Re: 怎樣回應對母乳不理解的說話
好耐無上bk了,睇到這個topic, 真係好有感覺, 上個星期去飲, 一圍檯12個人,有男有女有老有嫩, d三姑六婆聽見我個女食人奶, 就七嘴八舌, 不停講, 勸我同bb介人奶, 真恐怖, 當時真係唔知好嬲定好笑, 我最討厭呢d唔知頭唔知路, 又無經驗, 但就一副"專家"同"好言相勸"的樣子一開口就叫你介人奶,我通常答完一句佢一句"係呀"笑一笑就擰轉頭,費事浪費口水.
那天我和隔離既女人有以下對話:
"bb幾大?"
"11個月."
"好細粒喎, 食幾安奶呀?"
"唔知喎, 佢食人奶架.我地無量的."
"吓,依家仲食人奶呀? 點觧唔食奶粉呀, 要同佢介啦!"
"唔緊要架,世衛話可以餵到兩歲."
"我知,但11個月要介啦,點解唔同佢介呀, 無營養啦.你要慢慢同佢轉架啦!"
(講到呢度,我已經唔想彩佢,但佢依然繼續...)
"你要同佢轉奶粉,等佢大隻d,多d營養呀!"
"佢依家11個月,差唔多出牙架啦, 佢一出牙就會咬你架啦! 你依家快d同佢介左好d!"
(我最憎d人就係咁九唔搭八咁為講野而講野,幾多媽咪比呢d人害到唔餵人奶!!!
)
"差唔多出牙?! 我個女有八隻牙啦!"
當堂窒左一窒,無聲出,跟住先面懵懵,瞪大隻眼問"佢無咬你咩?"
"唔會咬架,bb識得分架,佢咬我腳,咬我手,咩玩具都咬,就淨係奶唔會咬,一開口就一定係啜!"
其實我想總結係唔一定祇係餵母乳的問題,在湊bb方面,新手媽媽往往會遇到好多不同的"專家"來教你,佢地大部分都係與你生命無關的人,為交際應酬而講野,實在無須太上心或介懷.再者,有個支持你的丈夫,能和你有育兒的共識,一起照顧教育bb才是重要.
我的寶貝女朗朗在5月25日早上7:40分出左世.仍然是全人奶bb,唔肯飲奶粉的體重記錄
5/25 --2.7kg 43cm 6/1 --
6/5 --2.76kg 6/11 -3.02kg
6/18 --3.3kg 6/28 -3.75kg
7/5 --4.1kg 58cm 8/5 --5kg
10/4 --6.06kg 12/6 -- 6.46kg
無磅好耐啦,費事磅,反正都係xs碼,我個女食得行得睡得玩得排牙仲好駛得,又好精力過d大人,足以累死你,磅數仲算d咩呢
,我有時都有諗過唔再比佢食人奶,但聽到佢好可憐個一句話,我即刻心都軟晒!就算佢而家食奶時比人話佢醜,我哋都唔會理,會扮聽唔到,昊昊就用眼尾瞄一瞄話佢個個人,跟住個樣好得戚咁食奶,我就剩係睇到佢好滿足個樣就咩都聽唔到 
發表於 
返回列表
