stagea 發表於 21-8-27 08:23 
支持，好多屋苑都有呢啲回收，真係好好
我都支持.
講下我自己: 一向我都好懶,莫講每日用一個垃圾袋, 有時一日用兩個大size. 自從我大廈早兩年參加咗(唔知係未政府攪定議員攪)膠袋試驗計劃, 我就開始學廢物分類, 做乾淨回收. 結果, 整幢大廈(舊樓)的垃圾數量大幅下降, 因為街坊都識得將可回收的物料另置回收箱. 當時已經知道, 有可能需要買垃圾袋. 試驗計劃完咗, 冇聽到政府有咩進一步決定, 但我就繼續做好廢物分類同乾淨回收.
我見街上的回收箱,回收點已經多咗好多, 梗有一個在附近. 近年有埋綠在區區, 我就不定時, 將可回收的廢物例如牛奶盒呢類,拎去回收.
而家, 我有時兩, 三日先掉一次垃圾(不必擔心怕惹蟲蟻, 我好乾淨的). 垃圾袋徵費我認為仲有一個作用, 就係若干時間後, 可以有數據統計, 徵費後的垃圾購買量同棄置量的差別. 議員在詢問局長, 三無大廈, 村屋, 如何派發垃圾袋, 呢D係地區議員的職責, 可以在議員辦事處給市民領取. 香港三無大廈多, 還是公屋私樓多? 有人說4電1腦, 大型傢俱都周街掉, 這個是"人"的問題, 一個家庭, 唔會每日掉一種呢D垃圾出街, 政府係想增加廢物回收可供循環再做, 同時減低堆填區的垃圾量. 只要走一轉街市, 就知道, 買一日餸, 會產生幾多個膠袋: 最低消費, 菜一個, 魚一個, 肉一個...
我相信, 每人認真做好源頭減廢, 絕對唔駛一日用一個垃圾袋(我講緊一般家庭, 食肆不在討論之列). 有時人好得意, 唔會睇自己做唔做到, 反而關心他人做唔做到. 就好似最初膠袋徵費收5毫, 鬧到拆天, 到現在, 大多人都自覺自備購物袋.
多謝收看
從天空到大地, 心臟在持續著令人眩暈的擺動, 那是初戀
發表於 
返回列表
