單親天地 今日: 0 | 主題: 18368

積分: 59

42^#

發表於 09-7-29 15:37 |只看該作者

唔該晒咁多位,我會先同醫務社工傾,睇下有咩可幫到手.

真係好想快D同仔女自己有個"竇", 尋晚先同老豆嘈完, 佢又問我拎$. 月頭我搬返去時,我俾左$500佢, 叫佢幫我買個大膠盆俾仔沖涼, 同埋買個三幾層高的膠櫃桶或膠箱,用黎放下仔女D衫, 因我湊住D仔女唔方便去買, 同埋我唔夠力抬返去, 結果佢一拖再拖, 終於今日同我講佢駛左D$, 依家冇$同我買.

我話你有冇咁離譜, 我攪成咁仲要個個月死$1000返去俾佢, 佢自己又拎份綜援一個人駛, 租又唔駛交(有政府交),依家連我叫佢幫我買野俾D孫的$都駛左去.

我話我冇$俾你架喇,佢仲大聲夾惡, 話月尾反正你都要俾$我, 我咪駛住先, 月尾先去買囉! 點知我今個月真係窮到連果$1000都俾唔到佢. 佢係咪食白粉食到痴左線?

私人傳訊

積分: 45787

好媽媽勳章

43^#

發表於 09-7-29 20:54 |只看該作者

原帖由 2CMom 於 09-7-29 15:37 發表
唔該晒咁多位,我會先同醫務社工傾,睇下有咩可幫到手.

真係好想快D同仔女自己有個"竇", 尋晚先同老豆嘈完, 佢又問我拎$. 月頭我搬返去時,我俾左$500佢, 叫佢幫我買個大膠盆俾仔沖涼, 同埋買個三幾層高的膠櫃桶或膠 ...

你老豆已經比白粉控制左佢嘅理智同良心, 無咩可以做唔出, 你真係要小心.
希望到8月4可以收到社工比你嘅好消息.
唔好怪我長氣, 你真係要好認真咁同社工講你係有急切需要, 唔可以再拖, 我都好想你同小朋友可以快d搬走.

私人傳訊

積分: 59

44^#

發表於 09-7-30 21:45 |只看該作者

原帖由 newbiee 於 09-7-29 20:54 發表

你老豆已經比白粉控制左佢嘅理智同良心, 無咩可以做唔出, 你真係要小心.
希望到8月4可以收到社工比你嘅好消息.
唔好怪我長氣, 你真係要好認真咁同社工講你係有急切需要, 唔可以再拖, 我都好想你同小朋友可以快d搬 ...

多謝關心. 不過8月4日係見醫生, 唔知可唔可以即刻見埋醫務社工, 就算可以即刻見, 都唔知有冇咁快有消息, 因為第一次見可能只係問下你情況, 開個FILE咁. 可能又會叫番社署果邊的社工聯絡我, 唔知又要等幾耐.

私人傳訊

積分: 45787

好媽媽勳章

45^#

發表於 09-7-31 00:03 |只看該作者

原帖由 2CMom 於 09-7-30 21:45 發表

多謝關心. 不過8月4日係見醫生, 唔知可唔可以即刻見埋醫務社工, 就算可以即刻見, 都唔知有冇咁快有消息, 因為第一次見可能只係問下你情況, 開個FILE咁. 可能又會叫番社署果邊的社工聯絡我, 唔知又要等幾耐. ...

我未搵過醫務社工, 所以唔知道詳情.
但係你而家環境咁惡劣, 你要主動d, 每次尋求協助之後, 你都要對方比個日期你, 唔好一味等通知, 因為係你急, 人地唔急.
你要好清楚咁表明你真係唔等得, 再唔搬, 你同小朋友都會有生命危險, 佢地唔想揹鍋, 會盡快幫你.

私人傳訊

mcdullyiu

積分: 41620

2025勳章 2025勳章蛇年勳章醒目開學勳章畀面勳章環保接龍勳章 BK猜猜猜慶中秋親子王國15週年勳章

46^#

發表於 09-8-1 19:54 |只看該作者

原帖由 2CMom 於 09-7-30 21:45 發表

多謝關心. 不過8月4日係見醫生, 唔知可唔可以即刻見埋醫務社工, 就算可以即刻見, 都唔知有冇咁快有消息, 因為第一次見可能只係問下你情況, 開個FILE咁. 可能又會叫番社署果邊的社工聯絡我, 唔知又要等幾耐. ...

點解你唔星期一去搵醫務社工先？問下駛唔駛排期/轉介先呀？話唔定可即時幫到你呢？

仲有, 有d機構有d中心, 你問下社工有無邊d庇護中心適合你住？點都好過你住緊那到呀？

此生無悔入華廈，來生願在種花家！

私人傳訊

積分: 59

47^#

發表於 09-8-3 19:55 |只看該作者

原來我記錯咗,係今日,即係八月三日覆診至真.

今日醫生好好人,一聽我講就即刻寫信refer我去醫務社工度, 寫明我有住屋需要同經濟需要.

見完醫生就即刻見醫務社工, 個醫務社工話會幫我開個file, 咁以後我個file就會係佢地follow, 唔會轉番去住果區的社署社工. 不過佢話佢只係今日的當值社工, 幫我開file, 要等佢個主任睇過我個file決定俾邊位醫務社工跟, 一星期內負責社工會打俾我,到時我又要再將成個故事再說一遍.

現階段今日個醫務社工普普通通啦, 客客氣氣, 有耐心聽你講, 但唔係話好有愛心果隻. 佢講野好小心, 樣樣都話唔係實得, 話拎公屋因為係跨部門(房署), 所以唔係佢地控制. 綜援+租金津貼就容易d辦, 但合晒資格申請到拎到$大約2個月喎, 我話咁我就死得啦. 跟住佢又話仲有可以快d的方法,但又係講d唔講d, 但佢叫我唔好擔心,因為亦唔到我擔心,佢地會睇下用咩最好的辦法幫我喎.

我又有同佢講我現在住屋的問題, 佢就話可以等到的話就等過幾日負責的社工聯絡我時安排, 又話有d庇護中心可以諗但有小朋友就難d, 而且果d只係俾你住一至兩個星期.

我有同醫生講之前問社署的社工得到冷待, 醫生就話佢地d社工專業d, 應該幫到我, 又叫我唔好放棄.

希望過幾日有好消息啦. 不過真係等到頸都長埋, 因為知道邊個社工跟之後再約我見面,然後我又由頭講一次我d野, 跟住個社工就會寫個report去幫我攪, 然後又要等批. 總之就煩!

私人傳訊

積分: 45787

好媽媽勳章

48^#

發表於 09-8-3 20:37 |只看該作者

原帖由 2CMom 於 09-8-3 19:55 發表
原來我記錯咗,係今日,即係八月三日覆診至真.

今日醫生好好人,一聽我講就即刻寫信refer我去醫務社工度, 寫明我有住屋需要同經濟需要.

見完醫生就即刻見醫務社工, 個醫務社工話會幫我開個file, 咁以後我個file就會係 ...

雖然記錯日子, 但係你今日有去到, 個醫生又咁好人, 終於有好嘅開始, 我都"鄧"你開心!

唔緊要喇, 而家呢個社工已經幫你開左file, 到時你再補充內容啫, 咪當比個機會自己發洩多一次囉, 難得有人比你訴苦嘛!

你今日見個位社工, 因為未必係佢follow, 所以佢都唔敢比太多承諾你, 佢怕到時有d咩出入, 會比你投訴.
而且, 政府部門係咁, 即使答案已經放係眼前, 但係上頭一日未firm, 佢都唔會話答你一定得.

等多一個星期, 見接手嘅社工, 如果你覺得佢態度冷淡, 你唔好難為情, 你求佢一定要盡快幫你, 等你可以快d搬.

之前你話擔心同醫生講會要你入院, 而家你唔使驚, 佢咁好人, 下次有咩事都同醫生講喇.

如果可以得到援助, 講幾多次都值得, 你諗下, 遲d你3母子可以有自己天地, 幾開心呀!

希望好快有你嘅好消息.

係呢, 你仔仔交學校費用個度點呀?

私人傳訊

積分: 59

49^#

發表於 09-8-3 21:10 |只看該作者

newbiee,

多謝你support先. 個醫生真係好好人,果度做野d嬸嬸都話呢個醫生係最好最細心架. 佢好擔心我住緊果度,叫我房加把鎖,話驚我老豆high大咗唔知攪d乜野出黎, 臨走仲叫我唔好放棄. 排我之前的病人個個睇完出黎都擰番轉頭對個醫生千多謝萬多謝,又話沈醫生你真係好人.

亞女學費已交,係姑姐幫我交,仲幫我女買埋校服同鞋,佢已幫左我好多,我都唔想再麻煩佢,佢都有自己頭家又要供樓,希望綜援果度快d攪掂,我就唔駛再攪到人.

私人傳訊

charmaine_1

公爵府

積分: 25702

醒目開學勳章畀面勳章

50^#

發表於 09-8-3 21:20 |只看該作者

2CM
加油啊！有社工幫手就好辨事啦！
~~~~明天會更好~~~

順順利利大吉大利

私人傳訊

積分: 45787

好媽媽勳章

51^#

發表於 09-8-3 21:28 |只看該作者

原帖由 2CMom 於 09-8-3 21:10 發表
newbiee,

多謝你support先. 個醫生真係好好人,果度做野d嬸嬸都話呢個醫生係最好最細心架. 佢好擔心我住緊果度,叫我房加把鎖,話驚我老豆high大咗唔知攪d乜野出黎, 臨走仲叫我唔好放棄. 排我之前的病人個個睇完出黎都 ...

你遇到個咁好嘅生, 證明人間有情, 你要比心機呀!

姑姐咁好人, 咁你可以留番d錢傍下身.
小朋友個度番住先, 等搵到屋至再諗, 總之見步行步, 唔好擔心.

開心d~

私人傳訊

積分: 59

52^#

發表於 09-8-3 22:08 |只看該作者

原帖由 charmaine_1 於 09-8-3 21:20 發表
2CM
加油啊！有社工幫手就好辨事啦！
~~~~明天會更好~~~

THX!!!!

私人傳訊

cinnamon325

複式洋房

積分: 489

53^#

發表於 09-8-3 23:16 |只看該作者

加油呀！希望你能得到一個好社工

原帖由 2CMom 於 09-8-3 22:08 發表

THX!!!!

私人傳訊

candy2107

積分: 39

54^#

發表於 09-8-5 00:08 |只看該作者

請問搵工醫務社好,或是自己上社署申請好啦!因為之前我打電話給姑娘講我現在的環境,她說如果我有需要可以揾工醫務社幫我,請你們給我小小意見,還有我想知道MPF計唔計在資產值。

私人傳訊

積分: 45787

好媽媽勳章

55^#

發表於 09-8-5 03:18 |只看該作者

原帖由 candy2107 於 09-8-5 00:08 發表
請問搵工醫務社好,或是自己上社署申請好啦!因為之前我打電話給姑娘講我現在的環境,她說如果我有需要可以揾工醫務社幫我,請你們給我小小意見,還有我想知道MPF計唔計在資產值。 ...

如果你有睇開政府醫生梗係搵醫務社工好, 出面個d有99%會令你失望.
如果要申請法援或綜援, mpf係唔計, 除非你已接近可取回嘅階段. 我諗你唔會好大年紀掛......

私人傳訊

積分: 59

56^#

發表於 09-8-7 19:29 |只看該作者

今日見咗社工, 佢同我講體裇安置係最後一步, 要試咗所有方法都行唔通先可以申請. 同埋我依家冇收入,房署唔會批,因驚我冇能力交租. 所以依家先要做的是申請綜援, 綜援批咗房署就make sure我有租交.

但點樣先符合到"試過所有辦法都行唔通而要申請體裇安置"呢? 佢叫我租房住, 其實呢排我都搵過,租個房都要三千幾, 而且好多業主唔肯租, 因為我有一對仔女,細果個仲係只得6個月. 有d業主仲要我出示收入證明, 我當然冇, 人地見我單親有一對仔女又冇收入證明,都唔肯租俾我.

個社工話綜援大約一個月左右批, 佢見我緊急,就o係個唔知咩基金度撥$3000俾我先. 佢叫我在呢個月裡面去睇樓拎證明, mark低日期同睇左邊度,幾多$租等等, 要證明冇辦法係出面租到地方, 咁佢遞上去先有理據.

即係話, 呢個月裡面係一邊等綜援批,一邊做功課mark低睇樓資料. 到綜援一批左就做體裇安置申請. 希望個社工唔係點我.

個社工仲話佢會send份野叫我醫生填, 然後下星期二做家訪. 佢話如果醫生寫我冇能力工作,會有多d錢,即係傷殘金之類. 其實醫生之前已寫左兩封信,一封俾社署叫佢地批綜援俾我, 一封寫俾房署叫佢地批間屋俾我, 我亦將呢兩封信交左俾社工,但仲要攪咁多野, 唔知係咪留難我.

個社工仲話,體裇安置係冇得揀區份的, 俾邊度都要接受.

依家要等一個月後綜援批左先入紙申請,之後又要等幾個月, 真係頸都長埋.

社工話如果依家我老豆果度真係咁惡劣就出去租住地方先, 但我又驚一去出租左地方就好耐都唔俾樓我上.

私人傳訊