本帖最後由 my005 於 25-1-26 09:42 編輯
我又講下：
我朋友(近70架喇)托我呢個拼多多新手買野，咁我都無咩所謂既，本住幫到就幫囉。
於是佢訂左好多野，有大件有濕濕碎碎既，一直係我幫佢訂，而送貨就送去佢要求既點，佢自己收貨既。
都收過好多次貨架喇，點知其中一次，佢話有1件貨收唔到喎，咁我就查下啦，但我查到佢收左貨喎，於是我cap晒圖俾佢，話佢簽收左喎。
但佢話佢無收過，呢點我都有啲唔啱既，因為我只知有無貨收，而唔知點查件貨係有幾多樣，同係咩黎既。
我再次要求佢揾清楚當日應係收左三樣野喎，但佢一口話得一樣，係件不锈鋼櫈仔黎，其他一樣係種子，一樣係耕田嗰種鋤仔。 就無左鋤仔。
咁我咪去問運輸囉，來來回回對答問左三、四日，人地運輸連片都出晒俾我睇，真係有入晒三樣野落個大袋喎。
咁我又同我朋友講喇，俾埋段片個朋友睇，叫佢揾清楚啲，又回憶下攞時個袋有無爛咁，但佢話無爛既。
我又再問運輸，會唔會响香港時漏左，或攞錯左俾人，運輸客服話佢又去問問，但都無結果。
最後，我再要求朋友自己再諗下，有無機會跌左。
最後，好彩佢係响佢老公部車度拆野既，佢老公將啲袋放晒去車尾箱未掉，最後响啲袋度揾返﹗而且係揾返二樣野，即係種子佢都根本無收過，而佢只講個鋤仔無收。
唉﹗真係辛苦晒神洲客服，全程好好禮貌，好好服務，真係好用心幫我揾嗰少少野。
有時，幫朋友，都幾煩架。
這個世界上所有的愛都是以聚合為最終目的，只有一種愛以分離為目的，那就是父母對孩子的愛。 父母真正成功的愛，就是讓孩子盡早成為一個獨立的分個體﹗
發表於 
內地驛站不會入哂一袋，係逐件有編號，缺點係散，但優點收唔到都唔使咁大鑊。
，相信香港有誠實人，但亦有不少貪心人；快餐店都已有人順手攞走人哋嘅外賣 
，超市亦有人買10件嘟幾件就入袋 
我個自提點會對返電話先俾件人架喎
唔洗擔心，聯絡菜鳥啦！
返回列表
