shirleywdor 寫道:
大家好, 我個阿b係12月6日出世, 但就係今日18日先settle down....
我係開刀生的, 生完之後要住醫院七日, 第二日我個傷口好痛, 但又要招呼親友們, 已經好辛苦, 但最唔開心的係我自己阿媽話唔得閒, 唔會黎醫院, 其實佢一路都唔like我老公, 我陀左阿b成8個幾月, 佢一個電話都冇問過我點, 我奶奶要返工, 我係醫院七日, 日日都係叫醫院餐, 早餐/午餐食三文治, 晚餐我老公會趕出黎同我一齊食(都係叫醫院餐)... 第三日晚上, 我忍受唔住喊左出黎, 又想返屋企....
終於等到第七日出院, 但返到屋企, 又唔識湊bb, 好驚阿b食唔飽, 又驚佢喊... 又完全唔知坐月有咩要避諱.... 我又冇時間煮飯, 早餐/午餐同一時間食飯盒, 晚餐老公返黎煮飯(西餐).... 出院後第二晚, 阿b成晚喊, 我抱住佢成晚, 唔敢訓, 成晚係都喊, 覺得好冇用
我終於第二日一早, 打去陪月公司, 請陪月, 要成15000一個月, 阿姐24小時係屋企, 我3 日訓得9個小時都冇, 生完仔都冇補過, 十日瘦25磅.... 現在個陪月黎左三日, 都0k, 係手腳慢些, 晚上阿b跟佢訓, 日頭我自己餵阿b, 佢日頭煮三餐都已經冇時間餵阿b. 我志在有人煮下飯, 煲湯水我飲,我想餵人奶但可能之前冇食到有營養的食物, 冇奶出, 到今日我想泵出黎比阿仔食都冇... 可能已經回奶... 下次生bb我一定會一早請定個好些的陪月. :-|
發表於 
)
返回列表
