我小朋友P.2都有你呢個問題。佢可以睇比較深既英文書。如Harry Potter , The land of stories 等等，中文小一時好弱（係文盲），默書95-100分無問題。但一做閱讀理解，特別係要從文章搵詞語填句子，多數都搵唔到，當然叫佢睇中文書都唔肯啦。又係話難、唔識……
於是，我從漫畫入手（目標要佢識字，因為佢識字量太少。無可能睇到多字的書）從漫畫入手，起碼佢肯睇先，所以好多科普漫畫、偵探漫畫，我都買，另外，每晚抽15-20分鐘講一段章節書，我講大部分，但要佢揀其一個角色佢負責講。小一下學期，佢開始自己做到閱讀理解，而家小二。睇多咗中文，雖然章節書都仲要我陪睇。但都係好開始。
Harry Potter 又唔算好多深既字，有啲字佢唔會識，但當成句睇再加上文下理佢可以估到。我見佢都睇得明又講得返出大約意思，我就無理佢，俾佢自己睇。 我唔會要佢唔識既字查字典，除非佢開口問點解。我識既會答佢，有啲字連我都唔識。而佢問我，我就陪佢一齊查。
但我見佢好多時都懶得查，我都唔主張佢一邊睇一邊查字典，咁樣睇書會好無趣味，有啲生字重覆出現。佢睇多幾次就會明白個生字點解，我見佢睇英文書都累積咗好多生字，有啲佢知我都唔識，所以我會俾佢自由發揮。
發表於 
返回列表
