吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 留定唔留？

論盡家傭今日: 0|主題: 134064

收藏本版

發帖

返回列表

跳至頁

樓主: alicelamlam

留定唔留？ [複製鏈接]

1 23

heavenlycreat21

大宅

積分: 4739

41^#

發表於 19-4-20 01:28 |只看該作者

回覆 alicelamlam 的帖子

樓主，睇完你嘅post真係唔覆唔得，身同感受。
樓主同我家情況非常相似：三個小朋友（2歲、3歲4個月同5歲10個月），自己又係全職媽媽。我家在前年11月找了一個有新加坡經驗的印姐，英文溝通到。

這位印姐應該係讀書叻嘅，因為英文唔差。佢只會做基本嘢，唔會做多，不過有三個小朋友，我唔會要求佢做額外嘢，但會要求佢基本嘢做得好，佢幫我攪掂啲小朋友已經好好了。佢每日下午有兩個鐘休息，就係小朋友瞓覺時。我亦都唔想做死佢，發洩喺我小朋友身上點算？佢到咗之後我哋做嘢嘅模式係佢主要照顧細細b同家頭細務、晾衫、買餸煮飯，我負責中間個b，大b返全日，爸爸放工返來攪（辛苦了爸爸）。到舊年我們因為經濟問題所以決定找多個印姐幫手而我出去工作。

當時係去返同一間agent度搵姐姐嘅。當時同一個英文溝通到嘅簽咗約，幾日之後agent話姐姐屋企人叫個姐姐唔好嚟，因為佢哋隔離屋有人在港當姐姐，被屋企另外個姐姐恰

私人傳訊

heavenlycreat21

大宅

積分: 4739

42^#

發表於 19-4-20 02:00 |只看該作者

回覆 alicelamlam 的帖子

當時已經俾咗commission，agent梗係冇動力幫我搵個好㗎啦！根本揀唔落手，一係太肥（食窮我）、一係太瘦（40kg都冇，點揹10kg嘅細細b？）、一係只有印尼本地經驗（應該係假嘅，香港人請香港人都貴到死，印尼人點會咁多人請得起印尼人？全部未出過國嘅都有印尼兩年經驗，因為passport check唔到呀嘛！）、一係preference係照顧老人家、一係個樣好唔順眼怕嚇親小朋友朋友、一係只係小學程度或初中程度（英文應該唔得）......
後來揀咗個，前後in咗3次，每次Skype嘅connection都唔好，影響咗我哋嘅判斷。其實我哋應負大部分責任，應該有懷疑就揀過另外一個。佢次次我哋問佢問題佢都唔係即時答，好似每次都聽唔明，隔離有人提佢。後來問佢鐘意小朋友定老人家（家有三個小朋友，如姐姐唔鐘意小朋友會好痛苦），佢答鐘意小朋友，見佢成日笑，好似傻大姐，所以同老公商量之後揀咗佢

私人傳訊

heavenlycreat21

大宅

積分: 4739

43^#

發表於 19-4-20 02:18 |只看該作者

回覆 alicelamlam 的帖子

到去年九月二十號左右去agent度接佢，第一個印象已經唔太好，覺得佢好假：我一望佢佢就笑容燦爛。第一句問佢：Have you had your lunch? 佢聽唔明，我心入面涼咗一大截；再問多次，佢答我：I’m not speaking English。
跟住帶佢去睇平時接送大仔搭校巴嘅地方，講咗大半日都唔明，雞同鴨講，火都嚟！跟住返屋企食晚飯。My God!只食魚同肉，唔食菜！

唔喺屋企好似樣樣嘢都冇問題，一突擊檢查就問題多多。各位媽媽，真係冇眼屎乾淨盲⋯⋯新姐姐去完街返屋企冇洗手就拿細細b條毛巾準備幫佢沖涼；沖完涼幫bb搽完護臀膏冇洗手就準備bb嘢食......

到依家佢嚟咗7個月了，我好似得一個半工人，而唔係兩個工人。成日都心存希望佢廣東話會進歩，但漸漸地發現根本冇可能。姐姐24歲，未婚、冇仔女，冇負擔自然唔自在份工。

私人傳訊

heavenlycreat21

大宅

積分: 4739

44^#

發表於 19-4-20 02:33 |只看該作者

回覆 alicelamlam 的帖子

基本上對住佢命都會短幾年。因為有舊印姐喺度，好多時要靠舊印姐翻譯。而因為新姐姐唔肯講廣東話，唔肯學，所以成日煩住舊姐姐，連鬧新姐姐都要舊姐姐翻譯。久而久之，舊姐姐開始有離心，但其實我唔係鬧佢。舊姐姐一向都好重視份工，試過話佢做嘢方面嘅嘢，佢雖然唔鐘意會黑面，但轉頭同我喊曬口say sorry。
新姐姐唔單止唔肯學廣東話（前提係佢英文都非常唔掂！），對小朋友亦冇愛心，完全唔識氹小朋友，攪唔掂我兩個細嘅。我中間個仔唔肯刷牙，佢唔氹佢，坐喺佢旁邊等，見到都眼火爆。我哋屋企冇裝cam嘅，好難想像我唔喺屋企嘅情況。佢完全幫唔到手照顧小朋友，啲小朋友要舊工人餵唔要佢餵。有時聽到舊工人講中間個b要等舊工人餵完細細b先有嘢食，因為佢唔肯新姐姐餵，我聽到真係好嬲。依個姐姐完全唔似鐘意小朋友囉！

私人傳訊

heavenlycreat21

大宅

積分: 4739

45^#

發表於 19-4-20 02:49 |只看該作者

回覆 alicelamlam 的帖子

我好注重小朋友出去玩，但新姐姐太懶了，試過問佢有冇帶細細b出去行吓，佢話冇，問佢點解，佢話冇時間。bb搭3瞓醒，搭12先食晏，咁都冇時間？（嗰日舊姐姐煮，新姐姐應該有時間）去樓下公園行個圈都好呀！
其實一個姐姐做唔做到嘢，幫唔幫到手一個星期就見真章。我個新姐姐我真係非常之後悔dump到依家。如果姐姐有心學、有心搵錢，一、兩個月就會學識廣東話。好似我舊姐姐咁，新姐姐嚟之前我只會同佢講英文，新姐姐到咗之後我先同佢（舊姐姐）講廣東話，三個月之後新姐姐仍然唔識，但舊姐姐就識曬。所以响依度奉勸各位媽媽，遇著啲咁嘅姐姐早炒早著，千祈唔好奢望對方會有改善，係一定一定唔會㗎！

依幾個月嚟成日俾新姐姐激死，搞到我成日鬧佢。試過問佢（舊姐姐幫手翻譯）：你做咩唔肯學廣東話？佢答：我已經講緊。唔好玩我啦！浄識ABCD就當

私人傳訊

heavenlycreat21

大宅

積分: 4739

46^#

發表於 19-4-20 03:17 |只看該作者

回覆 alicelamlam 的帖子

浄識ABCD就當識英文？問佢：啲菜爛曬，你做咩買返嚟？佢答：街市。問佢：喺邊度買？佢答：10蚊。
過咗一兩個月又問佢（嚟咗已經5、6個月了：你做咩唔肯學廣東話？佢答：我需要啲時間。問佢：要幾耐？佢答：唔知呀！我嗰一刻真係好想練死佢！嘥我時間呃我錢！

前幾日問佢（佢啱啱還曬錢，嚟咗7個月了）：你鐘唔鐘意依度？想走定留喺度？佢答：我唔知呀！我問佢點解，佢嘅答案令我嬲到爆：因為你成日要我學廣東話呀！我答佢：你英文又唔識，廣東話又唔識，你諗住喺香港賺錢呀？！你如果轉工，好快又俾人炒㗎啦！你諗住照顧老人家？老人家講嘢你聽唔明，實激死老人家！

我好記得佢初來報到，竟然問我舊姐姐：我教小朋友講印尼話得唔得？我聽到真係好想講粗口。

私人傳訊

heavenlycreat21

大宅

積分: 4739

47^#

發表於 19-4-20 03:38 |只看該作者

回覆 alicelamlam 的帖子

我覺得好似我哋啲咁嘅家庭真係好麻煩，因為有三個小朋友，請一個姐姐唔夠，要請兩個，但請兩個啲姐姐又唔鐘意；好了，到mom話留喺屋企幫手，啲姐姐又唔鐘意。我哋真係好難請人，惟有請海外。
樓主我建議你請個溝通到嘅，in到啱為止，唔好再嘥錢，一定要搵到啱嘅先請，新姐姐到就炒舊嘅。印嘅冇咁計較，如果真係溝通唔到，不如請個菲，起碼溝通到。三個小朋友真係好忙，有個姐姐幫手會好啲，如果唔係，一個小朋友瞓緊覺，邊個去接另外嗰兩個？如果你一個人，一定忙死，親子質素亦會受影響。我如果一打三一定會變顛婆，好快妻離子散，因為老公會頂唔順。我最怕因為姐姐而影響家庭嘅正常運作。

不過點都好，如果真係請唔到姐姐，惟有一打三，不過記住唔係世界末日，啲小朋友始終會有長大嘅一天，雖然依家會辛苦啲。

私人傳訊

alicelamlam

複式洋房

積分: 335

48^#

發表於 19-4-20 10:44 |只看該作者

回覆 heavenlycreat21 的帖子

係，我地情況真係好似。你絕對講出哂我既心聲。要呻既真係呻極都唔完！你仲煩過我，因為你要返工，你唔係屋企都唔知個工人姐姐點搞啲小朋友。好彩都仲有個舊姐姐叫幫到下你手。你個新姐姐仲要還哂錢，hea 做都吹佢唔脹。最慘影響埋你個舊姐姐心態。咁你有冇諗住叫新姐姐走？你話未出過國都有兩年經驗應該係假，又確係似假。之前我都冇諗過呢點，點解咁失策。agent 又sale 話後生學野快呀～同埋3個小朋友，我又係屋企，冇乜工人肯做。全部都呃人既！佢地唔識講啫，做過既嚟到都會自動波去做野架啦，家務邊度都係咁上下咁做。請到個幫唔到手既，慘！
而家都會望下有冇啲岩心水既姐姐先，而家呢個最多用埋個暑假，唔想再嘥錢係佢身上。到時候真係搵唔岩都係自己搞掂，大兩個返學，淨係湊個newborn既話，應該唔會太辛苦掛。