吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 親子旅遊› 不是遊記~~ 兩老四國四輪走7天遊 (Day 5 愛媛松山道後 ...

親子旅遊今日: 0|主題: 161765

收藏本版

回覆發帖

返回列表

跳至頁

樓主: buklaylay

[日本] 不是遊記~~ 兩老四國四輪走7天遊 (Day 5 愛媛松山道後温泉) [複製鏈接]

1 234

buklaylay

珍珠宮

積分: 30776

2024年龍年勳章牛年勳章

41^#

發表於 25-5-26 15:26 |只看該作者

回覆樓主:

6/5 (Tue) Day 2 小歩危•大歩危

今晚去祖谷宿一宵。

兩條老野参拝完金毘羅宮，旋風式由香川縣琴平，到徳島縣三好市。

祖谷... 好野黎架！乃日本3大秘境之一。今日有d急趕，先去小歩危，同大歩危。

小歩危~ 兩老初到展望台，欣賞到峽谷斷崖，嗰種「小歩走也很危險」... 完全 feel 到，所以叫小歩危。

小歩危同大歩危溪谷之間，有「RiverStation West-West」休息站，除咗大家最愛~ mont-bell，又有餐廳同土產名物。俾100円入観望台，大歩危吉野川，一覽無遺，抵睇！

吉野川兩邊峽谷，係2億年全年無休咁，俾激流係咁激，沖刷出黎。後生仔想受吓刺激，玩激流/獨木舟，正過去冒險樂園。

兩老一把年紀，輕擎d，坐大歩危観光船，每人1,500円... let's go！

観光船沿急流向下游，來回山嶽河川，大約30 分鐘，又折返人間，包保安全。

(待續)
attach0/tmp/phpqrzECn

私人傳訊回覆引用

wingchu

男爵府

積分: 5257

醒目開學勳章

42^#

發表於 25-5-27 11:27 |只看該作者

buklaylay 發表於 25-5-26 15:26
6/5 (Tue) Day 2 小歩危•大歩危

今晚去祖谷宿一宵。

我又撘下咀，我無車牌，不能自駕遊，所以選在琴平住一晚温泉旅館，玩整烏冬，周圍行下，笫2曰跟local tour 去大步危，玩完返琴平坐電車返高松。團費OK架，重點係集合地點在旅館附近，轉過彎就到十分方便。

私人傳訊回覆引用

buklaylay

珍珠宮

積分: 30776

2024年龍年勳章牛年勳章

43^#

發表於 25-5-27 21:12 |只看該作者

wingchu 發表於 25-5-27 11:27
我又撘下咀，我無車牌，不能自駕遊，所以選在琴平住一晚温泉旅館，玩整烏冬，周圍行下，笫2曰跟local tour ...

唔自駕，跟 day tour 方便

我去白川鄉都係 join Klook 嗰d，唔駛帶腦，上車跟住領隊就得

私人傳訊回覆引用

buklaylay

珍珠宮

積分: 30776

2024年龍年勳章牛年勳章

44^#

發表於 25-5-30 08:46 |只看該作者

回覆樓主:

6/5/2025 (Tue) Day 2
祖谷渓温泉ホテル秘境の湯

Hotel Hikyounoyu
モダン和室，一泊二食，約HK1,900

一場黎到祖谷，梗係住喺山卡啦...

歌仔有得唱：
「多山旮旯有我同行，過眼浮雲還應捉緊」

唔好錯過，在祖谷人在野，呢個 moment... 感受乜野係秘境の地！

秘境，一字記之曰「遠」~ 荒山野嶺，與世隔絕、世外桃源，人間仙境... (下删百餘字)

ホテル秘境の湯，正正係秘中之秘，超寧靜。5月6號仲係日本 last 1 日假期，人影唔多個，宿泊客仔唔夠10間房... 大家都好私隱線。

山旯旮の溫泉，分分秒秒黐住死寂... 唔係... 係寂靜，時時刻刻俾大自然攬到實。叠埋心水，lay 喺度，洗洗燥底心靈！

(待續)
attach0/tmp/phpjNH9be

私人傳訊回覆引用

buklaylay

珍珠宮

積分: 30776

2024年龍年勳章牛年勳章

45^#

發表於 25-5-31 09:15 |只看該作者

回覆樓主:

秘境の湯

6/5/2025 (Tue) 夕食
7/5/2025 (Wed) 朝食

囲炉裏宴会場夕食

一泊二食旅館，check in 揀好早晚餐時間，跟手入房。然後兩條老野，各有各撐~ 我家C佬，一支箭咁標去滾... ... ...湯... 噢~ 係泡湯，浸 Onsen 也。

我唔浸女湯，通常留喺房 hea... (係，嘥$) 最緊要我有包薯片喺手，邊睇電視邊食 chips，廢到一個點。

夠鐘放飯，兩老去宴会場，fing 吓條房匙，就安排入座，搞掂！凳未坐暖，就開餐... Itadakimasu，我地唔客氣嘞！

宿秘境の湯，唔訂夕食，有d難搞，附近冇野食... 「聽」食西北風。

老老實實，呢餐会席料理，我 ok 飽咋！不過，唔駛陪其他人食風，仲有包薯片喺和室等我... 失陪！

紅葉の間朝食
兩老去 breakfast，又係 fing 吓房匙，乜都唔駛講，即坐即食。

和式定食，好簡單，夠健康，極清淡，唔太豐富。咖啡、沙律菜、麵包、白飯、味噌湯，呢d任添。託賴... 食得飽。

(待續)
attach0/tmp/phpyfSupp

私人傳訊回覆引用

buklaylay

珍珠宮

積分: 30776

2024年龍年勳章牛年勳章

46^#

發表於 25-6-1 08:56 |只看該作者

回覆樓主:

7/5 (Wed) Day 3
祖谷渓・ひの字渓谷・小便小僧

兩條老野朝食後，好急咁 check out... 急住去睇... 細蚊仔屙尿？！

唔係變態，此乃「日本三大秘境」之一，座落祖谷深山幽谷の絶景~ 小便小僧。

揸車去搵小僧，沿祖谷深山上去... 等等，停一停... 麻煩移玉步落車，有個観景台~ 望「ひの字渓谷」。呢個V字型渓谷，睇晒祖谷溪嘅鬼斧神工，實景壯觀好多好多！

繼續山道直上，聽講去到咩「七曲」位，即係山路「一番難」，最難嗰段位置，就昅到小便小僧。

傳說有個細路挑戰，check 自己有冇高所恐怖症，企懸崖邊屙尿。佢屙之前，應該有講「唔該借借」... 因為呢篤尿嘅軼事，令徳島彫刻家，喺68年以佢做原型，制成小便小僧。

試諗吓，企喺200m高斷崖峭壁，呢個子供像篤尿，直接滋潤20公里咁壯麗嘅溪谷，嗰種感覺，爽過撈家... Sorry~ 係嬴政唱：
「大地在我腳下國計掌於手中」

小僧... 變咗祖谷川守護神？路邊有「賽錢箱」，俾遊客「參拜」，順手撒溪錢... 罪過罪過，係撒錢，撒走自家衰運？！

小小小僧背負咁大嘅重任，唔阻佢屙尿為大家祈福... 兩老去下個景點... Shhhhhhhh~

(待續)
attach0/tmp/phppxl4AC

私人傳訊回覆引用

CrabPincers

珍珠宮

積分: 30315

好媽媽勳章醒目開學勳章畀面勳章大廚勳章

47^#

發表於 25-6-1 22:10 |只看該作者

TMC3012 發表於 25-5-22 07:28
四國去hea係唔錯，不過相對我覺得少少悶

我3月去過，好好玩呀，付骨雞和士多啤利又好食，我們即場採即場食，食完還買埋返香港！

還有小豆島，真是好靚，我們還諗住再去的

私人傳訊回覆引用

buklaylay

珍珠宮

積分: 30776

2024年龍年勳章牛年勳章

48^#

發表於 25-6-2 19:47 |只看該作者

CrabPincers 發表於 25-6-1 22:10
我3月去過，好好玩呀，付骨雞和士多啤利又好食，我們即場採即場食，食完還買埋返香港！

還有小豆島，真是 ...

四國有好多靚秘境，真係可以再去

私人傳訊回覆引用

buklaylay

珍珠宮

積分: 30776

2024年龍年勳章牛年勳章

49^#

發表於 25-6-2 19:48 |只看該作者

回覆樓主：

本帖最後由 buklaylay 於 25-6-2 20:07 編輯

7/5 (Wed) Day 3
祖谷のかずら橋・琵琶の滝

上集，小便小僧，俾唔俾到刺激感大家？

嫌唔夠挑戰性？黎~ follow 兩條老野，深入四国山地，玩d激到，心肝卜卜跳嘅體驗~ 祖谷藤蔓橋。

喺「かずら橋夢舞台」泊車，有駐車場，土産館同食堂，呢d観光施設。

再沿祖谷隱密之路，行去日本三秘境の一~ かずら橋。蔓橋年中無休，毎日 21:30 前開放。

我呢d C9，踏出第一步，手心已經冒汗。料金大嗱嗱 550円，洗濕咗個頭，唯有頂硬上，扮唔驚 (腳震中)。渡橋渡得咁 kam，可能過奈何橋，飲孟婆茶... 容易d！

我家C佬，有過度活躍症，開心到走黎走去... (咳) 放心~ 吊橋有鋼筋撐住，穩陣。嚴冬會採集新藤蔓編織，毎3年替換。

被譽為日本三奇橋之由来，眾說紛紜，呢個秘境，由平家一族嘅悲劇開始... (下删千字文，有興趣自己摷料，見諒)

昔日深山渓谷，唯一通道施設，而家蔓橋係，指定重要有形民俗文化財。

藤蔓橋 + 2億年形成嘅大步危峽 + 祖谷川... 呢個組合，掂呀！

臨走前，睇埋「琵琶の滝」，喺附近。不過，欣賞完吊橋嘅觸目驚心，琵琶瀑布... 有d遜色。

(待續)
attach0/tmp/phpOeyo4Y

私人傳訊回覆引用

CrabPincers

珍珠宮

積分: 30315

好媽媽勳章醒目開學勳章畀面勳章大廚勳章

50^#

發表於 25-6-2 22:09 |只看該作者

buklaylay 發表於 25-6-2 19:47
四國有好多靚秘境，真係可以再去

還有醬油廠的醬油雪糕，真是諗起都想再食…..

我們在鄉下地方，都買到爆晒喼，3個人，6件手提，最重要是我媽帶得個中喼，佢不夠位，我個大喼有一半是佢既野，好彩地勤比我們上機，無收我們錢！

私人傳訊回覆引用

buklaylay

珍珠宮

積分: 30776

2024年龍年勳章牛年勳章

51^#

發表於 25-6-4 07:34 |只看該作者

CrabPincers 發表於 25-6-2 22:09
還有醬油廠的醬油雪糕，真是諗起都想再食…..

我們在鄉下地方，都買到爆晒喼，3個人，6件手提，最重要是 ...

參觀醬油廠，再食埋雪糕，好吸引，下次搵吓料先

土產買到爆喼

有冇好介紹？

私人傳訊回覆引用

CrabPincers

珍珠宮

積分: 30315

好媽媽勳章醒目開學勳章畀面勳章大廚勳章

52^#

發表於 25-6-4 09:01 |只看該作者

buklaylay 發表於 25-6-4 07:34
參觀醬油廠，再食埋雪糕，好吸引，下次搵吓料先
土產買到爆喼有冇好介紹？
...

買左好多手信，祖谷蔓橋間手信店買左好多蕎麥麵，去整烏冬又買烏冬，之後出去市區又買衫，買左10幾盒即採的士多啤梨返黎做手信，臨上機又走去玩夾公仔，玩到差d趕不切出機場

donki 都買左好多零食

私人傳訊回覆引用

buklaylay

珍珠宮

積分: 30776

2024年龍年勳章牛年勳章

53^#

發表於 25-6-6 07:39 |只看該作者

CrabPincers 發表於 25-6-4 09:01
買左好多手信，祖谷蔓橋間手信店買左好多蕎麥麵，去整烏冬又買烏冬，之後出去市區又買衫，買左10幾盒即採 ...

蔓橋夢舞台嗰度？好多土產手信
十幾盒士多啤梨

撞啱盛產季節，真係好

私人傳訊回覆引用

快樂鳥

侯爵府

積分: 23263

父親節2025勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章 2018復活節勳章畀面勳章

54^#

發表於 25-6-6 12:43 |只看該作者

buklaylay 發表於 25-5-6 20:44
6/5/2025 祖谷

今朝滂沱大雨下，兩老拖喼去租車... 狼狽野唔講，總之順利到金刀比羅宮，行咗過千級樓梯， ...

唔好意思，我都準備去今刀比羅宮、請問行得辛苦嗎？是否有船遊覽、另外想問一泊兩食係邊間酒店？謝謝

私人傳訊回覆引用

buklaylay

珍珠宮

積分: 30776

2024年龍年勳章牛年勳章

55^#

發表於 25-6-6 14:06 |只看該作者

快樂鳥發表於 25-6-6 12:43
唔好意思，我都準備去今刀比羅宮、請問行得辛苦嗎？是否有船遊覽、另外想問一泊兩食係邊間酒店？謝謝:waha ...

金毘羅宮勁多梯級，但唔會太辛苦，因為沿石梯有野睇，唔駛一氣呵成，衝上去

船遊覽？我地剩係到大步危，搭遊覽船 hea 咗欣賞咗一陣

一泊二食，係祖谷「秘境之湯」酒店

私人傳訊回覆引用

buklaylay

珍珠宮

積分: 30776

2024年龍年勳章牛年勳章

56^#

發表於 25-6-6 14:08 |只看該作者

回覆樓主:

7/5 (Wed) Day 3 高知龍河洞

上集挑戰完藤蔓橋，check 咗係咪膽生毛... 今晚，落腳地喺高知，兩條老野先帶大家玩~ 過3關？！

龍河洞~ 日本三大鐘乳洞の一。1億7千5百萬年，non-stop 咁侵蝕沉積，形成石灰岩鐘乳洞。

要一睹日本指定史跡，及天然紀念洞穴，唔係屬牛屬馬，擰歪面咁簡單... 有「密集恐懼症」、「幽閉恐懼症」、「肥」靚女「肥」型仔 (咳)，企埋一邊，勿進！慎入~ 慎入~ 慎入~

走一轉龍河洞，我 (只限 me)，自信返晒黎！鐘乳洞，有d路位窄到，要踎低攝入去... 過得到天然關卡，冇 kick 住 = 唔~ 算~ 肥~

咪沾沾自喜... 仲有密集恐懼症，同幽閉恐懼症，呢兩個計時炸彈... 我家C佬，過哂三關！Me... failed？

我行行吓，有d心虛，有d慌。搞到要遮眼、掹衫尾... 明明以前去沖繩玉泉洞，no problem 喎！

呢次揀相，都仲要隻眼開，隻眼閉咁睇... 龍河洞嘅威力，Sugoi~

近洞窟出口，有岩石 3D 影像投影，用聲光影，加添鐘乳洞嘅夢幻~ The Exploring。

大自然時光隧道，呈現無限延伸，不斷演變進化。想找尋古時穴居人，留低嘅「神の壺」(兩老冇影相)？要探索鬼哭神嚎嘅神秘異度？

可以~ 俾入場料，承惠1200円...

(待續)
attach0/tmp/phpcdpmAg

私人傳訊回覆引用

快樂鳥

侯爵府

積分: 23263

父親節2025勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章 2018復活節勳章畀面勳章

57^#

發表於 25-6-6 14:42 |只看該作者

buklaylay 發表於 25-6-6 14:06
金毘羅宮勁多梯級，但唔會太辛苦，因為沿石梯有野睇，唔駛一氣呵成，衝上去
船遊覽？我地剩係到 ...

感謝回覆！

私人傳訊回覆引用

buklaylay

珍珠宮

積分: 30776

2024年龍年勳章牛年勳章

58^#

發表於 25-6-7 19:53 |只看該作者

回覆樓主:

7/5/2025 (Wed) Day 3 高知
晚餐@ 追手筋宴舞堂

舊年我C佬，約佢個後生仔 friend，加埋大仔，踩咗轉四国單車遊。

3條傻佬話，Shikoku 好似冇咩野食，舖頭就執笠咁款，街道影都冇隻... (下删蕭條感慨百餘字)

我都係嗰句，唔想企街頭，企到靈魂出竅，都諗唔到食乜... 出發前，摷定料訂位，話唔定美食沙漠，1秒變天堂！

高知，book 追手筋宴舞堂，online 柯打埋旬の味~ 珠玉の宴舞堂套餐。一人前 6000円 (税込)，有 2hrs 飲み放題。

居酒屋叫宴舞堂，一定有d野... Bingo~ 吸引兩條老野，唔係咩大好評の料理，係 Kochi 靈魂祭典~ よさこい祭。

每晚8點，居酒屋有一場迷李版，夜來祭 (Yosakoi)。店員派鳴子 (響板) 俾食客，再化身舞者... 放心~ 唔係另一人格，係「真・夜來舞」。

客人拎住鳴子，想拍就拍，想跳就跳，雰囲気熱鬧到爆燈。呢一刻，連料理長都出埋黎... 唔係跳舞，係暫時撈埋上菜嗰瓣。

(待續)
attach0/tmp/phpFnNeQM

私人傳訊回覆引用

buklaylay

珍珠宮

積分: 30776

2024年龍年勳章牛年勳章

59^#

發表於 25-6-11 10:39 |只看該作者

回覆樓主:

7/5/2025 (Wed) Day 3
スーパーホテル高知
Super Hotel Kochi

今集酒店篇好開心，勁多「無料」野介紹... 房價又「驚安」，驚喜一浪接一浪。

高知 Super Hotel，Super 抵！Super 平！兩條老野喺官網公式 book，雙人房只係 10,700円 (連稅)... 激安嘛？！

我知道，幾百蚊貨仔晚嘅酒店，多的是。之但係，Super 高質到你唔信... 夕晚朝，不停無料。

Check in 咗，喺 lobby 枕區，有枕頭「無料」供應俾宿泊者。有d係女性專用款，厚薄梗有一款啱你頸枕。數量有限，手快有手慢冇。

夕「無料」~ Welcome Drink
每日 17:00~21:00，大堂餐廳有迎賓 Bar~ 飲み放題... 汽水、咖啡、茶、酒精飲品，beverage 任飲。

晚「無料」~ 天然 Hot Spring
Super 麻雀雖小，五臟俱全。雖然得1個澡堂，但 Onsen 係「長岡溫泉、龍馬の湯」。男女入浴時間，輪流交替：
男湯：15:00~18:20 / 22:00～翌06:50
女湯：18:30~21:50 / 翌07:00~09:30

朝「無料」~ 健康早餐。咪以為平野冇好，菜色比預期豐富。自製「一汁三菜」傳統朝食，no problem。

住客有「專用」駐車位，只要俾料金800円，入住期間，可自由出入。兩老泊「1號」專用車位，其他車唔泊得。

(待續)
attach0/tmp/phpGdYhPq