吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 高齡意外懷孕，老公話唔想要，點算？

夫婦情感今日: 8|主題: 42780

收藏本版

發帖

返回列表

跳至頁

樓主: GettingLost

高齡意外懷孕，老公話唔想要，點算？ [複製鏈接]

1 234

lovelybearbear

大宅

積分: 2022

41^#

發表於 10-7-29 18:18 |只看該作者

原帖由 123!@# 於 10-7-29 13:21 發表
你放心, 我都支持你既講法, 好彩你講先......

插就插我先丫麻.....死野!

開始黎料喇......因為我心虛, 所以唔再發言了......怕怕.

樓主, 你一直都未講有左幾個星期, 如果bb已經有左10-12星期以上, 講真比我一定唔會落左去. 因為已經有初形, 已經好穩定生長, 如果係好早期, 你都仲有得選擇......所以, 都係好好同老公傾下, 找一個共識, 去面對日後既日子.

各人生活環境唔同, 所比既意見都唔同, 所以唔好太在意網上既言論, 呢度好多媽媽都出於好意, 最重要係, 隨心而行, if落左, 個心唔好過既, 千其唔好落, 唔好令自己遺憾一世.

你有無看"靓太唔易做", 正正有個靓太個case同你一樣, 最後, 萬般不願意既情況下, 選擇要左.

充心祝福你們一家.

[ 本帖最後由 lovelybearbear 於 10-7-29 18:37 編輯 ]

私人傳訊

小manman

翡翠宮

積分: 86744

42^#

發表於 10-7-29 18:40 |只看該作者

原帖由 lovelybearbear 於 10-7-29 10:26 發表
我地呢d"三唔識七"既, 梗係叫你要啦, 湊o個個係你, 關我地咩事. 所以你o係度問我地意見都多餘.

你想下, 當個bb20歲時, 個老豆都要捱到70, 你都要捱到60歲, 人生無常, 你想下有無命看埋佢畢業&生仔? 等佢有能力請你 ...

講得好

如果係我都唔會生囉!!!

都有兩個喇,又唔係無,老公又唔多想要,年紀又唔係細,過多十幾廿年個小朋友都未出身就已經要退休,仲點供到佢讀大學呀

私人傳訊

小manman

翡翠宮

積分: 86744

43^#

發表於 10-7-29 18:46 |只看該作者

原帖由 lovelybearbear 於 10-7-29 18:18 發表

插就插我先丫麻.....死野!開始黎料喇......因為我心虛, 所以唔再發言了......怕怕.

樓主, 你一直都未講有左幾個星期, 如果bb已經有左10-12星期以上, 講真比我一定唔會落左去. 因為已經有初形, 已經好穩定 ...

你好勇呀

夠膽咁講,我係bk留言都好小心架!!!

因為呢度講d同其他人唔同的意見時,就好容易比人圍插,所以我回應前通常都會睇哂d留言先,如果我心裏面的答案同佢地唔一樣,我就選擇唔回應~~~
實在見得太多,所以係bk留言要記住慎言

私人傳訊

sharonwing_17

大宅

積分: 2494

好媽媽勳章

44^#

發表於 10-7-29 18:55 |只看該作者

個男人無避孕個女人就唔識去做??
大肚2個都有責任怪得邊個
不過多數都係怪個男嫁啦

私人傳訊

chuiiris

大宅

積分: 1507

45^#

發表於 10-7-29 18:57 |只看該作者

如果樓主, 你自問可一力成擔, 自已可搞掂bb全部, 就吾駛問人, 如果吾係, 你一定要有老公支持至好要.

無你身邊親人支持, 別人說什麼都是假.

私人傳訊

sshoi

大宅

積分: 4598

46^#

發表於 10-7-29 20:31 |只看該作者

選擇生唔生BB﹐唔應該係已經有左之後﹐而係兩個人做之前。除非兩個人係畀人搵槍指住先去做﹐否則個責任完全喺兩個大人身上。將個責任推畀個BB要佢去用死亡來承擔﹐已經係好唔公平。如果仲用什麼經濟環境來做理由﹐就更唔公平。
係﹐生多個BB﹐經濟壓力一定會大D。但我可以話點都可以養得大﹐呢個唔係塘邊鶴講不負責任嘅風涼說話﹐而係因為我係過來人。我之前個貼都有講﹐我都係意外﹐我成長時經歷過嘅窮乏﹐實在唔係三言兩語可以形容到﹐只可以簡單講一句食完一餐唔知有無下一餐。但我好感激我父母無剝奪我生存權利﹐佢地畀唔到我豐富嘅物質生活﹐但卻畀機會我享有生命嘅豐盛。
希望你同你老公選擇唔好犧牲一條小生命。

私人傳訊

瑪利2006

子爵府

積分: 11349

47^#

發表於 10-7-29 21:15 |只看該作者

早幾年前我也曾經勸一位太太,不要做墮胎的決定,記得當時真是不下數次跟她說,也是說老公說不要,自己也不想背負太多責任,我們一行數人跟她說,她老公真是不負責任,一早已溜了出家,只剩下太太跟我們傾,同行中有一位太太,也說出自己的身世,三十多年前她媽媽已有四位小朋友,後來意外的有了這位太太,不是一位,是孖胎,當時,幾十年前比現在更困難,初初她媽媽也打算墮胎,但吃了打胎藥後,bb也無事,最後也把這個龍鳳胎生出來,生活也很困難,只得一個當藥房店員的爸爸賺錢,一星期只見爸爸一次,但自覺很幸福,最後連龍鳳胎也大學畢業,她很感謝媽媽,把她和哥哥生出來,可能以前的落胎藥太輕,又或許天意叫他們出世;說返回頭,我勸告的那位太太,最後也不聽我勸告,;所以,前面的太太們說得對,我們說什麼也無用,最後是你自己決定,但請你緊慎,三思,畢竟,這是一個生命,是你和你先生的生命的延續,請三思而後行,祝福你.

私人傳訊

MRS.KAREN

水晶宮

積分: 63427

2025勳章蛇年勳章 2024年龍年勳章玩具勳章冬日勳章好媽媽勳章醒目開學勳章

48^#

發表於 10-7-29 22:34 |只看該作者

原帖由 lovelybearbear 於 10-7-29 10:26 發表
我地呢d"三唔識七"既, 梗係叫你要啦, 湊o個個係你, 關我地咩事. 所以你o係度問我地意見都多餘.

你想下, 當個bb20歲時, 個老豆都要捱到70, 你都要捱到60歲, 人生無常, 你想下有無命看埋佢畢業&生仔? 等佢有能力請你 ...

AGREE~~
我自己都係咁諗!!

私人傳訊

smile_tiger

別墅

積分: 680

49^#

發表於 10-7-29 22:58 |只看該作者

一點意見。

父母的關懷及愛護，對小朋友的成長極之重要。而事實上，不少父母都會在不自覺的情況下，長期忽視了他們的子女，對小朋友的成長有頗大影響。這些情況包括：

~ 意外懷孕，而懷孕不在計劃之內。
~ 第2-3個女，而情況是是父親想追仔，在追到仔之前的1-2個女兒。

所以，如果想要個BB，先要考慮父母是否能真心做到想要？如果妳先生唔想要，或最後勉強答應要，這不但對夫婦關係可能做成影響，就算個BB都不是一個最理想的成長環境。

Last but not least，意外懷孕不是任何一方面的單方面責任。「想要」同「唔想要」都只係站於不同角度想法，並冇對錯之分（除非妳們有宗教）。在討論此問題時希望夫婦都能夠理性同心平氣和。要與不要都是一個夫妻的共同決定，在這困難時候就更需互相支持，不要誰埋怨誰呀！

[ 本帖最後由 smile_tiger 於 10-7-29 23:00 編輯 ]

私人傳訊

smile_tiger

別墅

積分: 680

50^#

發表於 10-7-29 23:03 |只看該作者

原帖由 小manman 於 10-7-29 18:46 發表

你好勇呀

夠膽咁講,我係bk留言都好小心架!!!

因為呢度講d同其他人唔同的意見時,就好容易比人圍插,所以我回應前通常都會睇哂d留言先,如果我心裏面的答案同佢地唔一樣,我就選擇唔回應~~~
實在見得太多,所以 ...

哈哈，所以我之前o係另一D topic 話過BK 越來越似高登，不過之後又係比人插，都懶得同D唔講道理既互插了，慳番D力回應D真係值得討論同比意見既仲好~~

私人傳訊

你好嗎

侯爵府

積分: 20329

51^#

發表於 10-7-30 00:40 |只看該作者

其實樓主都幾自私

你都話自己都唔夠時間照顧兩個小朋友,重生多個?
你自己想要,但生左出黎又想人地一齊揍一齊養,人地一早講左唔想,又唔做好避孕,真係咁想要就講掂數先要丫!
人想過得自在d好正常(包括我)!

私人傳訊

CD_BB

子爵府

積分: 10413

畀面勳章

52^#

發表於 10-7-30 09:24 |只看該作者

意外懷孕-----> 樓主都唔想ge~, 但小生命已經製造左就兩公婆都有責任law!
親愛嘅樓主,
有個post講得好, 選擇生唔生BB﹐唔應該係已經有左之後ｇａ！
如果你同你老公一般見識,為了自己可以食好d, 住好d, 享受多d, 難道就殘殺自己兒女的生命嗎？樓主,你心中ｇｅ答案好正確，（我本人的意願是想keep的，）　好好再游說好老公去接受一個自己製造出來ｇｅ小生命，開開心心迎接佢！　2個女兒知道有弟妹，應該很高興ｇｅ！　

　
祝福你.＆　ｂｂ！

私人傳訊

GettingLost

大宅

積分: 2774

53^#

發表於 10-7-30 09:51 |只看該作者

原帖由 hellomag 於 10-7-29 13:03 發表
你吾明我意思,你真係吾明,
我吾係要破解意外之謎, 我只係既嘆邊嚟咁多意外懷孕, 你估仲年少無知咩, 女都2個啦,我係質疑樓主會意外有咗,吾係單方面, 既然老公咁吾想要bb,點解老公吾主動做好安全, 而令樓主意外懷孕 ...

hellomag 的質疑是有理的，我老公說追查也沒有幫助，但亦因好幾次他說「有咗咪生佢出來囉！」，而我亦信以為真，所以防綫就做得不足！怎料真正的想法是有別的。很煩惱.......

私人傳訊

綿綿雨

男爵府

積分: 7080

畀面勳章 BK Milk勳章

54^#

發表於 10-7-30 09:51 |只看該作者

樓主: 個人認為應該以自己能力作準如你身體健康有點錢能夠比到佢幸福應該生下來相反身體唔好又擔子重你又甚麼照顧同比到佢幸福呢
小朋友成長係要好多愛心管教錢 <<訣一不可

私人傳訊

jaycee_mami

珍珠宮

積分: 48209

好媽媽勳章

55^#

發表於 10-7-30 10:43 |只看該作者

原帖由 smile_tiger 於 10-7-29 22:58 發表
一點意見。

父母的關懷及愛護，對小朋友的成長極之重要。而事實上，不少父母都會在不自覺的情況下，長期忽視了他們的子女，對小朋友的成長有頗大影響。這些情況包括：

~ 意外懷孕，而懷孕不在計劃之內。
~ 第2-3個女，而情況是 ...

但年紀大才突然得子, 你地兩公婆要發力在退休前搵多D錢, 生活這麼逼人, 你仲有兩個女咁細, 你地那有時間和精力去教養和關懷多一個"初生"的小朋友呢? 30歲就話可以慢慢捱, 長期唔夠訓都仲得, 但近50歲, 一定會有力不從心的感覺, 想做好D, 但體力和精神上卻應付唔黎.

而且樓主老公年紀唔細, 退休逼在眉捷, 就算你唔想咁快退休, 自問可以做多十年, 但公司要裁員, 你都係要走, 咁你老公肯唔肯走去做看更? 到時佢, 甚至你兩個女可能會埋怨你, 一家人鬧交的機會好大.

私人傳訊

yuyumon

伯爵府

積分: 15018

2025勳章蛇年勳章 2018復活節勳章醒目開學勳章

56^#

發表於 10-7-30 10:58 |只看該作者

我反而看到一個重點係樓主已經講同老公感情唔太好,老公又唔讚成生....呢點大家有看到嗎?

私人傳訊

CD_BB

子爵府

積分: 10413

畀面勳章

57^#

發表於 10-7-30 11:09 |只看該作者

原帖由 GettingLost 於 10-7-30 09:51 發表

hellomag 的質疑是有理的，我老公說追查也沒有幫助，但亦因好幾次他說「有咗咪生佢出來囉！」，而我亦信以為真，所以防綫就做得不足！怎料真正的想法是有別的。很煩惱....... ...

===>樓主, 估唔到你老公同我BB爸爸講左同樣的說話, 但同樣真正的想法是有別的, 隨便說不負責任的話~~~~~
生命來的, 不是隨便說說開玩笑, 我知道我地大人點做錯都好,都唔關個bb事..
我未婚, 但為左肚裡面多左一個既心跳,我選擇左做單親媽媽都唔想剝奪兒子的生存權.

但樓主有一個完整家庭, 更加唔好犧牲一條自己兒女的小生命。

私人傳訊

evelette

大宅

積分: 1880

58^#

發表於 10-7-30 12:00 |只看該作者

這簡直是痛苦而甜蜜的選擇
落左，不人道，母親心裏長期有愧疚感，這是一生一世跟著的心病
生左，現實環境又很殘酷：老公反對、年紀偏大、負擔又重

可唔可以照生，生了之後給沒小朋友的夫婦領養﹖一來bb有機會來這世上，也會有養父母疼，樓主一家經濟又不會受影響

這是兩害取其輕的方法，大家點睇﹖

私人傳訊

pondlily

大宅

積分: 2236

59^#

發表於 10-7-30 13:39 |只看該作者

原帖由 CD_BB 於 10-7-30 11:09 發表

===>樓主, 估唔到你老公同我BB爸爸講左同樣的說話, 但同樣真正的想法是有別的, 隨便說不負責任的話~~~~~
生命來的, 不是隨便說說開玩笑, 我知道我地大人點做錯都好,都唔關個bb事..
我未婚, 但為左肚裡面多左一 ...

身為單親媽媽，有你的辛苦和考慮，但身為樓主，她面對的和你不同，不可以一概而論呀。你不用考慮另一面(丈夫)的想法，而且我想你也比較年輕(又只有一個小朋友?)。

樓主已年紀不小，又有兩位小朋友，坦白說，兩位小朋友也未成人(現今社會，兩個真的很辛苦,..我都有排捱)，如要生多個，是極需要另一半既支持。如果強硬要自己要，會影響到他們的婚姻，更會影響到她兩位小朋友。

所以，這不是"要和不要"的問題。
而是你們兩夫婦一定要有共同同意的選擇。
這就要考考你們之間的愛和處理危機時的功力了。

我覺得這件事決不是你自己的事。
如要為孩子著想，兩夫妻生孩子與否，是兩個人決定(除非你已預計最差打算---沒有老公也可照顧三個孩子)

[ 本帖最後由 pondlily 於 10-7-30 13:47 編輯 ]