一個人我會煎隻蛋先，再落滾水，睇下屋企有咩材料可以加，菜、肉/蝦等，冇就煎或淥幾隻餃子，加埋乾麵去煮，食得幾多煮幾多，之後只要洗一個煲一隻碗一對筷子。
一煲飯都好易，洗米落水，之後到咁上下放料上面蓋上蓋煮到熟就食得。我會用蕃茄、海鮮/雞肉，有瓜菜可以最後加上面，或者加D菇菌。
西餐一樣簡單：奶油汁意粉，蒜蓉洋蔥絲爆一爆，之後加牛油，落麵粉炒麵撈，加牛奶，冇的話加水都可以，唔怕肥就落D芝士，意粉先水煮到七八成熟，撈起，個奶油汁煮到咁上下就放意粉落去撈勻煮多一煮，屋企有咩材料都可以加，素食就加青紅椒、菠菜，普遍海鮮如蝦、帶子、蜆加落去都夾味，加雞肉都好食。食果陣灑D芝士粉上面，意粉改用其他粉如螺絲粉、通心粉、長通粉、扁麵、寬條麵、天使麵都得。
花旗太太生活在花旗國，留意時差，你問我未必即時答到。
發表於 
返回列表
