荷爾蒙斑係深層斑, 無論用laser 或pico 打, 原理都係一樣, 先將深層黑色素抽出, 打散, 再由自己新陳代謝將黑色素排走, 呢個過程唔係一,兩次就搞得掂, 但pico 就貴好多, 打laser 1064 較平, 兩者效果相若, 所以我一開始就堅拒打pico, 只打laser 將深層黑色素抽出打散, 治療師都係咁建議我, 唔好心急, 當深層黑色素打至好表層, 好淡時, 先考慮打pico 將佢清走, 咁先係最有效又慳錢方法。冇人可以話你知, 打幾多次可以打走晒, 因為真係因人而異, 我問過兩個醫生, 佢地都答我唔到幾時可以打走晒, 如果有人答到你打幾多次可打得走, 又或有人話你知打左幾次就冇晒荷爾蒙斑, 咁你要諗清楚了。
我係C記打左13次medical laser, 我係每5次 咁買package, 打到第4次, 面上碎斑已清走晒, 剩底要長期作戰荷爾蒙斑, 打到而家, 荷爾蒙斑已非常淡, 治療師都建議我可以考慮試pico, 因為係時候了。
發表於 
返回列表
