過咗去嘅冇得返轉頭，而家可以做嘅就係陪個仔好D，樓主都識講，小朋友要父母陪伴嘅日子唔係好長，一般去到上中學就會慢慢有距離，仔女大咗就自然有自己世界，父母嘅參與漸漸唔係最重要。親子關係由細開始培養，得的話，唔好俾仔女寄養喺祖父母家，一星期先見一兩次實在係唔足夠。
我以前曾經兩次想做FTM，同老公吵過兩次，就係大仔出世同細女出世兩次我就放完產假前，我好想自己湊到佢地返學，老公唔贊成，一來影響收入，二來老公話我份工好地地，放棄咗可惜。好彩我媽咪肯幫手，每朝一早送個仔去佢屋企，放工後接返佢，到個女出世後，大仔去托兒所，細女我媽咪湊，當時真係好忙，冇咩自己時間，幸運係份工唔多需要OT，一年都係四次開季會同一次出差兩日，共事咁多個上司都好易批假期，小學時我每個月都放一兩日假去學校幫手，捱下捱下，而家一對仔女都就快升大學，親子關係好好，特別係個女，而家仲係好痴我。
其實，WM都可以平衡事業同家庭，仔女細果陣當然要搵份自由度大少少，寧願升職機會差D換工作時間穩定，到仔女大咗就可以放多D時間落工作上面。
花旗太太生活在花旗國，留意時差，你問我未必即時答到。
發表於 
返回列表
