honeybibibibi 發表於 22-5-22 22:00 
我囡囡都係學中國舞
學中國舞都有好多個階段，我女初初5歲半學，同唱遊冇咩分別，記得晒D舞步冇出錯已經好好，上到台好多學生發台瘟架，跳跳下撥頭髮又有，甩鞋又有，我女試過個手鼓甩咗個頭，追住執番。再大D就升班，跳D複雜少少難少少，到咁上下，佢覺得悶啦，因為動作舞步對佢嚟講太容易冇難度，於是又係時候升班。
每次升班都係一個過渡期，初初升係難嘅，慢慢適應就會好，我女個歌舞團有三班：初班6至10歲，中班11到14歲，高班14到18歲，每班又再因程度分上下兩班。上年就開埋媽咪班，反正我同三個家長都成日留低睇住D女上堂，我地索性都玩埋一份，而家剛剛學完一隻扇舞，跟住會學蒙古舞，我都學咗一輪至學到小五花，係我女教我，唔知我會唔會做到一字馬，應該比較難。
鼓勵下個女，學咩都係要循序漸進，我女學舞到而家，同期同班嘅都走晒，剩番佢同另一個遲少少入團嘅女仔，佢地兩個話相依為命，共同進退，而家兩個都好鍾意跳舞，佢地感情好到老師之前要分開佢地跳唔同嘅舞。
花旗太太生活在花旗國，留意時差，你問我未必即時答到。
發表於 
你地學咩舞丫？
返回列表
