雖然每日重覆又重覆過，但你每日都唔同架喎，人生閱歷多咗，面對相同事或人，處理/面對方法都會唔一樣。
我今日同個女傾開計講跳舞，我話自己自豪架，因為我比一年前跳得好，每個星期上堂雖然係重覆學相同嘅基本功，但我有落心機去練，尋日練習時拍咗片，我睇番D片，真心覺得自己跳得好咗，雖然離老師果種差好遠，但對自己總算有交代，更加冇理由唔努力學得更好。
每個年紀/階段都要培養興趣，借此陶冶性情，或者鍛鍊身體，至少可以有一定時間俾自己專注努力一D同工作無關嘅嘢，至於你話遺憾同無奈。。有嘅，當然有，但遺憾已經係不能改變嘅事實，只能向前看向前走，原地踏步或者不斷回頭看都冇用，無奈。。嗯，我覺得要學會接受世事不能盡如人意，總有意難平嘅時候，最終人都係要生活，要向未來走，即使你唔想走，時間都係會過，與其咩都唔做，不如想下有咩可以令自己開心嘅事或人，活在當下，珍惜眼前人。
花旗太太生活在花旗國，留意時差，你問我未必即時答到。
發表於 
返回列表
