分享下、3 個小孩之中、大仔自少讀書都唔叻、即係腦唔係轉得快、記性麻麻、內向、最後努力吓至上到Band2頭中學。間中學其實都幾好、校風好、課程有自己出嘅workbooks、仔返學都幾開心、不過就係成日要做project做功課、每星期唔係測驗就係考試、我唔想見住佢只係做讀書考試嘅機器、希望佢可以外向一點、將來可以搵到食、我就送佢去外國合適嘅學校讀、俾佢接觸更多不同種類嘅課外活動之餘、認識不同國家嘅人、學校課程廣闊、GCSE 有唔同嘅科唔係只係文或理或商、可以揀有興趣的科如hospitality, business studies mix來讀（除非已決定將來想讀某些專業的科，如醫科等等）、課外活動有D of E會去野外求生、PE科又會去球隊嗰度參觀、體驗等等。呢啲就係我為佢準備嘅理想教育、唔係要佢上top tier大學、但至少起碼係呢個中學生涯當中、佢係真係享受過學習、體驗過不同的的事。
跟住而家到2女、自小聰明、記性好、學嘢快、細細個已經考到名幼名小。讀完小學我都打算送去出國、我搵到一間學校係有自己馬場的、佢係好喜歡騎馬，而嗰間學校亦係老牌學校、我相信佢係可以喺各方面栽培到我個女、咁我係有能力之下、都會想送佢過去接受優質教育。
暑假時去溫哥華，親戚住某多亞洲人住嘅區，大型超市 （好似 Costco）有補充練習賣。然後去 library，小朋友撞到同學仔，一個內地媽 chur 緊中文，另一個韓媽 chur 緊數。根本好多亞洲家長去到邊都一樣，到學校好得閒結果咪又係暗間 chur。分别只在學校齊齊 chur 定各自返屋企自 chur
我覺得根本唔係學習，係雞蛋裡挑骨頭
發表於 
返回列表
