自由講場 今日: 529 | 主題: 1357714

積分: 51912

41^#

發表於 09-7-5 13:34 |只看該作者

原帖由 raccoon 於 09-7-5 11:20 發表

你好厲利呀
如果係我未必可以堅持到咁耐

無計~~~經過呢十年亞仔俾我呢項地獄式訓練,我諗我份人都未必可以堅持到咁耐~~~

不過查實過度活躍都有好多隻款架!好似我早輪教一個過度活躍症小朋友學國際音標,佢同我仔D style真係完全唔同,我仔係活躍响手手腳腳,呢個小朋友完全唔係,只係衰响把口唔停(把口唔收),實情只要有方法食得住佢,佢真係一個又乖又極之聰明既細路黎~!我仔同另一個疑似自閉傾向既小朋友學音標,學四個音標要用個幾月時間(當然當中包括其他輔助音標啦,都幾多下),但呢個小朋友只係用咗我三堂就已經全部學哂...仲要係第一堂同第三堂佢係走黎挑戰我底線,係咁'超'我係咁搞搞震,我話佢,佢可以走黎同你玩失聲唔合作,連佢話要去廁所,佢都係用失聲既形式同我講,呢下又係要同佢鬥耐性囉...係都要佢講到用番正常聲同我講,我至俾佢出課室去廁所...但第二堂實情唔駛點話佢,佢係可以好乖好合作囉...所以過度活躍既小朋友真係好似天氣咁唔穩定.一啖砂糖一啖C....

私人傳訊

積分: 51912

42^#

發表於 09-7-5 13:41 |只看該作者

原帖由 manicheung 於 09-7-5 11:23 發表
仔媽 , 你好叻 , 我仔都係咁 ga

唔好唔開心啦!每日响教仔之前一定要先同自己講,唔可以氣餒,要自己積極D去睇去應付囝囝呢D問題,唔好俾自己SIDE時間去唔開心,留番呢D時間去諗多D實際方法去試下幫下囝囝,咁樣自己至會有番D推動力D囉...我都係咁訓練自己.

你睇番我個case,我仔咁大堆問題,又自閉傾向又過度活躍專注力缺乏又學習障礙、言語發展遲緩、動作協調障礙、空間感不足(對唔到距離,會成日撞到人/東西)..仲要呢十年佢成日打人又情緒失控添...講真我隻曳野真係極品黎架...尤其當我依家開始教其他特殊小朋友音標,對住頭先我講嗰位ADHD小朋友,我更加覺得我仔明顯比其他小朋友嚴重,咁當然,我亦有朋友既小朋友比我仔更嚴重...一山還有一山高,所以真係唔好俾自己諗到最worse,總之我地做父母既,囝囝有咁既障礙有咁既難處,我地就要積極D搵唔同既方法去幫佢渡過佢既童年,至少都唔好俾呢D症影响佢學習同社交囉.查實solve到呢兩樣(學習同社交),已經好好架

所以唔好氣餒!一齊加油!我都需要你撐住我架.

私人傳訊

manicheung

珊瑚宮

積分: 113477

好媽媽勳章

43^#

發表於 09-7-5 13:46 |只看該作者

下次我有問題要幫手第一個揾你 , thanks

原帖由 ~仔仔媽咪~ 於 09-7-5 13:41 發表

唔好唔開心啦!每日响教仔之前一定要先同自己講,唔可以氣餒,要自己積極D去睇去應付囝囝呢D問題,唔好俾自己SIDE時間去唔開心,留番呢D時間去諗多D實際方法去試下幫下囝囝,咁樣自己至會有番D推動力D囉...我都係咁訓練 ...

私人傳訊

積分: 51912

44^#

發表於 09-7-5 13:53 |只看該作者

原帖由 chinatea 於 09-7-5 12:18 發表

其實我睇左兩日大家個回答都知道跟本好明顯個小朋友就係過度活躍症,連仔仔媽咪都解答埋,樓主應該更加明白事出必有因.

你出topic個題目我初初以為係你遇到問題,但睇左問題係你個朋友,都睇到你其實係不滿佢個仔搶你 ...

多謝茶媽~~~!!!好感恩有位可以咁體諒同理解我地呢班小朋友同父母既媽咪~!

查實我都明白樓主感受既,咁講真自己小朋友俾人打,作為母親會幾心痛同嬲既,幸好就係樓主都大概知道個小朋友本身係有問題,只係樓主未真正接觸或了解到呢個症,當中有D誤解都情有可原囉...正如我仔以前都曾經踢傷咗人地既小朋友,人地既唔諒解唔原諒甚至反目,雖則我同我仔都打從心裡面痛,覺得因為個仔失控但無意識一腳,結果失去朋友又被人千夫所指...咁講真我地點無面子都有感受囉...但之後我覺得,人地唔理解過度活躍同自閉小朋友真係唔係一個錯黎囉,比着我如果我仔無呢個病,好相信我都會對ADHD小朋友存在偏見,既然係咁,我至學懂先原諒體諒人地對我地既唔諒解同誤會,唔好再浪費時間不斷反問自己點解人地會咁對我同個仔,個仔已經十歲已經大個仔,我唔係有咁多時間去幫佢教佢囉,所以點都要自己將個focus放哂响個仔度,查實咁樣諗自己會平靜D囉,無咁多野煩,淨係煩個仔一個就夠.

私人傳訊

積分: 51912

45^#

發表於 09-7-5 13:54 |只看該作者

原帖由 manicheung 於 09-7-5 13:46 發表
下次我有問題要幫手第一個揾你 , thanks

好呀~~~咁我呢十年都有好多招數儲咗番黎,,,你可以隨時問我攞啦~~~哈哈~~~

私人傳訊

keroroee

積分: 7228

46^#

發表於 09-7-5 14:09 |只看該作者

我見過一個父母都認為自己寵壞的小朋友...

P.1-P.3太自我, 不服輸, 郁身郁勢, 手指指,瞪大眼抗辯, 再講佢錯一係就大喊, 一係發脾氣, 一定要人遷就.

這位小朋友父母一早己經將"面子"放下, 努力尋求社工/教會/專業人士協助, 學校特別將他放在一位有經驗老師的班別, 老師沒有特別遷就佢, 賞罰分明, 漸漸學校比機會佢發揮自己有自信的長處"講野", 如校內外做司儀, 唱歌, 朗誦, 從而得到掌聲, 令小朋友有了自信, 漸漸將自信轉移讀書, 讀書成績好, 令整個人改變過來, 父母學校感到極大安慰...

私人傳訊

積分: 51912

47^#

發表於 09-7-5 14:10 |只看該作者

原帖由 小ice 於 09-7-5 12:36 發表
做媽媽的都唔想自己個小朋友係咁..但無奈好多野唔到自己控制,教小朋友很辛苦,教呢類特別的小朋友更辛苦,呢樣野未經歷過很難明白人地的感受,當自己個乖,人地個頑皮時,可能會覺得人地有問題..或許我地應該多點體諒人地 ...

多謝您~!

查實我仲堅信呢個世上唔會有父母唔教自己仔女,自己仔女整親人或者影响人地,實情做父母既都唔會接受到自己仔女會係咁囉...有時我頽頽地同社工講,真係寧願俾人打到出血訓地嗰位係我仔,而唔係我仔做打人嗰個人...

所以依家好多時遇到D真係好曳既小朋友,我只會同自己講,可能人家父母好似我地咁,仲未搵到好方法去教好/幫個仔啫...

又有時查實我都好留意到出面一D所謂正常小朋友,只係未做過評估,但實情佢地D言行舉止都有過度活躍或者自閉特徵架...只係佢地未好似我仔咁明顯得唔到人接受,又未做評估,所以至會唔係囉...

正如我另一個學生咁,小學二年班,一黎到我朋友中心度上課時,佢連講中文既發音都唔掂,之後我再教佢音標(實情志在教佢糾正佢發音),發現佢對s、t、d、k、g等既音係聽唔到,佢好比心機去學去發音,唔係懶,但我叫佢讀ga,佢會讀成da,叫佢讀k,佢會讀咗t...同埋佢查實有少少自閉特徵架...好似我黎教佢音標咁,我朋友一定要捉佢埋黎事先指住我俾佢睇話:"呢個係你英文miss,係教你音標既",咁至上到堂囉,否則原來之前無咁樣事先講,有幾次佢做緊英文功課,佢唔識做,自己响樹諗,跟住中心其他姨姨見到,好心埋去教佢讀字,佢即刻喊到收唔到聲..男仔黎架噃....跟住淨係幫佢按屋企電話號碼,叫佢同佢公公講話可以黎湊佢放學,佢又係因為我朋友無'事先'同佢講,佢又走黎喊...但已經九歲小朋友黎囉...所以佢無做評估,但我地就好睇得出佢係有自閉同埋聽耳同發音有問題囉...

有時係幾諷刺架,,,我睇嗰本講關於過度活躍症既書,佢話曾經香港同英國兩地做過統計,結果香港評估出係過度活躍症既小朋友比率係明顯比英國評估出係過度活躍症既比率係高好多...主因之一竟然係因為英國社會接受到小朋友既活躍程度係多於香港,香港去到某一條線,香港社會已經接受唔到小朋友既活躍程度咁'高',所以原來個小朋友係咪ADHD,都係睇當時個社會係點係能夠接受到同接受唔到邊D'病徵'...所以睇完都有DD無奈...

私人傳訊

積分: 51912

48^#

發表於 09-7-5 14:13 |只看該作者

原帖由 keroroee 於 09-7-5 14:09 發表
我見過一個父母都認為自己寵壞的小朋友...

P.1-P.3太自我, 不服輸, 郁身郁勢, 手指指,瞪大眼抗辯, 再講佢錯一係就大喊, 一係發脾氣, 一定要人遷就.

這位小朋友父母一早己經將"面子"放下, 努力尋求社工/教會/專業人 ...

所以查實小朋友好定唔好,學校同老師都係關鍵黎...所以我地至咁需要家校合作同溝通呢樣野囉.

私人傳訊

keroroee

積分: 7228

49^#

發表於 09-7-5 14:16 |只看該作者

原帖由 ~仔仔媽咪~ 於 09-7-5 14:13 發表
所以查實小朋友好定唔好,學校同老師都係關鍵黎...所以我地至咁需要家校合作同溝通呢樣野囉.

私人傳訊

積分: 51912

50^#

發表於 09-7-5 14:19 |只看該作者

原帖由 keroroee 於 09-7-5 14:16 發表

我早幾日都整咗份file諗住俾我仔新一年班主任同老師們,都係當佢地唔識我仔係邊位,我重新介紹我仔D特徵同問題,跟住打咗好幾個招數供老師黎對付我仔/同我仔相處,,,希望我仔下年可以遇到好老師啦.

私人傳訊

積分: 5598

51^#

發表於 09-7-5 18:02 |只看該作者

原帖由 ~仔仔媽咪~ 於 09-7-5 13:53 發表

多謝茶媽~~~!!!好感恩有位可以咁體諒同理解我地呢班小朋友同父母既媽咪~!

查實我都明白樓主感受既,咁講真自己小朋友俾人打,作為母親會幾心痛同嬲既,幸好就係樓主都大概知道個小朋友本身係有問題,只係樓 ...

好多謝你肯用我個角度去睇呢件事, 無錯本身我真係好心痛個仔咁樣俾人蝦, 而當事人媽咪又無法去令件事處理得好d, 佢現在所用嚟教仔既方法其實唔止係用係特殊小朋友上, 而係一般家長都會用來教自己小朋友, 呢點睇得多育兒書既家長都會知道, 另外點解我覺得佢地唔去正視呢個問題呢, 就係佢父母情願每個月用千幾蚊去俾個仔返打鼓同英文都唔情願去俾個仔接受治療, 在家也買了全套迪士尼和其他英語學習教具給個小朋友聽, 俾我感覺他們只著重個仔的英語發展, 同埋佢媽會在家同小朋友講普通話+少少四川話。

仲有樣野我未講既就係之前幾個月我仔仔同佢個小朋友一齊上跳舞學英文班, 個導師同小朋友媽咪講上緊堂都可以郁手打我個仔, 而且唔止一堂係咁, 當時我會諗唔係嘛, 跳緊舞都可以打人, 有無攪錯, 只係我覺得佢呀媽一路無察覺一個問題就係點解個仔無論係咩情況下都要打人而唔去搵問題所在, 一直咁逃避, 而佢又好似覺得我接受左自己個仔俾佢個仔打好似係習慣咁, 如果呢位家長肯正視問題去幫個仔, 我覺得ok, 但佢唔肯搵問題精結之餘仲由得個仔繼續錯落去我就真係唔可以接受囉, 並不是我歧視佢係大陸人, 如果我歧視佢就唔會同佢做左兩年朋友咁耐啦, 我只係覺得小朋友曳要教, 小朋友有其他問題就要去正視去幫個小朋友, 唔係好似駝鳥咁唔去正視問題, 呢件事同我老公都有討論過, 如果俾著係我自己同老公, 一定會同佢去接受治療, 唔會一拖再拖, 令到個仔去到無得返轉頭, 我早在佢小朋友兩歲幾時巳經同佢媽咪講過, k1開學頭三歲又講過, 到左而家就來四歲了又再同佢講, 我本人覺得做朋友要做既巳經做左, 唔通要我繼續俾個仔同佢個仔一齊經常俾佢傷害、發洩先叫幫佢嗎? 要咁樣希生自己個仔去幫佢我就真係做唔出囉, 既然佢父母真係覺得自己個仔係正常既, 我都無謂再講咁多次啦, 唔係就真係俾佢覺得我當正佢個仔有病唔睇醫生啦, 當識少個就算囉~

[ 本帖最後由 OneTwoThree 於 09-7-5 18:48 編輯 ]

私人傳訊

積分: 5598

52^#

發表於 09-7-5 18:31 |只看該作者

原帖由 chinatea 於 09-7-5 12:18 發表

其實我睇左兩日大家個回答都知道跟本好明顯個小朋友就係過度活躍症,連仔仔媽咪都解答埋,樓主應該更加明白事出必有因.

你出topic個題目我初初以為係你遇到問題,但睇左問題係你個朋友,都睇到你其實係不滿佢個仔搶你 ...

好多在樓的媽咪都回應話做人父母既好想個仔有呢d病咩? 無錯作為家長當然100%想個細路係絕對健康同正常, 唔通我又會係例外果個嗎? 唔通我又想睇住佢有問題都唔出聲嗎? 是不是要我忍氣吞聲日日對住佢個仔咁癲就當無野, 佢自己呀媽都頂唔順自己個仔會發癲, 唔通我呢個個仔俾人打既呀媽就唔可以有情緒嗎? 我都係人地媽咪, 唔通俾佢打完仲要請佢食糖嗎? 請某些會員同情那些有問題的孩子同時都能睇諒我做媽咪的心情好嗎? 他孩子有問題我也不會開心得去那裡, 試問誰不想小孩有朋友, 開開心心的一直交往下去, tropic出了我在這裡數他也是沒意思改變不了事情的發生, 只想有經驗的媽咪告訴我應如何面對這些小朋友, 希望其他會員能明白, 我不是要歧視他或其他有這些問題小朋友, 更何況我一直都沒有用什麼自閉、過度活躍等字眼去形容這個小孩, 我只是用一個正常心態去睇這個是不是有問題的正常小孩, 個仔俾人咁蝦法當然會不悅啦, 唔通會好多謝佢咁樣教訓我個仔嗎?

[ 本帖最後由 OneTwoThree 於 09-7-5 18:35 編輯 ]

私人傳訊

積分: 5598

53^#

發表於 09-7-5 18:46 |只看該作者

原帖由 patpat234 於 09-7-5 00:53 發表
我都係全職媽媽,你地讀邊間幼稚園???

我囝囝讀迦南, 個行為有偏差既小朋友都係

私人傳訊

積分: 51912

54^#

發表於 09-7-5 21:43 |只看該作者

原帖由 OneTwoThree 於 09-7-5 18:02 發表

好多謝你肯用我個角度去睇呢件事, 無錯本身我真係好心痛個仔咁樣俾人蝦, 而當事人媽咪又無法去令件事處理得好d, 佢現在所用嚟教仔既方法其實唔止係用係特殊小朋友上, 而係一般家長都會用來教自己小朋友, 呢點睇得 ...

都明白你所想既,或者用另一個角度睇諗囉,如果佢阻止唔到佢囝囝打你個仔,不如唔好等佢解決佢仔既問題,而係你暫時都唔好俾你仔同佢仔玩,呢樣唔係岐視,而係唔想佢仔有個慣性一見你仔就忍唔到手就打埋黎,小朋友係好特別架!都係人夾人,如果你囝同佢囝之間既關係都係用打黎關連住,我覺得唔好囉同埋一係一個惡性循環黎,對你地同對佢囝都無好處,反之你暫時分開兩個小朋友,一黎避免咗打人受傷呢樣野,二黎亦唔會破壞影响咗你同你呢位朋友之間既友情,咁樣做又唔係不近人情或者逃避既,咁講真我地呢班ADHD小朋友唔係真係單單教就可以教好佢地唔再失控郁手郁腳打人嘛!咁小朋友都有自尊都有自己想法,佢控制唔到自己手腳成日打人啫,但佢地自己本身都唔想自己咁樣,呢樣係真,我仔每次打完人之後先會驚醒自己係唔可以打人,我都未鬧佢,佢已經打咗自己先好自責,都係自言自語話唔明點解自己會咁做,實情作為一個小朋友都好痛苦,自己控制唔到自己.咁你暫時分開下佢地,等你朋友個仔响社交上少咁D挫敗同失敗例子,實情都係俾佢多少少空間去學下點對人同埋改善自己問題囉.無壞既.

你或者試下平常心又好聲好氣同你朋友講解番,話你睇到D教仔書有講一D case類似佢囝囝既問題,都係好容易'整親人"(千祈咪話打人,佢一定反你同你講反話),你話本書係一個香港政府醫院既兒童心理學顧問寫既,話本書有提意縮短佢仔同其他小朋友玩既時間同埋人數,黎增加佢仔既'自信心',你話暫時如果大家一齊出黎玩,好無盡量都唔好帶自己小朋友出黎咁囉.睇佢有咩回應先,唔好同佢拗,咁我都理解佢既,剛啱俾人評估佢仔係ADHD,唔係個個父母都能接受現實架...好似我之前介紹你睇嗰本書咁,個醫生話佢咁多年見十對父母,九個都係死話自己個仔無問題,仲要係咁同呢個精神科醫生拗,連呢個咁有HEART為ADHD小朋友既愛心醫生都發火,下下都一句得埋去呢班唔接受現實既父母度:"你要信我,因為我就係醫生,你地唔係!"但我作為家長都好理解到呢班父母既感受同諗法囉...

想當年個醫生話我仔有自閉傾向,我聽完嗰幾日係腦空白一片,感受、思考乜都無,成個空殼咁...過幾年我適應咗我仔D自閉問題,私家嗰邊又黎話我仔係ADHD加動作協調障礙,我直頭當街喊咗出黎,成個癲婆咁...咁我都係需要用幾年時間至慢慢認識同適應我仔呢堆問題囉.實情個仔每次打完人,我痛苦得完全跟殺人犯既亞媽無分別...唔明點解我仔係害人精黎....係有呢種感覺囉...雖則理智叫我唔好諗到咁偏,但無奈呢D正是我呢個無用亞媽既感受.依家我仔學校老師社工甚至校工都開始sense到我仔打人呢家野非出自我家教,而係我仔個病,家下我既角色,在佢地眼中會覺得我好可憐囉...上次我仔掟垃圾桶蓋掟穿同學仔個頭,我一去到校務處,D眼淚已經係咁流出黎,,,我淨係識得喊同埋叫校長報警拉我仔...嗰刻我真係攰到唔再教,覺得咁仆心仆命教都係得個桔...嗰刻確係好攰.

咁你朋友都唔係錯既,咁人都有軟弱既時候...呢個世界亦無完美既人,或者你都體諒佢呢刻既軟弱囉...好似我有時都講,如果我仔無呢堆問題,我諗我到依家都仲係一個任性又脾氣臭又好要面子既'大小姐'黎...我都係因為有呢個仔,成日俾野我'嘆',我乜面子同自尊都無哂,遇得多事,人又成長咗,自己唔會再係咁任性同唔面對現實囉.我想你朋友將來條路都好難行,當依家呢刻俾佢on your mark住先囉...查實朋友都係咁互相彼此體諒同扶持至係朋友囉~朋友得來不易,無謂俾過度活躍症呢樣野而無朋友做.咁樣好唔抵架!

或者你買本我介紹你睇既書送俾你朋友睇啦,五十五蚊本咋,响三聯有得賣.

私人傳訊

積分: 51912

55^#

發表於 09-7-5 21:46 |只看該作者

原帖由 ~仔仔媽咪~ 於 09-7-5 21:43 發表

都明白你所想既,或者用另一個角度睇諗囉,如果佢阻止唔到佢囝囝打你個仔,不如唔好等佢解決佢仔既問題,而係你暫時都唔好俾你仔同佢仔玩,呢樣唔係岐視,而係唔想佢仔有個慣性一見你仔就忍唔到手就打埋黎,小朋友係好特 ...

四點鐘的驚恐
http://www.cp1897.com.hk/product_info.php?BookId=9628884417

私人傳訊

積分: 51912

56^#

發表於 09-7-5 22:34 |只看該作者

原帖由 OneTwoThree 於 09-7-4 01:14 發表

佢媽咪叫佢叫人, 佢個仔只叫唔望人, 成日重複人地講既說話, 佢媽都話同佢溝通唔到, 同埋佢自己爸爸都話個仔思想行為幼稚, 昨日三個小朋友坐埋, 一個仲細呢個小朋友幾個月都好過佢好多, 同佢去就飲茶次次都走落地係 ...

啱啱又重新再睇多次既既留言,以上你朋友個仔呢D行為肯定係自閉+過度活躍.同我仔幾年前既狀況一模一樣!依家我仔都係唔望人又唔願同人打招呼架,even依家日日去我朋友間中心度補習,佢明知我呢個朋友係我既老友記黎,之前已經約過出黎玩無數次,我仔係有叫佢呀,但次次都要我叫佢同我朋友打招呼佢至叫呢,仲要係唔望住人,明明我朋友企响佢左手邊,佢都可以向住右邊黎打招呼...

如果你朋友嫌貴不如試下我朋友呢度啦,佢收得平過出面,同埋佢真係教特殊小朋友好有一手架!想當年我地成為朋友皆因全診所係得佢呢位助手教得我仔好掂,我地至慢慢成為好朋友咋,上個月車爆咗同學仔個頭後,我朋友見我謝哂蟹,佢依家都黎幫我手教我仔脾氣,我亦响佢中心度教另一個小朋友發音(個小朋友發音有問題),依家暑假佢都做緊優惠,如果你有興趣你PM我,我俾佢個網頁你睇啦.

再唔係你又可以介紹你朋友俾我識,等我以過來人身份黎勸下佢啦...我都係教友黎,我諗會同聲同氣D啩.

私人傳訊

積分: 51912

57^#

發表於 09-7-5 22:40 |只看該作者

原帖由 OneTwoThree 於 09-7-4 01:25 發表

patpat,

我都想知你仔仔個時係點, 我就覺得唔對路所以一年前就同佢傾, 點知佢又話無問題, so我講埋呢次就算, 我叫佢認真同佢老公傾吓, 叫佢俾個仔去上吓堂睇吓點, 結果我唔知, 原本今日約左佢行山, 但驚佢個仔又 ...

如果行山就唔好同佢一齊去喇...始終有機會會發生意外既野就可免則免,我咁多年都係自己帶住個仔兩個人拍住拖咁去行山咋...頂多都係約我嗰位教特殊小朋友既朋友同我大佬一齊去咋,絕對唔敢帶多其他小朋友同行,,,我會好大壓力囉,去得都唔開心...基本上個仔有問題開始打人開始,我一同個仔去D人多既地方,莫講話我仔有咁既症會令佢無安全感會發癲,我呢個亞媽都壓力大到差D喊埋出黎...

私人傳訊

積分: 51912

58^#

發表於 09-7-5 22:48 |只看該作者

原帖由 OneTwoThree 於 09-7-4 10:09 發表

其實個國產媽咪個人係無乜點既, 都叫有文化個種, 又識環保, 又唔會浪費, 唔會大大聲講野, 但教個仔就真係......

仲有一樣野就係, 佢好鍾意爭我個仔玩緊既玩具, 每次我個仔讓左俾佢玩, 佢就唔玩, 係咁跟住我個仔睇 ...

通常大多數既爸爸/男人係唔會接受自己個小朋友係有問題囉!想當年我老公咪又係一味話細路仔個個都係咁架啦、一味覺得係出面嗰D治療師同醫生搵我笨(搵錢),同埋當年我哥仲激啦,我只係安排我仔讀兼收位(主流幼稚園但有特殊教育老師同言語治療師),又唔係咩特殊學校,我哥直頭打電話黎鬧爆我話我咁樣會害死個仔,又話我仔咁樣係因為我唔識教仔,叫我交個仔俾我媽湊...我媽係有試過教我仔呀,咪俾我仔當街大力車巴我媽~!我媽結果咪投哂降!一個三子之母都搞唔掂我仔啦~!我嗰晚真係同我哥嘈到掟爛部手提~!我哥都係去到我到升小一至良心發現接受我仔真係有問題,至無啦啦積極地幫我搵私家治療師去幫我仔咋.

同埋我有個教友佢囝囝係嚴重自閉加智障,佢老公到依家成廿年咁耐都未能釋懷,有時聽佢响教會講見証,話成日幻想可以成日同個仔兩父子一齊去行山做運動同釣魚,教個仔去玩,次次都講到眼濕濕(男人已經好難會喊得出,但佢喊到)...嗰下我地聽到都好心UP囉...

私人傳訊