mmmnnn 發表於 22-11-29 12:24
求教大家: 啊女大學四年級,幾年前考到港前四大排名大學,但 不是她心儀的前三大排名,同埋又不是她心儀的 ...
你睇下有無機會同個女傾下偈, 話發現佢呢排好似情緒有少少問題, 覺得唔係好妥, 問佢有無需要去睇精神科醫生或臨床心理學家, 有既就陪佢去
首要既佢一定要去睇精神科醫生食藥處理問題先, 之後你搵定臨床心理學家, 等你女情緒穩定左就陪佢去, 因為好多問題, 精神科醫生都係處方藥物, 除非係私家精神科醫生, 否則政府既係唔會去調解患者心理上面既野
見臨床心理學家時, 佢地會慢慢去解開患者心裡面既野, 當中過程都幾辛苦, 去到某 d 位真係會傾到喊, 但呢個過程一定要捱過, 捱過之後會慢慢放鬆返
當年我食左 9 個月藥, 去到某個位時我同政府精神科醫生講我想見臨床心理學家, 醫生好好, 即時寫紙安排, 亦都好快見到臨床心理學家
食藥食到 8 個月覆診時, 我主動同醫生講出臨床心理學家要求我停藥, 專注接受心理治療, 最終食左 9 個月藥停左
見臨床心理學家我都用左兩年時間, 真心講, 我好感謝佢幫我解開心結, 否則今日我都打唔到呢段野俾你睇
任何人士未經本人同意不得轉載本人所發表之文章到任何媒體 (包括報章、雜誌及網站)
各位~~~我唔會介紹補習社或興趣班, 唔使 PM 問我呀, 我係唔會覆架~~~