本帖最後由 my005 於 24-12-3 14:16 編輯
poodlema 發表於 24-12-3 09:54 
阿仔好想做科研, 而家初中逢星期六去咗科大上堂, 我只係怕香港無接軌, 真心期待聽你分享科研之路。
其實都唔係咩科研之路，只係我中同因緣際遇，去左做科研。
佢，會考成績唔係幾好既，之後去左工業學院讀，讀咩呢，應該係關於電子野，其實我都唔係咁清楚，因為我無真正問。總之， 之後佢介紹自己，係工程師。
大家一直無聯絡，直到200X年，應該係沙士後架喇，我打電話揾佢，試探佢既近況，想佢同我老友再續前緣。
大家見面，佢就講原來佢入左一間初創公司，响政府資助下，响九龍塘租左一間寫字樓，佢同老細因科研工作而關係極好，
同相關既員工情同手足，大家既目標一致，去美國、日本、台灣、內地，既揾投資，亦揾技術既提升。
佢話佢老細年紀過60架喇，做科研早已投入左大量既資金，佢同班伙伴，好想响老細退休前成就呢件產品。
佢緩緩從恤衫既口袋中取出一件約3吋幾4吋X約5吋，幾分厚既液晶體顯示屏，自豪咁講，呢件係佢公司既產品既初型，
若揾到投資者肯出資金，將會投入生產。咁佢老細就可以真正安心退休喇，而佢地亦會有所成就喇。
之後再見面，佢同我地講，約見到某啲大富豪既公司，希望佢地肯投資落佢地度，最意料之外既係，城中某富豪，X叔，竟然肯親自同佢地飯局，親自聽佢地對產品既講解。
一切，都係充滿左希望，就好似離成功只差一點點咁，煞是緊張，彷彿一切美好將會發生。
科研有時係同時間競賽，同自己競賽，同對手競賽既，同時要有極大既財力支持。
可惜既係，當時，如我無記錯既係Sonx，比佢地更先推出產品，而且厚薄度比佢地更薄一分。
成王敗寇，最後中同做嗰間公司結束喇。
聽完對科研，有否失望。
不過，真正鍾意科研既，若唔真正落手試試，又點會甘心。但畢竟，時勢、財力、人力、幸運、毅力、眼光................呢啲都係成功既重要因素，無人可預見未來，無人可以話俾人聽，成功與否。
科研之路，係需要熱血，唔肯放棄既毅力.....................
這個世界上所有的愛都是以聚合為最終目的，只有一種愛以分離為目的，那就是父母對孩子的愛。 父母真正成功的愛，就是讓孩子盡早成為一個獨立的分個體﹗
發表於 
返回列表
