吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 一個故事

夫婦情感今日: 2|主題: 42742

收藏本版

發帖

返回列表

跳至頁

樓主: 明月幾時有

一個故事

[複製鏈接]

1 234 5...17

明月幾時有

複式洋房

積分: 454

41^#

發表於 19-12-19 14:01 |只看該作者

回覆樓主：

本帖最後由明月幾時有於 19-12-19 14:19 編輯

現在回想，我完全錯過了享受女兒最可愛嘅時候，我有幸做全職媽媽半年，但呢半年應是產後抑鬱，我沒有開心的迎接和照顧可愛嘅女兒，反而時常覺得很辛苦，很累人，亦做得唔夠好，呢個情況，隨住我出番來做野而得到改善。

我搵左一份可以準時收工嘅工作，而工人姐姐亦終於來到，我每天放工趕回家湊女，每星期六出去買成個星期嘅食物，老公有時會接我食lunch，一切漸重回軌道。

但我還是十分緊張女兒，一放工回家一定接手湊女直至女兒睡覺，自始，我同老公再無試過2個人出街食晚飯。

試過一次2個人食晚飯，我都心掛掛，一食完就要嚷住要回家，因為要暗女兒睡覺。

私人傳訊

明月幾時有

複式洋房

積分: 454

42^#

發表於 19-12-19 14:28 |只看該作者

回覆樓主：

本帖最後由明月幾時有於 19-12-19 14:29 編輯

由女兒出生後，我嘅重心一直放響女兒身上，從前所有無所謂嘅事，如今都變得好有所為，脾氣亦大左，因為經常單打獨鬥照顧女兒，老公經常工作不在身邊，覺得自己是單親家庭。

以前慢活完全無問題，但當有了女兒，什麼都要快，要早起身，要執野快，因為執好袋幫女兒換好衫後，就發現自己咩都未攪，老公好像咩都唔識攪咁，連執個袋都幫唔到手。

到女兒開始番學，趕頭趕命趕訓覺嘅生活正式開始，做任何事都女兒生活時間表行先，其他事一點都不重要，而且我EQ一直唔好，到女兒trouble 2時更為嚴重，我會打佢patpat,打佢手手，甚至有時會打面，我好憎我自己，次次都會後悔內疚到喊。

私人傳訊

Perpersis

大宅

積分: 1839

43^#

發表於 19-12-19 14:49 |只看該作者

回覆明月幾時有的帖子

樓主對女兒嘅感受應該好多人都經歷過。

私人傳訊

明月幾時有

複式洋房

積分: 454

44^#

發表於 19-12-19 14:52 |只看該作者

老公一直有自己嘅興趣，但女兒出生後也放棄了，為了放多一點時間在家，以前他工作忙，我從不介意，還覺得我可以有自己私人空間，也不錯。到女兒出生後，才發現假單親嘅辛酸。

老公開始覺得回到家經常聽到的就是我的吵鬧聲，開始煩躁，但也會盡量回家名陪我們，不過他只能做到的就只有陪玩，其餘一切照顧女兒的工作，就好像都不懂做了。

女兒2歲後，他開始重拾自己的興趣，所以回來的時間又小了。

而什麼生日周年慶紀念通通也沒有再慶祝。

女兒3歲那一年，我們一家去影樓拍照，其實也是結婚周年的日子，他又再沒有任何表示，我在街上哭了起來。

我們的關係已經疏離了很多。

私人傳訊

明月幾時有

複式洋房

積分: 454

45^#

發表於 19-12-19 15:16 |只看該作者

其實老公一直工作很忙，很小時間在家，所以屋企大小事務都是我管，我打理，女兒搵學校，interview , 打點工人，屋企水電煤，生活雜項，到後來搬屋，裝箱，拆箱，一直，都係我。老公完全唔知屋企嘅物件放邊，因為執野嘅，從來都係我。但我都有內疚，老公一直有很多收藏品，因為住在娘家，所以一直封箱，沒有放出來。所以我覺得，老公從來唔太有歸屬感。

由女兒3歲至4歲之間，我們的關係是最差的一年，我怪他不再付出時間給家庭，對我亦忘了所有節日嘅興祝，如果我想興祝，我要諗去邊，book位。我唔介意做，但都會心灰，因為就只有我一人在乎。

這一年，口角亦多了。

私人傳訊

明月幾時有

複式洋房

積分: 454

46^#

發表於 19-12-19 15:20 |只看該作者

而老公呢？佢應該係覺得我事事唔理佢感受，佢個種慢活我已經接受唔到，女兒是一切，而他好像什麼都不是，他也痛錫女兒，但我倆卻愈走愈遠。

私人傳訊

Sister1111

男爵府

積分: 7206

47^#

發表於 19-12-19 15:30 |只看該作者

明月幾時有發表於 19-12-19 15:20
而老公呢？佢應該係覺得我事事唔理佢感受，佢個種慢活我已經接受唔到，女兒是一切，而他好像什麼都不是，他 ...

留名加油(emoji)(emoji)

私人傳訊

明月幾時有

複式洋房

積分: 454

48^#

發表於 19-12-19 15:46 |只看該作者

回覆樓主：

本帖最後由明月幾時有於 19-12-19 15:48 編輯

我地嘅生活作息時間都唔同，而且老公放工番來都好累，我地嘅親密行為，可能係2-3個月一次，而且女兒跟我們同房，所以機會又小之有小。

還記得我選擇這男孩做老公的原因嗎？事事以我為先，愛我寵我，我是唯一，以前我直情覺得，他是我的小粉絲，所以，就算現在關係差了，我會認為是變了感情，可能淡了點，但夫妻就是這樣子，不可能一世激情吧？

所以出軌這念頭，從頭到尾都沒有出現過在我腦海內，而且，我做所有野為了女兒，女兒開心舒適便是我最大成就。我相信老公都會明白。

但在女兒4歲個年，我發現我錯了。

私人傳訊

明月幾時有

複式洋房

積分: 454

49^#

發表於 19-12-19 16:19 |只看該作者

858D 發表於 19-12-19 10:24
我和我先生都是憂鬱症過來人，我和我先生的不會斷尾，只有靠自己控制管理好不復發。
我從管理自己的憂鬱症 ...

多謝你，媽媽年事已高，開始有腦退化了，但有時抑鬱症也會來找她，但好在現在她有時會懂得自己唔開心時就去搵家庭醫生，當然有時都差點的，唯有多一點探望她

私人傳訊

micsin

公爵府

積分: 25196

50^#

發表於 19-12-19 16:26 |只看該作者

明月幾時有發表於 19-12-19 15:46
我地嘅生活作息時間都唔同，而且老公放工番來都好累，我地嘅親密行為，可能係2-3個月一次，而且女兒跟我們 ...

點樣呢

私人傳訊

iamsterdam

男爵府

積分: 9107

51^#

發表於 19-12-19 16:36 |只看該作者

Add oil!!
Lm

私人傳訊

明月幾時有

複式洋房

積分: 454

52^#

發表於 19-12-19 17:09 |只看該作者

我開始覺得自己跟媽媽好相似，我當然沒有她能幹，偉大，但照顧屋企係首要做的事，女兒不在話下，老公由內至外以至返工嘅衣物都係我準備，甚至屋企有咩要整有咩要買我都盡量唔會煩到老公，自己攪掂，一來老公唔會有時間，返到來又話累，唔知拖幾多日至做，我寧願自己快快手做，而且，開始覺得老公咩都唔識做，所以所有野我都由唔識，自學到精，屋企內搬屋報價旅行買機票酒店行程所有所有，老公只是跟着走。而我，這個大內總管，自從生了女兒便沒有再找朋友見面了，生活擔子重了，照顧屋企嘅時間辛苦多於享受，鬧情緒，黑面長存，但笑容漸漸沒有了，埋怨嘅聲音多了。

私人傳訊

formelin

男爵府

積分: 5233

53^#

發表於 19-12-19 17:16 |只看該作者

明月幾時有發表於 19-12-19 17:09
我開始覺得自己跟媽媽好相似，我當然沒有她能幹，偉大，但照顧屋企係首要做的事，女兒不在話下，老公由內至 ...

好似我

我一開口，老公就話係我鬧佢

私人傳訊

Perpersis

大宅

積分: 1839

54^#

發表於 19-12-19 19:27 |只看該作者

回覆明月幾時有的帖子

期待故事下集。

私人傳訊

明月幾時有

複式洋房

積分: 454

55^#

發表於 19-12-19 19:28 |只看該作者

其實我耐不時會睇下佢手機，但不是經常，這一年，我發現到佢在銀網址借了一大筆錢（6位數字），我再細看之下，除了這筆大數，還有一些細數，我腦海一片空白，其實，我在結婚後初期，已經發現佢有條街數，個時我都晴天霹靂，因為我生活圈子中，無人需要咁去借錢，我覺得借錢係壞事，當時佢話我知，呢筆錢係幫奶奶借比一個傷殘嘅親戚，個時佢地有需要，但我唔明點解還嘅係佢，所以，佢原本已經有一條數響身，每月還5位數，都要還5年，但個時無辦法，我只可以相信佢。
而家又見到借一大筆數，我開始懷疑當年其實佢係咪欺騙我，因為我計過條數，佢借埋呢筆，佢每月要還人工嘅2/3。

私人傳訊

Crystal3524

大宅

積分: 2744

56^#

發表於 19-12-19 19:40 |只看該作者

不明來歷的開支？

私人傳訊

明月幾時有

複式洋房

積分: 454

57^#

發表於 19-12-19 19:58 |只看該作者

我覺得唔可以咁落去，於事同佢講，我我發現左，但佢一直唔出聲，佢呢幾年嘅行為亦唔似一個還緊錢嘅人，一樣想買咩就買咩。
到最後，我仍然唔知呢筆錢佢用左去邊，但我話我地係夫妻，有咩事一齊面對，同埋如果佢再還埋呢筆錢，我無咩信心佢還得到，我提議幫佢還左先，而原本已有嘅數應該仲要還3年倒，個度佢會負擔到，最後佢雖然同意，但我知佢自尊心受創，亦講左一句，女人太聰明唔係一件好事。
我話對唔住，我就係咁聰明，嘈左2句，我都話唔緊要啦，3年後還埋個d錢，我地就光明，無事架啦。

私人傳訊

明月幾時有

複式洋房

積分: 454

58^#

發表於 19-12-19 20:13 |只看該作者

我以為我同佢渡過左艱難嘅時刻。

自始我又睇佢手機多左。

有一日，佢約左同事去浮潛，問我用具在那，我一時晦氣，話仲有邊度呀，間屋好大？我無幫佢攞，實情我為左照顧屋企，我根本唔會有自己嘅活動，自己嘅娛樂（其實咁係唔好嘅我知道，但小朋友太細，我真係無辦法），我連自己屋企都比唔到家用，其實我都想有生活，我都想比錢媽媽，我嬲。

於事我地冷戰。

其間，我見佢用whatsapp多左，半夜都同人whatsapp,比我發現，佢原來同一個相識多年但失去聯絡嘅女性朋友在whatsapp,但言談間，好熟悉，就係佢當年會對我說的話，有點曖昧，並透露和太太（即係我）思想上有好大分歧。

私人傳訊

明月幾時有

複式洋房

積分: 454

59^#

發表於 19-12-19 20:35 |只看該作者

佢有經常提及約見呢個女仔，仲話自己喜歡下廚，可以試佢手勢，過左多個晚上，我從未想過會發生嘅事竟然會發生，我十分傷心，亦唔知點做，但呢件事令我醒覺，這些年來，我的確忽略了老公感受，我把整個人生都放在女兒身上，我犧牲了老公，亦放棄左自己嘅人生，在家亦無一個一家之主嘅角色俾佢，咩都我話事，佢響屋企搵唔到溫暖。

我以為大家為了小朋友，都會體諒一切，但原來，佢唔係咁諗。

之後，我開始訓練未夠4歲女兒去隔離房睡覺，希望多番一點親密活動，希望主動關心佢多一點，唔再做黑面神，笑多點，雖然我地關係好像好了一點，但佢始終未停過同個女仔whatsapp。

私人傳訊

明月幾時有

複式洋房

積分: 454

60^#

發表於 19-12-19 20:40 |只看該作者

終於有一日我忍唔住同佢講我知道呢個女仔嘅存在，我問佢係咪鍾意呢個女仔係咪想追佢，佢話俾我知唔係，呢個女仔只係一個舊朋友，我同佢講我知道呢幾年我忽略咗佢，我將整個人生都放喺女兒身上，冇理到佢感受，我都有唔啱嘅地方令到佢覺得屋企冇溫暖，我問佢係咪以後仲想同我一齊變老，佢話係，我話不如我哋重新開始，我會再學習點樣同你相處，我哋重新關心對方。

之後嘅半年，我哋嘅關係真係改善不少，至少佢會主動打電話俾我，亦再次搵我食午餐，我哋嘅溝通多番，呢半年過得好開心。人始終係雙向，如果只有不停單方面嘅付出，邊一方面都會累。呢一年我少咗睇佢電話。