give_thanks 發表於 24-2-15 15:38 
請問在那裡學中國舞？係咪要不停拉筋？
我唔係住香港，我知香港都有成人中國舞班，如果未揾到，可以考慮上youtube, 微信，小紅書，FB搜尋下中國舞基本功，有好多視頻可以跟住學，當然有唔少係現代中國舞，同埋唔同嘅民俗舞亦有不同嘅身段手勢脚步特別，但學多d有幫助。
我個老師都係業餘，佢本身12歲學跳中國舞，好有天份，跳得好好，後來結婚生仔冇跳好多年，但佢本身好鍾意跳舞，自己睇人或跟片都學到。團長揾佢返嚟跳，叫佢教我地，最初佢都唔識教，只識跳，呢兩年來，佢學教，我地學跳，大家一齊進步，而家有教埋少年班。我跟佢學咗一隻蒙古舞，一隻西藏舞，兩隻古典中國舞，最最有幫助就係錄低練習同表演嘅片，翻睇再翻睇，對比老師同其他同學嘅動作，好容易就睇到自己邊度做錯，做得唔好嘅地方。
拉筋做得到的話絕對建議做，唔駛逼自己一下做到，我學咗兩年都係麻麻地，但人到中年，就算唔跳舞，拉筋絕對有益，我老師今年60歲，佢仲做到一字馬，同學就由40到70不等，肯練習一定冇問題。
花旗太太生活在花旗國，留意時差，你問我未必即時答到。
發表於 
，我可以做到d咩呢？
返回列表
