JAlove 發表於 19-6-3 20:31 
我都好擔心我老公
佢又唔多出聲，我都唔知佢諗緊乜，佢身邊有幾個朋友呢幾年都有抑鬱病，康復左之後，佢 ...
我唔知係咪人到中年特別容易有抑鬱？係，男人一樣有女人更年期問題，男人叫中年危機，通常四十幾五十歲出現。我老公當時就係幾樣加埋一齊，一個平日大大聲聲，笑聲震天嘅人，日日屈喺屋企，唔係坐喺度睇電視就係瞓，問佢係咪唔舒服，佢就只係話冇嘢，只係好攰，咩都唔想做，唔想返工，唔想出街，但佢平時係好準時返工嘅人，所以一定要正視。
男人好多都係收收埋埋，做太太唯有係陪伴，好好聆聽，等佢感覺到你關心佢，支持佢。你同奶奶感情好，多D陪老公去睇奶奶，我以前係唔會俾我老公自己一個人，總係搵籍口要佢同我一齊。我叔仔剛走咗幾個星期，我就請假同老公一齊搞葬禮，幫佢出主意，原本我好唔想去睇叔仔遺體，但老公想我陪佢，最後我都同佢一齊去，佢要受嘅我分擔唔到幾多，但陪伴係最重要。
我老公照顧咗老爺四年，當中真係好慘好困難，四兄弟姊妹只靠佢一個，其他唔肯幫或者冇能力幫，老爺走後佢好自責，覺得做得唔夠好。。。呢段自責時間持續咗好耐，直到最後兩年幾後，點知又到叔仔。。。JM，你日後都要留意，抑鬱情緒係可以維持好耐時間。
花旗太太生活在花旗國，留意時差，你問我未必即時答到。
發表於 
返回列表
