夫婦情感 今日: 2 | 主題: 42737

積分: 2225

41^#

發表於 20-6-30 07:48 |只看該作者

858D 發表於 20-6-30 06:41
妳一點也不差，那女仔也未必比妳好。只是現在妳面對著你兩現時這些錯配的跡象。不過像他如此處理被妻子發 ...

好多謝你呀，每次你都好用心覆每一個jm,分享自己嘅經歷。其實係好值得向你學習。多謝你鼓勵我，其實我自己知自己事，由陀緊bb佢笑我刷得，到生完我餵奶食好多嘢，得閒又講下得閒又講下，有話過我肥左，有問我有無百三磅，又話我膚色黑左，係講笑嘅不過我自信已經無了。然後再諗起佢關心呢個女仔，同佢傾心事，淨係加佢一個fb，然後我諗我嘅動向佢已經唔想再理。同埋對我已經有太多隱瞞。其實自己已經知同呢個女仔無得比了。佢鍾意人我會唔怪佢。佢擺脫到我其實我都祝福佢搵到快樂搵到一個可傾心事嘅人。
黎到呢刻，發現原來乜都唔再重要了。人變左就變左。放過佢等於放過自己。

私人傳訊

積分: 2225

42^#

發表於 20-6-30 08:00 |只看該作者

858D 發表於 20-6-30 07:14
係，我都有咁同自己講：一D追你時有幾浪漫，有幾癡情，其實佢追其他女仔都係如此浪漫，情痴。不要誤以為他 ...

說的絕對無錯。所以我已經無再怪佢。每件事都有因果。佢對人有意思佢一定有佢好嘅一面，我亦有好多不足先會搞到今日咁。
其實心真的死了，尋日所發生嘅種種，加上佢生命中有太多人同我分享。所以我自己都決定放棄了。
諗起佢跑走一刻，回想返係好心痛，兩公婆最後咁樣收場，望住佢跑好似好開心走甩到擺脫到我一樣。其實我真係突然覺得自己要放生佢。雖然仲會諗佢之前講嘅大話，又諗返佢早排日日聽啲做兵嘅歌，而家諗返，或者佢表達緊自己而家追緊人想做人嘅兵。太多想像空間了。不過為左個仔我會堅強，之後努力返工，等到佢一歲，就可搞離婚了。今次佢講先，我決定承傳大家。

私人傳訊

chupachups15

男爵府

積分: 8345

43^#

發表於 20-6-30 08:37 |只看該作者

一嚿大番薯發表於 20-6-30 08:00
說的絕對無錯。所以我已經無再怪佢。每件事都有因果。佢對人有意思佢一定有佢好嘅一面，我亦有好多不足先 ...

睇到我好傷感，你好叻好勇敢好灑脫！我是單親媽媽，堅信為母則強，我肯定你一定可以捱得過這關，努力啊

私人傳訊

858D

積分: 37946

44^#

發表於 20-6-30 08:37 |只看該作者

一嚿大番薯發表於 20-6-30 08:00
說的絕對無錯。所以我已經無再怪佢。每件事都有因果。佢對人有意思佢一定有佢好嘅一面，我亦有好多不足先 ...

見到你現時好勇敢地面對呢個男人嘅不足之處，給你打氣，繼續保持這種鬥志！「一天的難處，一天當就夠了，明天自有明天的憂慮。」晚上睡不著覺時要注意自己的思想，不要想那些用思想改變不到的人和事，白耗自己精神，徒勞無功。記得要把覺睡好，第日才有精神好好面對現實生活中的難處。

Love is when the other person’s happiness is more important than your own ~ H. Jackson Brown

私人傳訊

積分: 2225

45^#

發表於 20-6-30 10:15 |只看該作者

chupachups15 發表於 20-6-30 08:37
睇到我好傷感，你好叻好勇敢好灑脫！我是單親媽媽，堅信為母則強，我肯定你一定可以捱得過這關，努力啊
...

多謝你，其實心真係好痛好痛，望住對瘀晒嘅手又痛，對眼又喊到好痛，因為瞓得差所以頭又好痛，然後無胃口食嘢所以個胃又好痛，然後諗起佢對個女仔好關心又主動約人，又諗下佢粗口鬧我，又記起佢望住我好憎我嘅眼神同佢跑走嘅背景，其實我都唔可以再唔灑脫了。我其實仲要溫書考試，又要湊個十個月大嘅仔，份工又人工低，其實我都好多嘢要面對。我都要慢慢跨過佢。呢刻我只知道只有堅強先會幫到件事，湊到個仔。靜落黎後，發覺放過佢同時其實都係放過緊自己。大家都辛苦了。佢搵到個可傾心事嘅女人，其實係好事黎，佢對住我都唔會講都辛苦佢了。我其實好難釋懷但我會衷心祝福

私人傳訊

積分: 2225

46^#

發表於 20-6-30 10:23 |只看該作者

858D 發表於 20-6-30 08:37
見到你現時好勇敢地面對呢個男人嘅不足之處，給你打氣，繼續保持這種鬥志！「一天的難處，一天當就夠了，明 ...

好多謝你正面嘅鼓勵，我被迫堅強，發覺做左媽媽後的確會係為母則強。其實我餵緊人奶，心情差嚴重影響左我奶量。但每當我一喊，我個仔望實我然後摸我塊面，又會拍拍我，我就覺得好甜，又會堅強返。我知道條路會更加難行，當初選擇佢時知道佢嘅背景，我都勇往直前。有苦有樂，今日，佢叫離婚無論佢衝動又好，認真都好，我唔怪佢，我自己都放過自己所以我會agree離婚。我知道條路更難行。
That's life.... always tough but it's ok!
我會慢慢冷靜好自己，然後重新出發。我相信我都可以打理得自己同個仔好好。我會加油，好多謝你一直聽我講。無想到我都會有呢日喺bk講自己感受

私人傳訊

積分: 2225

47^#

發表於 20-6-30 10:54 |只看該作者

chupachups15 發表於 20-6-30 08:37
睇到我好傷感，你好叻好勇敢好灑脫！我是單親媽媽，堅信為母則強，我肯定你一定可以捱得過這關，努力啊
...

同埋大家拉扯途中，佢講左好多次 “係我自己攞黎嘅“ “我抵死“ 意思係佢覺得揀左我係佢攞黎。其實聽到每一隻字每一個粗口，個心都痛一次。之前問佢有無嘢對我不滿，佢話無，然後佢同個女仔講我嘅不是。之前叫佢唔好用粗口話鬧我，但次次都係咁，我以前都有用粗口但之後已經無再講，佢就次次都用粗口，好大聲講你老母，講左兩三次，每一隻字我都記得。我想搶佢電話睇有拉扯我有唔啱，我明知佢對人有嘢所以我好想知，我冷靜話我睇完就唔再糾纏，佢點都唔俾我睇，或者佢有好多秘密或者佢覺得當還返俾我。每次鬧交佢都講以前我又點，其實行到呢一步，除左放生佢我仲可以點？

私人傳訊

積分: 2225

48^#

發表於 20-6-30 11:03 |只看該作者

一嚿大番薯發表於 20-6-30 10:54
同埋大家拉扯途中，佢講左好多次 “係我自己攞黎嘅“ “我抵死“ 意思係佢覺得揀左我係佢攞黎。其實聽到每 ...

佢喺屋企大家如同陌路人，其實更難受，所以我都想挽回返自己嘅一啲尊嚴。或者一切都夠了，命中注定佢出現過，又飄走過，大家曾經快樂過就好，再糾纏就難睇了。我個仔雖然細，但我會俾更多愛佢，總好過我日日以淚洗面影響心情。我留返自己正常啲嘅一面俾佢做回憶應該比較好。之前鬧交我常提離婚，佢話過我之後我再無提過，然後到佢後期鬧親都叫離婚。然後又會話係我嗰下迫到佢講離婚。其實都唔緊要了，邊個迫邊個又點，今次係佢講兩次要離婚，最後我做衰人今次當我提出其實都已經無所謂，唔想再糾纏誰對誰錯。我只係唔知喺我搞清楚手續前應該再點面對佢好...

私人傳訊

858D

積分: 37946

49^#

發表於 20-6-30 11:38 |只看該作者

本帖最後由 858D 於 20-6-30 11:46 編輯

一嚿大番薯發表於 20-6-30 07:48
好多謝你呀，每次你都好用心覆每一個jm,分享自己嘅經歷。其實係好值得向你學習。多謝你鼓勵我，其實我自己 ...

不要被這男人對兩性吸引方面的無知打倒你的自信。
各花入各眼；各聲入各耳；各味入各鼻；這是自然人性現象。一個人無論在何階段，景況，狀態，都有他／她吸引人之處。
亦無需繼續拿自己同呢各男人之所好作比較。因為每個人的擇偶條件都不一樣。這男人的擇偶條件注定他難以成功地經營長久的健康夫妻關係。因為他定睛在那些隨著歲月會改變的條件上，例如體重，膚色，等等。
下次遇上有人對你心怡，妳有這經驗可用來分辨出對方鍾意妳的地方是否那些會改變的條件。
我是如此審核篩選對我心怡的人：
我曾經對一位他說：「我有雀斑」。他說：「在我國文化中，我們叫這美人斑。」
我曾經對我先生說：「我開始長白頭髮，但是我不會染頭髮的。」他說：「我喜歡白鹽和胡椒混合色的頭髮。」
我如此講目的不是曬命我遇上的男人，只是想畀個正面例子來表達，女人想搵個長期都感情好嘅生活伴侶，就要學懂如何篩選人。

Love is when the other person’s happiness is more important than your own ~ H. Jackson Brown

私人傳訊

858D

積分: 37946

50^#

發表於 20-6-30 11:53 |只看該作者

一嚿大番薯發表於 20-6-30 10:54
同埋大家拉扯途中，佢講左好多次 “係我自己攞黎嘅“ “我抵死“ 意思係佢覺得揀左我係佢攞黎。其實聽到每 ...

見到妳在這段關係中在經營夫妻關係方面成長了，例如，不說粗言，不提離婚。但他依然原地踏步。妳在愛人方面也磨練得去到更高的層次。相信下次妳會揀個懂與自己一齊經營健康夫妻關係的人選。
衰嘅唔走，好嘅唔會來。放生佢是對妳自己好的事。

Love is when the other person’s happiness is more important than your own ~ H. Jackson Brown

私人傳訊

858D

積分: 37946

51^#

發表於 20-6-30 12:08 |只看該作者

本帖最後由 858D 於 20-6-30 12:09 編輯

一嚿大番薯發表於 20-6-30 11:03
佢喺屋企大家如同陌路人，其實更難受，所以我都想挽回返自己嘅一啲尊嚴。或者一切都夠了，命中注定佢出現 ...

「唔知搞清楚手續前應該再點面對佢好？」
依我看，以靜制動。無論佢如何對妳，妳都要擺出一副不著緊，不重要的回應。妳需要解決的生活上的事，妳照告訴他，若他不為妳解決，妳不去纏他來解決。不需有任何怒氣，保持客氣待他便是。
我評估他現在應該會全副精神心機放在追那女仔的事工上。如果追到手，佢唔會主動翻轉頭氹翻妳一齊。如果追不到手，佢就會好聲好氣翻來氹翻妳一齊。
人地個女仔一日唔接佢過去，佢一日都會翻來妳樹瞓。就當佢係同屋住。同屋住都講求好相處。所以妳可以籍此機會磨練下自己做個好相處的同屋住。因為還有許多家頭細務，火食事宜要同佢一齊合作搞掂嘛。就當他係一個生意上的合作夥伴來對他吧。

Love is when the other person’s happiness is more important than your own ~ H. Jackson Brown

私人傳訊

858D

積分: 37946

52^#

發表於 20-6-30 12:39 |只看該作者

一嚿大番薯發表於 20-6-30 10:23
好多謝你正面嘅鼓勵，我被迫堅強，發覺做左媽媽後的確會係為母則強。其實我餵緊人奶，心情差嚴重影響左我 ...

「無想到我都會有呢日0係BK講自己感受」
妳真的堅強了，在這景況還可以暫且抽離自己從高處看這燒到埋己身的事。
說到妳還在母乳餵哺兒子，同時經歷著令你淚流滿臉的人事。巧合，我也曾經歷這種情緒與產奶有相衝的人事。當時我母乳餵哺我第二個女兒，前夫軟弱受不起工作上人事壓力，退縮地推讚我重出江湖搵錢養家。我邊滿臉淚水，邊懷抱女兒喂她人奶，只見她那被我淚水滴濕了的臉，馬上為她抹乾，怕淚水走進她的耳朵，這頭抹，那頭有給我滴濕了。前夫不知他是看不到還是自知無能安撫我而選擇走咗出房門，只剩我和女兒相擁抱。女兒停了停吸奶，後繼續。我心還在懷疑自己的奶味究竟是甜還是苦呢？
這就是我們女人的辛酸！看，我的已成過去。妳現在的辛酸也有一天會成為過去的！而且那日當妳提起這往事時已經不再感到痛了，因為妳已經不再受這過去負面地影響妳的生活，妳已經在這人生一戰中得勝了。

Love is when the other person’s happiness is more important than your own ~ H. Jackson Brown

私人傳訊

積分: 2225

53^#

發表於 20-6-30 14:24 |只看該作者

858D 發表於 20-6-30 11:38
不要被這男人對兩性吸引方面的無知打倒你的自信。
各花入各眼；各聲入各耳；各味入各鼻；這是自然人性現 ...

每次睇你嘅回覆，都學到好多嘢，好多得著同好正面。你講得好啱，我唔應該再將自己同佢鍾意嘅女仔比較，都唔需要再睇底自己。我都有我嘅優點，每個人都有佢特別之處。我應該都放大自己嘅優點，同發掘更多優點，成為一個更好的人，令自己變得更勇敢強大。

愛一個，上一課，我的確更清楚自己想要嘅嘢。目前我唔會刻意諗再識下一個，一切隨緣。希望將來我仍然可以遇到一個愛我同我仔嘅一個人。

私人傳訊

積分: 2225

54^#

發表於 20-6-30 14:33 |只看該作者

858D 發表於 20-6-30 11:53
見到妳在這段關係中在經營夫妻關係方面成長了，例如，不說粗言，不提離婚。但他依然原地踏步。妳在愛人方面 ...

多謝你睇到我進步嘅一面。其實我自問控制自己脾氣真的好左好多，EQ高左，無用粗口話佢，無郁手打佢，無大聲呼喝，無再輕易講離婚了。或者咁講，我自己單方面覺得而已，喺佢角度，佢仍然帶住前設去睇我，亦無欣賞過我為佢改變嘅脾氣，近來亦成日摷返我以前點。以前嘅我都會咁，話你以前乜乜乜，而家好似所有嘢都掉轉了一樣，佢講我以前又點點點，佢當還返俾我。唔緊要，一切都係因果報應黎。我以前的確係咁，所以今日佢對我做同樣嘅事還返俾我。只係我諗，今日，我應該已經還清了。

冷靜落黎，我無嬲無憎恨。因果循環。我自己承受返某部份。

私人傳訊

積分: 2225

55^#

發表於 20-6-30 14:44 |只看該作者

858D 發表於 20-6-30 12:08
「唔知搞清楚手續前應該再點面對佢好？」
依我看，以靜制動。無論佢如何對妳，妳都要擺出一副不著緊，不重 ...

係，其實我自己都冷靜了不少，我諗當我搞清楚自己諗法，去向後，會同佢講。可能emai吧。我唔打算追擊佢了，我已經夠醜，都要留返些小尊嚴俾自己。都怕再同佢正面溝通。怕自己又講多錯多。

冷靜其間，的確好痛苦。以前每次鬧交佢鍾意冷戰，每次我都同佢講我唔想咁。但今次我竟然可以平靜，無再因為佢一啲舉動而令自己唔開心。例如佢半夜先返，其實有諗過佢會唔會返黎食飯呢，但原來最後佢半夜先返。又例如佢唱歌，以前覺得佢一唱歌感覺好似好輕挑咁唔識形容。今次，唔知係咪有啲感覺覺得真係要分開，所以我都好平靜面對。只係怕日後仲有啲日子要同佢同一屋簷下，驚面阻阻。

私人傳訊

積分: 2225

56^#

發表於 20-6-30 14:52 |只看該作者

858D 發表於 20-6-30 12:39
「無想到我都會有呢日0係BK講自己感受」
妳真的堅強了，在這景況還可以暫且抽離自己從高處看這燒到埋己身的 ...

本帖最後由一嚿大番薯於 20-6-30 15:25 編輯

的確係我心聲，我都有一刻望住食緊奶嘅仔仔，咁啱同佢對望，心想，佢係咪覺得啲奶苦呢所以啤住我lol, 有聽過媽媽情緒差會影響奶嘅質素同味道。所以我又即刻㩒住自己，唔好再喊落去了。重新收拾心情再努力食返啲上奶食物，想繼續餵佢。

呢段時間，我好辛苦，咁啱要溫書應付考試，呢個時候我唔可以無左份工。fail左會被炒所以我又要迫自己集中，但其實真係好難集中。另一方面又怕自己情緒影響奶量，又覺得自己成日心不在焉好似無乜陪個仔而內疚。然後有時又會不由自主諗佢係咪搵緊個女仔，同人地傾緊心事而傷心。心情百感交集，百般滋味。

不過我慶幸自己今次，比我想像中堅強。

私人傳訊

積分: 2225

57^#

發表於 20-6-30 15:09 |只看該作者

一嚿大番薯發表於 20-6-30 14:52
本帖最後由一嚿大番薯於 20-6-30 15:00 編輯

的確係我心聲，我都有一刻望住食緊奶嘅仔仔，咁啱同佢對 ...

突然諗起之後嘅日子，好想讀書進修自己。或搵多份part time做下。之前太大安指意了。做廢人做左咁耐，慶幸自己從來無想過當全職媽媽。

好感恩有朋友，呢到有你地傾下計，令我心平靜左好多，同勇敢左好多。呢刻我無咩再驚了。呢個世界無話無左邊個會死。突然諗起我“先生“對我講過好幾次嘅“我生命中唔係淨係得你“。呢句說話曾經好傷我心，但今日睇返又的確啱，佢生命中的確有好多人，佢個女，呢個女仔，朋友同事波友父母。
我曾經嘅心裡面，都係只得佢同個仔，但我太傻了。當人地不只得你時，點解我心會只得佢。我都要為自己生命帶多啲色彩。
突然扮正面lol, 真心希望我可以。

私人傳訊

858D