吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 99叫我地點都要慳返d錢俾"大陸d人" ...

婆媳關係今日: 0|主題: 27759

收藏本版

發帖

返回列表

跳至頁

樓主: pomanlife

99叫我地點都要慳返d錢俾"大陸d人" [複製鏈接]

1 23

pomanlife

彩鑽殿

積分: 600188

父親節2025勳章母親節2025勳章 2025勳章蛇年勳章 2024年龍年勳章虎到金來勳章牛年勳章 2018復活節勳章 2018母親節勳章 2018父親節勳章畀面勳章叻叻勳章有「營」勳章好媽媽勳章環保接龍勳章大廚勳章親子達人勳章 wyeth冷知識勳章遊學勳章 BK猜猜猜慶中秋冬日勳章春季勳章炎夏勳章秋日勳章 BK Milk勳章 hashtag旅遊勳章 hashtag影視迷勳章育兒性格勳章認識瑞士牛牛第一回認識瑞士牛牛第二回認識瑞士牛牛第三回認識瑞士牛牛第四回最關心BB問題熱投勳章 Xmas吸收勳章美好大世界2017勳章開心吸收勳章 HiPP勳章(1)

41^#

發表於 10-5-5 10:37 |只看該作者

A.C.C 我都好明白你既處境, 你既階段我都經歷過, 正所謂當局者迷, 單憑我地同老公講既, 老公一定會狂插我地, 覺得我地冷莫無情, 佢屋企有事都唔幫. 相反, 如果搵個外人, eg. 男家嗰邊表乜表乜既親戚或者你老公既朋友, 可以搵人點醒佢.

我奶奶佢刮晒d錢d錢係有佢目的架.
第一, 佢可以幫個大仔,
第二, 佢攞晒兩個仔d錢, 嗰兩個仔邊度仲有錢搬走姐? 咪局住要係99層樓度住囉, 咁局住係佢層樓度住, 咪局住要俾錢佢... ... 呢個係一個惡性循環.
第三, 兩個仔都同佢一齊住喇, 咁可以有穩定既資金供應俾個大仔

咁99局我地同佢住, 被迫既當然住得唔開心啦. 咁我老公咪叫我地去睇樓, 佢話幫下我地, 咁我搵啱左, 叫我老公去睇, 佢死都唔肯去, 跟住我地咪嘈左鑊勁金既.

事因係99眼中, 我地係好窮既, 未結婚前, 到結左婚, 99從來唔黎我度坐既, 睇唔起我地, 因99話佢有2層樓, 我地得1層樓, 佢個單位裝修都用左20萬, 後尾, 到我生左bb返外家坐月, 99先免強上去. 99覺得我外家咁鬼窮, 邊有錢拎到出買樓, 覺得我地冇辦法, 結左婚一定要靠佢提供既地方黎住. 佢諗住咁, 我地無論幾迫都會留係佢度住.

真係搞到離婚, 咁我地傾唔掂數, 佢話離婚, 咁我咪send晒d msg 俾佢d表乜表乜, 同輩既, 同佢地都ok啱傾. c6表乜表乜嗰d打黎問我地咩事搞到咁大鑊, 我咪將d情況講晒佢知囉. 咁佢表妹幫我鬧醒左佢.

唔知叫好彩定唔好彩, 福建人可能真係咁, 老公係福建人, 佢表妹又嫁返福建人, 表妹嫁既老公, 又係將所有收入交晒俾佢阿媽(表妹99), 表妹都係一個人養個仔, 表妹成日要求搬走, 佢老公又唔肯, 死都痴住佢老母. 表妹99仲衰到成日係個仔背後篤佢點對99唔好. 表妹都好想離婚, 不過佢老公話一定要同佢爭個仔, 表妹都係為左個仔而忍.

老公俾佢表妹鬧醒左之後, 後尾我地先至買左層樓.

咁老公依家都算清醒左, 佢話會為左我地頭家努力, 同埋後悔點解當初唔留返d錢係自己身邊... ...

實際上, 老公同二伯心目中都知道99既"目的". 我同你唔同既, 大伯係99眼中非並"大食懶", 係99眼中, 係一個非常叻, 而且有能力既人, 99話大伯最適合係搞"生意".

"生意" 只可以嘆一句"富貴險中求".

二伯知道大伯搞嗰d咩"生意", 叫佢唔好搞, 因為依家幾兄弟都結左婚, 有家室, 唔係話你一句有事, 要錢, 就可以拎到俾你. 二伯既忠言逆耳, 大伯因為二伯咁講, 仲嬲埋二伯添, 覺得二伯係度阻佢發達.

大伯上年先欠左債, 99幫佢清左, 今年初, 二伯話佢又有錢搞"生意". 冇錢還債, 又有錢做生意???
你覺唔覺得奇怪呢

私人傳訊

pomanlife

彩鑽殿

積分: 600188

42^#

發表於 10-5-5 10:41 |只看該作者

原帖由 yyy008 於 10-5-4 14:49 發表
收集晒 6th 嫂既惡行證據... 每月要支出多少錢比佢外家.. 要有單有據.. 最緊要證明佢一個人養唔掂對仔女... 再同佢講法庭見.. 離婚咪離包佢囉.. 等個官判小朋友跟邊個囉! 不過... 我都驚個官會判返比媽媽.. 你99叫挑 ...

99點會識諗咁多野, 晒氣啦!

大6嫂一話離婚, 帶走仔女, 99驚到腳都軟埋啦.

大6嫂講乜, 99都照做架. 你睇下62過身, 大6嫂朋友拎左300蚊帛金黎, 大6嫂叫99攞返, 99即俾. 一句野都冇講.

好似二伯話齋, 大6嫂住緊層樓係99既, 係hk朋友又冇, 親戚又冇, 學人話走佬? 走得去邊???
除非佢搵到第二條佬, 要跟佬走姐!

私人傳訊

pomanlife

彩鑽殿

積分: 600188

43^#

發表於 10-5-5 15:40 |只看該作者

原帖由 rainbowlamlam 於 10-5-4 19:25 發表
咁而家你C6點諗先?如果佢都堅持唔幫既就OK啦,但如果佢要幫既咪嗌離婚囉!係就係衰D,但冇辦法喎!我唔信咁樣佢都幫\_/
供養照顧一個養大你C6既人係好應分,但你而家供養果個,係大佬喎....,佢唔照顧D細佬都算啦,要細佬養 ...

99先唔會驚我離婚呀, 我個仔又唔係長子嫡孫, 你離婚咪仲好, 佢個仔可以返返屋企住, 佢收入多d, 益埋佢添呀.

可能連c6俾我地既膳養費都從刮埋佢既, 到時仲傷

不過我之前都通知晒佢所有親戚, 話俾佢地知離婚, 但冇通知99, 99嗰d親戚有問過我咩事, 我都講左出黎, 唔知佢地有冇同99講過, 不過係99冇係我面前話我係佢親戚度講佢, 我亦都唔理佢知唔知.

大家假鬥假

私人傳訊

rainbowlamlam

複式洋房

積分: 176

44^#

發表於 10-5-5 21:05 |只看該作者

之前睇到個sis講得好o岩,你99生一個咪算囉,生3個黎做咩呢?都唔當佢地係仔架啦=.="

私人傳訊

fairyfloss

男爵府

積分: 9660

45^#

發表於 10-5-6 03:19 |只看該作者

唔生第二,三個點樣屈佢哋錢

原帖由 rainbowlamlam 於 10-5-5 21:05 發表
之前睇到個sis講得好o岩,你99生一個咪算囉,生3個黎做咩呢?都唔當佢地係仔架啦=.="

私人傳訊

pomanlife

彩鑽殿

積分: 600188

46^#

發表於 10-5-6 11:18 |只看該作者

原帖由 rainbowlamlam 於 10-5-5 21:05 發表
之前睇到個sis講得好o岩,你99生一個咪算囉,生3個黎做咩呢?都唔當佢地係仔架啦=.="

我99話佢想追女, 後尾生左3個仔, 跟住第4個有左, 驚又係仔, 所以落左唔要喇

99話佢嗰D仔唔洗食乜好野, 個個係鄉下都食蕃薯食大既, 個個都食到咁大隻喎.

私人傳訊

A.C.C.

大宅

積分: 3786

47^#

發表於 10-5-6 11:37 |只看該作者

原帖由 pomanlife 於 10-5-5 10:37 發表
係99眼中, 係一個非常叻, 而且有能力既人, 99話大伯最適合係搞"生意".

"生意" 只可以嘆一句"富貴險中求".

奶奶眼, 大伯都係一個"生意奇材", 佢前前後後搞咗6,7檔生意(飲食運輸傳銷零售乜都有), 蝕成超過200萬, 都係"佢運氣唔好", 相反, 我地老老實實打份工, 就俾大伯話"一世都無出頭"

原帖由 pomanlife 於 10-5-5 10:37 發表

二伯知道大伯搞嗰d咩"生意", 叫佢唔好搞, 因為依家幾兄弟都結左婚, 有家室, 唔係話你一句有事, 要錢, 就可以拎到俾你. 二伯既忠言逆耳, 大伯因為二伯咁講, 仲嬲埋二伯添, 覺得二伯係度阻佢發達.

一樣, 我老公同大伯都講過呢句, 結果俾大伯cut線

我大伯仲有一招絕招, 就係"借財仔", 上次佢想要錢, 奶奶一時俾唔到, 佢居然係財仔公司門口打電話俾奶奶, 話依家就要同財仔借啦, 結果係奶奶急call番緊工嘅我地, 老公同公司請幾個鐘頭假去送錢......

私人傳訊

rubyplk

水晶宮

積分: 70794

玩具勳章好媽媽勳章醒目開學勳章畀面勳章有「營」勳章貢獻勳章 2011精緻種植勳章環保接龍勳章大廚勳章 hashtag影視迷勳章

48^#

發表於 10-5-6 12:57 |只看該作者

原帖由 pomanlife 於 10-5-6 11:18 發表

我99話佢想追女, 後尾生左3個仔, 跟住第4個有左, 驚又係仔, 所以落左唔要喇

99話佢嗰D仔唔洗食乜好野, 個個係鄉下都食蕃薯食大既, 個個都食到咁大隻喎. ...

佢緊係想追個女啦~
嫁女有禮金呀MA!!!!
生仔未蝕囉:;pppp:

私人傳訊

pomanlife

彩鑽殿

積分: 600188

49^#

發表於 10-5-6 14:35 |只看該作者

原帖由 A.C.C. 於 10-5-6 11:37 發表

奶奶眼, 大伯都係一個"生意奇材", 佢前前後後搞咗6,7檔生意(飲食運輸傳銷零售乜都有), 蝕成超過200萬, 都係"佢運氣唔好", 相反, 我地老老實實打份工, 就俾大伯話"一世都無出頭"

一樣, 我老公同大伯都講過呢句, 結 ...

同你差唔多啦. 二伯做地盤唔係個個月都咁好景, 奶奶就話佢搵唔到錢, 要同佢搭路去菲律賓做生意.

(係好多年前, 奶奶已經推二伯去過一次, 奶奶當地有個親戚話幫佢搵到咩做酒樓生意, 本金要二, 三十萬, 二伯聽到拿拿聲走, 如果有咩好賺, 你地都做左啦, 仲要等我去做咩)

今次又要二伯去, 做生意既本金係要二伯自己俾, 二伯依家有老婆, 就黎生仔, 佢話唔會掉低老婆仔去嗰度做生意, 而且做生意有風險, 一陣連本都食埋, 老婆仔就真係食風.

老公同二伯感情好好既, 老公都叫佢唔好去,菲律賓治安唔好, d人有槍, 村度都有幾個俾當地菲律賓人"隊冧"差.

99聽到佢地咁講梗係唔開心啦, 話佢識xx搵到幾多幾多錢, xx又過億身家... ...

唔同$$$真係重要過個仔條命咩????

比著我, 我寧願個仔安安穩穩係hk度過日子啦.

私人傳訊

pomanlife

彩鑽殿

積分: 600188

50^#

發表於 10-5-6 14:40 |只看該作者

原帖由 rubyplk 於 10-5-6 12:57 發表

佢緊係想追個女啦~
嫁女有禮金呀MA!!!!
生仔未蝕囉:;pppp:

nonono, 佢地福建人嫁女觀念同我地唔同

福建人係貼錢送個女出門, HK人係收左男家d錢再送女個女出門, 係唔同架

99話佢福建人娶新抱先賺錢, 男仔去接新娘, 係女家封返一封"大利是"俾返男家架.

好似二伯結婚咁, 佢去接二嫂時, 二嫂外家封左"大利是"俾二伯帶二嫂返男家.

唔係講笑, 真係"大利是"10萬HKD & 10萬人仔

之前我結婚時, 99同我講, 佢地福建人娶新抱, 唔係女家問男家攞錢, 係我地男家驚你拎唔夠錢黎... ...

見識過二伯收左嗰封"大利是"之後, 我信喇