吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 14歲仔自理能力仲好低，點算？

自由講場今日: 1290|主題: 1346728

收藏本版

發帖

返回列表

跳至頁

樓主: mickychow

14歲仔自理能力仲好低，點算？ [複製鏈接]

1 234

21g

男爵府

積分: 7450

41^#

發表於 09-8-31 20:23 |只看該作者

照咁講,真係驚佢,有乜隱性既障礙,搵社工幫下手,睇下有冇辦法,轉介去專科醫生睇睇

如果無事就最好,咁就的佢上大陸讀軍校,唔好係香港讀(應該得掛)

私人傳訊

awah112

禁止訪問

積分: 93097

42^#

發表於 09-8-31 20:29 |只看該作者

提示: 作者被禁止或刪除內容自動屏蔽

私人傳訊

awah112

禁止訪問

積分: 93097

43^#

發表於 09-8-31 20:30 |只看該作者

提示: 作者被禁止或刪除內容自動屏蔽

私人傳訊

21g

男爵府

積分: 7450

44^#

發表於 09-8-31 20:36 |只看該作者

搭錯線,原來樓主唔係咕b

得9歲人仔,咁我都唔舍得送佢上大陸,唔怪之得,佢唔驚,依套方法行唔通,不如唔好理佢,佢鐘意點就點

私人傳訊

咕b

伯爵府

積分: 16040

好媽媽勳章畀面勳章

45^#

發表於 09-8-31 21:20 |只看該作者

我都唔知

我只係知兩個仔嘅性格好唔同, 有d仲好極端.....你哋幫我分析吓......對住個大仔我真嘔哂血.......我老公有兩次激到差d爆血管 (真係血壓勁高入咗醫院)

大仔9歲 :
1. 不求物質生活, 用嘅或著嘅都唔需要全新 / 最好, 只要佢需要時有得用 / 著就好開心, 好滿足
2. 做每樣事都係求其, 是但.....例如著衫, 只要件衫係身上, 冇趺落嚟, 冇話著少隻袖, 佢就覺得冇問題, 就算件衫爛咗, 佢都可以睇唔換過件 (好肯定佢係知), 條褲前後掉轉著......要你叫佢換佢先換
3. 唔鐘意讀書 / 做功課, ok我冇問題, 冇得迫.....但佢永遠係寧願坐係書台對住一大堆功課發夢, 咬手指, 坐係度瞓教......都唔去做, 最近一次係做暑期作業, 佢可以由朝早9點坐到夜晚11點都未做完中, 英, 數, 常各一個練習
4. 老毛病唔會改, 一錯再錯 (話足幾年都係咁).....錯過嘅事我哋三番四次同佢解釋, 教佢下次要點改善, 你有你講, 佢有佢得把口 "哦", 第二日, 係真瞓醒一教嘅第二日, 就即刻再錯, 仲要係錯得一模一樣
5. 好聲好氣話佢做得唔啱 / 做錯, 永遠黑口黑面, 好唔服氣
6. 同人相處, 事事想人服從佢, 唔服從佢就會鬧人, 發脾氣......
7. 踢一踢, 郁一郁, 明明識做, 知道要做, 你唔叫佢都唔會做, 佢自己食嘢, 整污糟地方, 永遠要人叫先會去整返乾淨, 但係唔係唔知架喎, 不過就好似係博你睇唔到, 博你唔知, 可以做少樣
8. 比人鬧 / 要佢用腦, 佢就永遠只會扮木頭, 唔出聲應你, 諗唔明唔會出聲問, 你有你講, 佢有佢發夢, 佢可以發夢發到, 你鬧完佢, 佢都唔會知, 仍然企定係度等你繼續鬧
9. 對每樣事都冇興趣, 所有興趣班佢都唔鐘意, 曾經少有地佢自己提出想學畫, 可惜, 返唔夠3堂, 比老師投訴
10. 佢生命中, 好似所有事都唔重要, 只要有得食, 有得玩, 有得瞓, 有電視睇就可以, 吃喝玩樂樣樣都唔識自制
11. 唔會諗清楚咩可以做, 咩唔可以做, 就算明知做完會比人罰, 比人鬧, 佢都會因為自己鐘意 / 貪玩而去做
12. 基本嘢, 唔係唔識做, 唔係唔知幾時做, 但永遠都係跟人做,
凍, 冇人叫佢佢唔會著多件衫, 見人哋著佢先著 (明明自己唔凍, 佢都會照跟)
熱, 冇人叫佢除衫佢唔會自己除, 見人除先除 (同上啦, 自己唔熱都照跟)
餓, 唔會自動開口同我講, 次次都係細佬話肚餓, 佢先會話 "我都係呀"
渴, 細佬唔去斟水飲, 佢可以全日唔飲一啖水 (試過細佬返婆婆度, 我又唔出聲, 佢真係全日唔飲一滴水)
飽, 永遠都係我哋話佢先停口, 試過我哋未飽仲食緊, 佢又跟住食, 最後飽到嘔.....
所有嘢, 你唔出聲問佢, 佢都唔會自己講

細仔7歲
1. 同大仔一樣, 唔求物質生活, 用 / 著嘅只要有就滿足, 唔需要全新
2. 做事執著, 要做到最好
3. 鐘意學嘢, 樣樣事都問, 樣樣未試過嘅都想去試 / 學
4. 潔癖, 同樣地, 食完嘢如果整污糟地方, 細仔會即刻掃 / 抺, 唔需要叫都自動波攪掂
5. 做錯事, 比人鬧過一次就以後唔敢, 就算真係有第二次錯, 都會同第一次相隔好耐好耐.....
6. 睇電視, 唔會套套卡通 / 劇集都追, 好有選擇, 睇到佢覺得夠 (通常都係一個鐘左右, 放假會睇多少少), 佢會自己熄電視, 玩電腦 / 玩具, 好有節制, 唔需要我叫佢, 佢會自動波睇鐘做人, 夠鐘就停, 佢多數都限住自己一個鐘
7. 吃喝玩樂, 樣樣都好識自制
8. 好識分有d咩係應該做, 咩係唔做得, 唔做得嘅, 就算打死佢都唔會做

都唔明點解咁極端.......大仔咁我真係唔識教.....唔知點算好....好擔心佢日後上中學, 日後出嚟做嘢真係唔知點算

原帖由 awah112 於 09-8-31 19:28 發表

會唔會大仔既個性就係咁隨遇而安，比較樂天？我太太既個性就係咁。

私人傳訊

咕b

伯爵府

積分: 16040

好媽媽勳章畀面勳章

46^#

發表於 09-8-31 21:24 |只看該作者

我試過, 所有可行方法都試過......亦有同學校傾過, 學校老師好幫我, 知道大仔做功課時間用得太長, 所有係缺點係學校都有表現出嚟, 學校同我夾計, 要我set比佢功課, 過鐘唔准做, 留返比老師處理, 老師真係罰佢留堂, 亦試過每日嘅功課, 即日留堂做哂先返屋企, 老師陪佢陪到7點幾, 係由3:30落堂開始, 做到7點幾, 連續一個月......佢都係咁, 老師都冇辦法.......唯有見步行步, 大家諗計再夾

話送佢走我都有試過, 但佢都係唔驚......

原帖由 21g 於 09-8-31 20:36 發表
搭錯線,原來樓主唔係咕b

得9歲人仔,咁我都唔舍得送佢上大陸,唔怪之得,佢唔驚,依套方法行唔通,不如唔好理佢,佢鐘意點就點

[ 本帖最後由咕b 於 09-8-31 21:27 編輯 ]

私人傳訊

aromama

公爵府

積分: 26478

2024年龍年勳章環保接龍勳章

47^#

發表於 09-8-31 22:09 |只看該作者

唉！樓主，我個仔都係咁，佢仲半年無學返，同佢大大話話，見過十餘間學校，但每次學校唔收佢，我都好矛盾，又開心又擔心，開心嘅係當佢受到挫折，下次INTERVIEW又認真一點，擔心嘅係又無學校收佢。

到5月尾，佢接受我提議去BOARDING（深圳），上星期他已開課，最初小小事都打電話比我，不停問點算點算，我話: 我好想幫你，但我又唔嚮學校，點幫呢？自己解決唔到，就搵人幫手。
咁樣佢就自生自滅過左一個星期，返到家中，無同家姐爭吵，無話過我煩，仲有多個久違了的擁抱及吻吻，遲到的懷習慣都有改善，當然仍然有改善空間，但起碼無家噪屋閉，5天令他改變頗大，反叛咗承兩年啦，而家好似有返個仔咁，真係開心到爆。
樓主，我唔係叫你仿傚我，因為每個人接受事物情度都不同，只係想話你知，第一千祈唔好放棄，總有一天，你的付出會得到仔仔認同，第二小朋友真的要給他磨練，我希望你搵到方法調節仔仔的處事方式。

私人傳訊

polar

等待驗證會員

積分: 435

48^#

發表於 09-8-31 22:33 |只看該作者

回覆 3# 咕b 的文章

咕b
我睇完內容,我覺得你偏心細仔,大哥自信心根本不夠,倒不如少做少錯,或跟住細佬做.
不過佢已9歲,很多嘢已根深蒂固,相信都幾難有大改變,如不啱聽,請見諒.

私人傳訊

咕b

伯爵府

積分: 16040

好媽媽勳章畀面勳章

49^#

發表於 09-8-31 23:01 |只看該作者

唉

我對兩隻仔自細都係一樣, 獎罰分明, 兩個提出嘅嘢, 只要係合理, 我都會比佢哋去做, 但唔合理, 就一概唔准做, 做錯事嘅, 初犯都會比機會去改, 係我心底, 同一件錯事, 唔超過3次, 我係唔會罰, 只會警告.....我唔敢講對兩個都100%一模一樣, 但兩個我都要求最基本, 讀書唔一定要叻, 但最低要求係, 唔准欠交, 唔准講大話, 可惜, 大仔對我呢個基本要求, 由k1到而家升p4, 都未有一日改過, 大話越講越強......老實講, 細仔曾經對我講過一次大話, 嗰次我刻意係大仔對面前好惡, 好嚴厲咁去 "教訓" 細仔, 目的係希望細仔試過一次後果之後, 知道嚴重性, 會一次斷尾, 第二, 係想比大仔知道, 佢咁多次大話我都不停忍, 不停氹, 如果再有下次, 後果可能同細佬一樣, 希望佢會知驚, 會有改善......但佢......親眼睇到後果, 不但冇改, 仲要繼續.........

我亦好多好多......次同佢講, 有咩事, 要講出嚟, 唔係所有事你都可以處理到, 講出嚟, 講埋你自己嘅睇法, 大家一齊商糧點去解決件事.......佢都係一樣.......乜都我行我素

機會兩兄弟都有, 大仔機會仲比細仔多, 我哋反而成日比人話偏心大仔, 點解咁都仲忍, 點解唔罰........細仔都成日話我哋 "阿哥做錯你又唔罰, 淨係話吓佢就算, 我做錯就罰我"..........有時我真係好難平衡

原帖由 polar 於 09-8-31 22:33 發表
咕b
我睇完內容,我覺得你偏心細仔,大哥自信心根本不夠,倒不如少做少錯,或跟住細佬做.
不過佢已9歲,很多嘢已根深蒂固,相信都幾難有大改變,如不啱聽,請見諒. ...

私人傳訊

Hoining

禁止訪問

積分: 39090

畀面勳章

50^#

發表於 09-8-31 23:23 |只看該作者

提示: 作者被禁止或刪除內容自動屏蔽

私人傳訊

21g

男爵府

積分: 7450

51^#

發表於 09-8-31 23:41 |只看該作者

咕b,

你唔好介意我咁講,我都幾認同hoining既意見,你出盡辦法都搞唔掂,真係可能有d野,我唔知點講,我唔識d專業名詞,亂講驚你有hard feeling

私人傳訊

NatalieMaMa

子爵府

積分: 12159

畀面勳章

52^#

發表於 09-8-31 23:52 |只看該作者

原帖由咕b 於 09-8-31 23:01 發表
唉我對兩隻仔自細都係一樣, 獎罰分明, 兩個提出嘅嘢, 只要係合理, 我都會比佢哋去做, 但唔合理, 就一概唔准做, 做錯事嘅, 初犯都會比機會去改, 係我心底, 同一件錯事, 唔超過3次, 我係唔會罰, 只會警 ...

你有冇試過獎勵大仔, 比佢有番少少成功感?

私人傳訊

咕b

伯爵府

積分: 16040

好媽媽勳章畀面勳章

53^#

發表於 09-9-1 00:03 |只看該作者

21g, hoining

我明白你哋意思, 唔緊要架....好多謝你哋坦白

舊年大細兩隻仔一齊入新學校 (同一間, 細仔升小一, 大仔轉新校第一年), 開學之後, 好快好快, 學校就聯絡我, 學校同我講過, 發現我兩個仔嘅問題, 跟住學校幫兩個仔做咗一年評估, (細仔一早係幼稚園時期已經有幾位老師同我講過, 不過一直都冇急住去做test), 點知, 原來大仔都係.......而家等緊學校心理專家.......到時再決定

原帖由 21g 於 09-8-31 23:41 發表
咕b,

你唔好介意我咁講,我都幾認同hoining既意見,你出盡辦法都搞唔掂,真係可能有d野,我唔知點講,我唔識d專業名詞,亂講驚你有hard feeling

[ 本帖最後由咕b 於 09-9-1 00:11 編輯 ]

私人傳訊

咕b

伯爵府

積分: 16040

好媽媽勳章畀面勳章

54^#

發表於 09-9-1 00:10 |只看該作者

有, 好多, 口頭鼓勵說話, 讚賞說話.....實質嘅買禮物獎比佢, 帶去佢玩都有, 都係佢自己決定買咩做禮物, 去邊度玩.....兩兄弟都有同等嘅話事權, 我務求做到佢哋覺得係公平嘅, 可能今次阿哥做得比較好, 或者阿哥決定 / 提議比較好, 我就會選用, 又會同返細仔解釋, 點解要跟阿哥決定 / 提議.......相反, 如果係細佬嘅比較好, 我都一樣係咁同返阿哥講......

其實邊個講, 邊個提議我都覺得冇所謂, 主要都係想佢哋覺得, 唔係所有嘢都係阿爸阿媽話點就點, 係想比佢哋覺得, "原來我都可以話事", 想比佢哋開心吓, 滿足吓, 有d成功感, 比佢覺得原來佢諗嘅都唔係咁差, 原來佢諗嘅都可以好好, 可以比人接受.....解釋, 只係想令另一個個心會舒服, 唔會失望, 唔會覺得自己所諗嘅比對方差, 但賓際上, 我內心好清楚計住, 其實一人一次, 今次揀咗同阿哥, 下次一定係細佬........

原帖由 NatalieMaMa 於 09-8-31 23:52 發表

你有冇試過獎勵大仔, 比佢有番少少成功感?

[ 本帖最後由咕b 於 09-9-1 00:12 編輯 ]

私人傳訊

ABBC

子爵府

積分: 13533

55^#

發表於 09-9-1 00:11 |只看該作者

原帖由咕b 於 09-9-1 00:03 發表
21g, hoining

我明白你哋意思, 唔緊要架....好多謝你哋坦白

舊年大細兩隻仔一齊入新學校 (同一間, 細仔升小一, 大仔轉新校第一年), 開學之後, 好快好快, 學校就聯絡我, 學校同我講過, 發現我兩個仔嘅問題, 跟住學 ...

咕b~~~你自己唔覺得自己偏心係無用架~問下你自己身邊既人~要佢地講真話好過喇~!
好似我家姐同姐夫~講就話自己對兩個仔都一樣~~!我眼睇好多野都唔係囉~不過如果當事人都唔去理呢d問題~試問我呢個做阿姨既~可以講咩野丫?我覺得試下同你身邊既人傾左先~!了解過自己既問題~再同個小朋友傾~睇下你覺得既問題同佢本身發生既問題想法係咪一樣啦~

私人傳訊

常在坤

大宅

積分: 3217

56^#

發表於 09-9-1 00:14 |只看該作者

咕B:佢D専注力0K(唔計睇電視、打機、上網呢D)?上堂老師有冇話佢點?專注定雲遊?有冇約過學校既兒童心理學家見見(其實妳可主動同老師或註校社工要求約見)?其實見見都冇仿,等佢同下心理學家傾下計,而心理學家又可以比D意見妳睇下邊方可以改善問題或幫佢做個評估對妳或小朋友冇壞

私人傳訊

咕b

伯爵府

積分: 16040

好媽媽勳章畀面勳章

57^#

發表於 09-9-1 00:16 |只看該作者

我係上面都有講過, 身邊嘅人唔係話我偏心細仔, 佢哋反而係話我偏心大仔

連細仔都咁話我.....

身邊嘅人成日都話我, 其實細仔仲細, 應該睇多d, 但偏偏因為細仔問題唔多, 反而大仔問題成日有, 佢哋話我成日只會諗方法希望可以教返好個大嘅.....細仔好多嘢我都忽略咗, 放低哂比返細仔自己攪掂

原帖由 ABBC 於 09-9-1 00:11 發表

咕b~~~你自己唔覺得自己偏心係無用架~問下你自己身邊既人~要佢地講真話好過喇~!
好似我家姐同姐夫~講就話自己對兩個仔都一樣~~!我眼睇好多野都唔係囉~不過如果當事人都唔去理呢d問題~試問我呢個做阿姨既~可以講咩野 ...

私人傳訊

咕b

伯爵府

積分: 16040

好媽媽勳章畀面勳章

58^#

發表於 09-9-1 00:27 |只看該作者

大仔上堂係超遊魂, 細仔有時會遊吓, 但兩個都係唔駛上堂, 功課都識做, 但要睇心情, 鐘意就做, 唔鐘意打死佢都唔做, 但佢嘅唔鐘意係佔咗99.99999.......%, 細仔情況差唔多, 唯一比較好嘅係, 細仔知, 如果佢唔乖, 功課做唔好, 我會唔開心, 所以佢會自動波, 但細仔唔鐘意指數都佔咗80%

學校已經幫我兩個仔做咗一年評估, 初步評估大仔係尊注不足資優, 細仔都係資優(幼稚園時老師已經90%肯定, 因為學嘢超快, 領悟力高, 記憶超強......但我冇帶佢去test), 但就未肯定屬邊一種, 可能係情緒控制較弱......不過學校幫我細仔跟咗一年, 而家佢情緒好咗好多.......

而家所有嘢都係聽學校講, 最終都係要等心理學家