其實呢兩年經歷疫情，又網課又停課，小朋友都有好多情緒問題，佢地同大人一樣會焦慮會失控，而且就到青春期，好多嘢已經唔會再容易認同父母嘅想法。如果自小親子關係良好都容易D，否則更加反叛。
我兩個仔女足足一年多網課，個女由唔打機到同哥哥一樣沉迷，試過兩兄妹瞞住我地去買遊戲咭，話出街去散步，其實去食嘢，於是正餐就食唔落飯，到夜晚就瞓又肚餓偷偷去攞嘢食。後來有次我發現有買遊戲咭嘅發票，同老公兩個審咗一大輪，省完一餐後再好幾次分別坐低同佢地講，分析點解我地唔認同佢地嘅做法，佢兩兄妹後來都贊成我地嘅觀點，亦檢討佢地做錯嘅地方。
要有自由度，必須要完成要盡嘅義務，唔可以俾仔女覺得所有嘢都係必然，我同老公甚至話，我地嘅財產將來唔一定要留俾佢地，想佢地有能力照顧到自己，學習自立，唔好因為有資產就以為生活無憂，有錢都要識用識管理。
其實教仔女都係邊教邊學，A方法唔得就轉B，B唔得就試下C，總有可以接受到聽得入耳嘅道理。去到青春期反叛期，鬧一定唔得，鬧完要講道理，同時互相尊重都好緊要，父母要仔女聽自己講，同時都要俾機會仔女講佢地嘅想法，尊重佢地嘅選擇。
講話減少打機時間好容易，但點令佢地心甘情願減少先係最重要。
花旗太太生活在花旗國，留意時差，你問我未必即時答到。
發表於 
返回列表
