本帖最後由 my005 於 25-5-19 17:59 編輯
農民房又叫小產權房，私人起既得幾層樓高既，以前的確發左好多人既，尤其係深圳，不過，買賣呢啲的確係有風險存在既。
想買平啲樓既，近呢十幾廿年，內地啲人買唔起商品房既，零願買集資房，統建樓，其實呢啲都係可叫農民房既，不過係由鄉委呀、發展商牽頭集合村民既地而起既，都屬小產權樓。
而點解啲人會買集資房、統建樓呢，一黎平，二黎更似商品房咁，有更高既樓層，有啲一樣有管理既。
而且，有啲想靠「搏」，搏由小產權房收成大產權房、商品房。
就舉例蓮塘吖，2x年前都有群集資房變商品房喇，由無房產証變有。
又舉正正係蓮塘站，最新咪起好左幾幢商品樓既，呢幾幢既前身就係由小產權變大產權架喇。
當年，政府為左保障買左呢班小產權人，就落政策變成大產權，之後起地鐵，震裂晒啲樓，啲居民維權抗議遊行，最後地鐵收晒附近啲樓，按面積賠償租金俾業主直至而家完成起樓，居民已抽左簽，揀左樓喇，相信年尾可順利入伙。
雖然都有人游說我地話買呢啲小產權房好，但我唔敢囉，買既，好多時要一筆過俾錢，而且只係去律師樓簽轉讓書，更甚既，有啲只係响村委度轉個名咋，我自己就驚無保障喇。
有幾何政府會將小產權變大產權吖，收地，又點知幾時會收吖？我無咩賭命，唔敢搏，而內地人係住住搏。
至於公寓，一般內地人都唔會買，地產咪「水」外地人買囉，就正如地產「水」內地人買偏遠香港樓一樣之嘛。若係價錢平既，又負担得起，玩下無妨，唔好以為會大升值就得。同埋，唔好以為同香港樓一樣咁穩固就得喇，過2、30年就知2者既分別喇。
這個世界上所有的愛都是以聚合為最終目的，只有一種愛以分離為目的，那就是父母對孩子的愛。 父母真正成功的愛，就是讓孩子盡早成為一個獨立的分個體﹗
發表於 
返回列表
