: 285

42^#

發表於 09-3-8 05:06 |只看該作者

有冇同佢公司反映過?唔係會害到好多人架喎,就算冇訓練過,我買左幾本書睇都識多過佢啦,佢跟本冇心做陪月,只係o係度搵人笨,唔係"我好彩冇請佢"而係"佢好彩唔係打我工"俾著我請到佢,我老公實發哂老脾xxx佢,再的佢走,再去佢公司投訴...

私人傳訊

elvaman

複式洋房

積分: 285

43^#

發表於 09-3-8 05:09 |只看該作者

世上只有媽媽好,最好既陪月就係媽媽啦,買d書返黎睇下點做,再教媽媽,有時佢地仲緊張過真係坐月果個.
(勁煩)

私人傳訊

LL823

複式洋房

積分: 191

44^#

發表於 09-3-8 22:53 |只看該作者

魔鬼陪月(第十六宗罪)...以下咁大段嘢, 裡面都唔止一宗罪!
終於到了第四日, 亦是炒佢嗰日...
一早又要帶BB覆診, 今次BB好黃, 要到醫院抽血再照燈. 到了醫院停車塲便叫她幫我攞文件去登記, 點知佢伸出雙手準備抱我的BB, 我先生見到便話佢:「乜唔係你先跑去登記, 唔通你唸住叫個坐月媽咪跑去登記咩!」佢至醒水, 但後來我到了登記處, 佢仲喺繳費處同登記處行來行去, 原來都仲未搞, 真係俾佢激死, 因好趕時間, 到最後都係我做翻(唔通佢咁大個人都未入過醫院?)

BB確定要入院照燈, 姑娘叫我們先返家, 冲定奶再攞回醫院餵BB. 返回家已是兩點幾, 我們便吩咐佢四點冲好400ml奶入落兩個大奶樽(因為個女要stay overnight, 所以要沖定一日D奶),其餘再帶多四個細奶樽. 之後因太倦(真係好攰, 生完完全未坐過月, 走來走去, 仲要對住呢隻魔月), 我和先生便回房瞓一瞓(我先生白天好少瞓覺, 佢都頂唔住, 可見貼錢買難受). 醒時已是四點幾, 心想佢應該搞掂晒. 答案當然又係未整, 便叫她快D冲奶, 佢又搞咗半個鐘, 張D奶倒來倒去,到最後咗六樽奶出嚟(我真係唔知佢做緊乜, 我老公便火滚自己嚟, 因要趕住餵奶時間, 驚BB餓親)佢真係一個白痴, 連咁簡單嘅嘢都做唔到!

我們叫她同工人留在家, 費事見到佢會眼火爆!去完醫院返家途中, 我的朋友打給我(個女嘅契媽, 又係護士. 佢呢幾日都有同我傾偈, 亦知道嗰隻Devil Ada嘅惡行, 佢生咗兩個BB都有請陪月, 都幾好.) 所以佢一邊同我傾, 一邊喺度發火, 佢嬲到要即刻到我家炒咗佢. 我便叫她來我家吃晚飯, 看看呢隻嘢係咪咁令人"人神共忿"我便叫Devil Ada 煮飯, 告訴她有客人來. 朋友到了, 她把八個餸放到枱上, 有三碟係菜(王芽白, 白菜仔,菜心),一碟粟米班塊(D魚好大陣雪味), 另有兩碟係隔夜餸(之前我先生唔食, 已叫佢倒掉),一碟係我先生斬料, 另一個係我嗰大碗冬蟲草. 我老公見佢攞番尋晚D餸翻熱, 便入廚房問佢點解煮D舊餸比我哋D朋友食, 佢好犀利, 居然同我老公講:「呀Sir, 你知啫, 你D朋友唔知(隔夜餸)吖嘛.」我老公仲對住佢笑, 佢都唔知死期到!

以下內容會以對話形式:"朋"代表我這位朋友, "先"代表我先生, "A"代表Devil Ada

先: 枱上碗湯係今日燉定尋晚?

A: 係尋晚嘅.

先: 咁今日有冇燉湯?

A: 有!

先: 咁今日燉嗰碗係咪聽日飲?(擺明寸佢)
(Devil Ada 冇出聲走回入廚房)

朋: D餸真係好難食, 乜坐月都食得酸嘢同王芽白咩,碟魚仲係雪藏, 新鮮魚好難買咩? 碗燉湯又大碗又隔夜, 佢點做陪月架!
(突然Devil Ada 從厨房走出, 朋友便大鬧:「你點做陪月架, 煮乜俾人食都唔識, 仲要有隔夜餸同湯, 真係不知所謂!」,說罷她便走入廚房嬲爆爆咁樣.我先生便走入去問個究竟.)

A: 亞Sir, 呢個乜人嚟架, 又唔係佢請我, 有乜資格鬧我!我唔會理佢架, 我就坐喺呢度, 睇佢點鬧我! (過了兩個鐘, 她真的沒有行出來, 我們都要執枱了, 她便叫工人幫佢執入厨房, 佢真的好有性格) 我朋友真係頂唔順, 問我可以炒咗佢嗎? 我們當然沒問題啦, 於是我便叫佢出嚟有嘢同佢講, 當時佢個樣仲係嬲爆爆.
朋: 究竟你之前有冇做過陪月架, 你都係唔洗講, 就算你答有, 我地都唔會信! 咁你有冇煮五更飯, 你煮D乜俾個坐月媽咪食呀, 你都好懶, 煮完D嘢全部都係隔夜俾佢食, 燉湯都係隔夜仲要鬼死咁大碗, 係咪未見過咁大條冬蟲草, 唔識燉? 定係你憎人富貴厭人貧, 等人地都冇啖好食?

A: 我梗係有煮啦, 不過太太日日都話冇胃口.

朋: 有邊個坐月媽咪有胃口架, 再加上你煮埋D豬哨, 正常人都食唔落啦!
(我便跟她講佢之前所做嘅錯事, 最儍就係逐一教番佢正確做法, 但她仍然說只是大家做法唔同, 個樣仲表現得好不屑(大家已知道個網址, 都應該見到佢個樣有幾樣衰, 嗰刻對住佢真係想伸佢兩腳埋牆(其實我估佢唔衰得, 照駁咀, 但相信我已袋錢落佢袋, 希望之後D媽咪冇事啦!)

先: (大力拍枱)你做乜X嘢陪月架, 我老婆你又搞唔掂, 個女又唔洗凑, $18000請你返嚟, 仲要我地日夜担心, 你不如出街搶啦! 我地唔會再用你, 你今晚好執嘢走, 我地會俾返四日人工你.

A: (個樣完全不感到意外)唔緊要, 大家冇緣份啫, 或者你要求高呢!

我說: 不是我們要求高, 係你 below standard! 連基本嘢你都唔識, 咁你又有幾叻呀!

之後我們繼續鬧, 鬧到佢半夜十二點才可以走!
各位準媽咪, 就算請咗佢都唔洗咁驚, 可能這半年佢會改啩? 但我發覺佢除咗冇知識外, 人格仲好有問題! 總之一句--小心為妙!

私人傳訊

雯雯媽媽

大宅

積分: 2821

45^#

發表於 09-3-8 23:25 |只看該作者

差到甘你都頂得住佢幾日...比我第2日叫佢走啦!

我都請左個陪月,慘啦而家好擔心唔知會唔會又係極品!

原帖由 LL823 於 09-3-8 22:53 發表
魔鬼陪月(第十六宗罪)...以下咁大段嘢, 裡面都唔止一宗罪!
終於到了第四日, 亦是炒佢嗰日...
一早又要帶BB覆診, 今次BB好黃, 要到醫院抽血再照燈. 到了醫院停車塲便叫她幫我攞文件去登記, 點知佢伸出雙手準備抱我的 ...

私人傳訊

elvaman

複式洋房

積分: 285

46^#

發表於 09-3-9 02:46 |只看該作者

4日佢都汁$2xxx蚊.真係唔抵,係我就去佢公司投訴,我一蚊都唔會俾,唔係錢問題,係條氣唔順既問題,睇佢咁樣一定冇陪月証書架啦,有冇生過bb都好難講.佢公司都唔知點請人,o係街是旦汁件垃圾返黎賣$18000一個月,係咪=奸商?

私人傳訊

maymycheung

子爵府

積分: 13589

47^#

發表於 09-3-9 11:51 |只看該作者

原帖由 elvaman 於 09-3-9 02:46 發表
4日佢都汁$2xxx蚊.真係唔抵,係我就去佢公司投訴,我一蚊都唔會俾,唔係錢問題,係條氣唔順既問題,睇佢咁樣一定冇陪月証書架啦,有冇生過bb都好難講.佢公司都唔知點請人,o係街是旦汁件垃圾返黎賣$18000一個月,係咪=奸商? ...

絶對贊成, 如果係我, 我會同佢講, 呢4人的人工我會直接同佢公司再相討,要佢馬上走........嘩, 佢呢4 日喺度,仲衰過冇陪月喺度,仲要激氣, 真係唔得佢死!!! 我仲要比錢, 冇嘢呀!!! 我唔追討賠償佢公司已經執到!!!!

唉,我之前都有諗過搵陪月,等我阿媽同奶奶唔駛咁辛苦.....但睇完你呢個case, 我真係唔會考慮, 唔想博!

私人傳訊

kamkamwa

洋房

積分: 94

48^#

發表於 09-3-11 03:31 |只看該作者

原帖由 maymycheung 於 09-3-9 11:51 發表

絶對贊成, 如果係我, 我會同佢講, 呢4人的人工我會直接同佢公司再相討,要佢馬上走........嘩, 佢呢4 日喺度,仲衰過冇陪月喺度,仲要激氣, 真係唔得佢死!!! 我仲要比錢, 冇嘢呀!!! 我唔追討賠償佢公司已經執到!!!!

...

我覺得是LL823個老公自己冇增取應有的權利，你係主，佢係客，点到佢任意妄為。況且，AGENT收咗佣有責任立即更換，唔好的，留多一秒都唔要。攪到D好陪月員都比佢唱到冇工做!