吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 有無已經生過的媽咪講下陣痛的感覺...

懷孕前後今日: 1|主題: 330589

收藏本版

發帖

返回列表

跳至頁

樓主: 加而晴媽媽

有無已經生過的媽咪講下陣痛的感覺... [複製鏈接]

1 23

keroppigrace

複式洋房

積分: 397

41^#

發表於 05-7-2 00:45 |只看該作者

Re: 有無已經生過的媽咪講下陣痛的感覺...

陣痛個時好似十級攪肚痛, 唔生又唔得, 差唔多扯爛個枕頭袋,但我好lucky, 3點開始穿水,之後才真正好痛,5點入產房就已經生得, 一定要忍住度氣下巴貼住頸好似痌屎咁用力就可以好順利, 唔係太痛姐...祝各準媽媽加油

預產期係４月１３日啊 10/03 -小Ｂ而家約重２．４ｋｇ 01/04 - 小ｂ而家重約３ｋｇ好緊張，　就快小Ｂ出世啦 :-P 小b終於係08/04出左世啦, 重2.71kg 好開心 :-P 11/05小b重4.01kg啊 08/06去打針, 小b重 5.45kg 今個月去打針又重左啦, 成15磅 10月20日去健康院打針是磅有 8.4 kg

私人傳訊

manchan716

子爵府

積分: 14692

42^#

發表於 05-7-2 01:26 |只看該作者

Re: 有無已經生過的媽咪講下陣痛的感覺...

個時我23號見紅入院,一路都無陣痛,仲行得走得食得訓得,
到咗零晨1點到,開始感覺到個肚有D"拿"住"拿"住咁痛,個肚痛完就輪到條腰骨痛,大約5-10分鐘一次,係唔痛既時候,就迷迷糊糊訓著,之後又痛醒,依個情況維持到朝早6-7點,期間姑娘幫我check過一次,只係啱啱開.
到咗8點到,痛嘅情況勁咗.5分鐘,個時我痛到無辦法訓係床到,我只好係走廊來回咁行,一來咁會舒服D,二來希望行多D
會開得快D.到醫生巡房,佢幫我check都只係開咗1度,我問醫生可否催生(我40週2日)他只係話今日BB晤出世,聽日至催生.唉~~~我心諗,有排......受苦....隔咗無耐10點鐘到,開始大痛,2-3分鐘..個種痛真係難似形容,同埋係痛到想暈想暈,個時我只係係床上典黎典去,但係仲未到極度難受的地步.到咗食飯時間.我媽拎咗腐竹糖水俾我,個時,我真係咩都食啱落,
我媽見我咁,就叫我點無胄口都要食,如果晤係就唔夠力生,我只好逼自己食,食完無耐,我晤知點解全部嘔曬出黎..我淨係知好痛,痛到喊咗出黎...
1-3點鐘係最痛,我係痛到連隔離床位有人推咗入黎我都晤知,姑娘又晤幫我check,只係幫我駁機check住子宮收縮成點,個個姑娘只係話你第一胎,無咁快.子宮收縮只係2-3分鐘一次,我仲可以接受,我當時覺得好無助,姑娘都咁....我唯有死忍..
我只記得自己好似顛婆咁,一痛我就用雙手"mum"住床頭嘅鐵,我件衫又濕曬,額頭全部都係冷汗,眼淚係咁流,對面床既太太見到我痛成咁,幫我叫咗個護士長黎,她黎到問我有咩事,我話我感覺到下面有舊野想頂出黎,她即時幫我check,原來我己開到7度,跟住立刻過床入產房,對面床既太太仲叫我加油,
入到產房,我覺得好凍,個助產士幫我check已開到9度,佢問我試唔試自己生,我連忙話試,係助產士幫助下,用咗半個痛生咗仔仔出黎,諗住痛完啦.點知個胎盤出晤到黎,"痴"住咗個子宮,
個助產士問我之前有無落過仔,我話無.佢話咁樣要打支肌肉軟化針,等我陰道肌肉放鬆,え後再由醫生申隻手入去刮反個胎盤出黎.嘩,醫生刮個時,真係同大陣痛無分別,總共整咗3次,好在醫生同護士好人,不停同我傾計,個醫生仲問我睇唔睇個胎盤,我話唔睇,但係最後佢都拎咗俾我睇,到聯針時都晤覺得痛,淨係掛住諗個仔仔,同埋老公......
到咗之後,我先知道我媽見到我嘔同喊既樣,佢打俾我家姐係度講,我家姐話我媽把聲好似想喊想喊咁......(我聽到後我都眼濕濕)
生完後我發誓以後晤再生,但係而家咩都唔記得lu.....
同埋當你見到BB對住你笑時,咩都低反曬......

私人傳訊

cathymom

大宅

積分: 1308

43^#

發表於 05-7-2 07:22 |只看該作者

Re: 有無已經生過的媽咪講下陣痛的感覺...

我的經歷:

4:30p.m.:內褲有少少啡紅, 果時都唔知係咪.. call 老公返屋企, 跟住洗頭沖涼, 未痛.

5:15p.m. 老公返到, 開始有少少好似經痛. 我打電話俾媽咪問係咪要即時入院, 佢叫我等等睇下係咪定時痛先.

6:00p.m.: 仍然只係好似少少經痛, 不過15分鐘痛一次, 每次15秒左右, 都係決定call 的士入院…

6:30p.m.: 上左的士, 同老公話完來陣痛好似經痛嗟… 都唔係好痛嗟 (哈~~)

7:00p.m.: 去到醫院搞手續, 10分鐘左右痛一次… 姑娘驗查,話開左少少, 有少少血壓高… 見佢驗查完隻手套都好多血下…

8:00p.m.: 醫生到, 驗查, 都係開左1度左右… 佢話第一胎冇咁快, 應該聽朝生得… 不過如果血壓繼續高可能要開刀etc… 跟住駁左部機mon 住陣痛同bb心跳. 老公見我可能要聽朝先生得, 於是叫姑娘開床俾佢係度陪我. 食左個麵飽, 開始5分鐘痛一次, 痛得長左 (around 30秒), 開始由經痛變成腰骨赤痛, 不過仲可以睇下電視.

9:00p.m.: 醫生再黎睇, 都係開左1度, 佢叫我等下, 如果痛得再密就叫姑娘, 已開始痛多左, 冇咩心機睇電視了.

10:00p.m.: 3分鐘已痛一次, 開始每次痛40秒. 姑娘話都係開左少少嗟, 不過痛得密都好, 可以快d生.

11:00p.m. 陣痛時間都係差唔多, 不過痛得厲害左, 次次條腰都好赤… 姑娘問我洗唔洗聞氣, 我話唔洗住 …

11:30p.m.: 再經過十幾次痛, 諗諗下都係要聞氣, call 姑娘, 佢叫我去小便先, 跟住先去產房聞氣. 去小便時已見流好多血… 姑娘問我行唔行得, 定係要坐輪椅… 我仲自己行入產房.

12:00 mid night: 姑娘教我聞氣, 再同我驗查, 話開左3度… 點知一check 完就穿左水.. 個感覺好熱… 跟住即時覺得好急尿咁, 係真係好急咁, 同埋開始子宮收縮, 下腹好痛. 好彩arm arm 學識聞氣, 個人覺得好止到痛, 一吸3-5啖已好痲痺, 痛少好多…不過果下都好驚… 醫生話可能聽朝先生得, 咁咪要痛多好多個鐘?? 老公跟住入埋產房陪我.

12:10a.m.: 姑娘幫我打止痛針… 我已經好迷糊… 老公話見姑娘即時打俾醫生叫佢黎接生.

12:30a.m.: 醫生到左, 止痛針同d氣都好幫到, 個人好迷糊, 不過完全可以聽到醫生同護士叫我做咩, 個感覺好得意…
過左一陣聽到佢地叫我用力, 我咪用力推… 不過唔係好夠力… 聽到d吸塵機聲 (原來醫生幫我吸個bb出黎d)… 跟住再叫我用力… 我用左幾下力之後feel到下身一下刺痛, 好似流好血咁 (我諗係佢剪開果下)… 跟住好似有d熱野流出黎, 然後聽到bb喊! 哦! 原來我已經生左了! 我迷糊間仲問bb似邊個… 哈~~ 我老公抱bb俾我睇, 一陣之後老公同bb都送左出產房, 我就聞住氣出埋胎盤同聯針, 我知醫生係聯針前再幫我打止痛針, 因為係感覺到佢一針針咁聯, 但又唔會好痛.

之後姑娘推我返產後房, 我同姑娘話原來生bb唔係想像中咁可怕… 佢講笑咁話因為我聽話先生得咁順利, 又bb似晒我老公, 不如生多個似我架啦. 跟住可能太興奮, 一直好精神, 仲睇晒幾本八卦週刊都成晚唔洗訓!

各位未生既媽咪唔洗驚架, 個人覺得:

1. 記住戴錶, 方便數住陣痛
2. 姑娘同醫生叫你做咩就咩, 一家要合作, 好快搞掂架喇.
3. 唔好怕打止痛針, 我bb出世都ok. 唔打既話痛到冇精神生仲煩.
4. 聞氣要大力索先止到痛
5. 盡量集中精神數住每下呼吸, 可以幫到止痛

希望以上經驗可以幫到大家.

私人傳訊

加而晴媽媽

大宅

積分: 3471

好媽媽勳章

44^#

發表於 05-7-2 21:39 |只看該作者

Re: 有無已經生過的媽咪講下陣痛的感覺...

您地好叻呀!

私人傳訊

YokoLai

大宅

積分: 1873

45^#

發表於 05-7-3 02:57 |只看該作者

Re: 有無已經生過的媽咪講下陣痛的感覺...

加而晴媽媽：

我真係覺得自己呢世女最叻就係.......生左個女，因我乜都唔叻嫁！

你都會好叻女嫁！祝你順順利利生個肥肥白白、健健康康既BB.

P.S. 上次唔記得講：記得開始好痛既時候，深呼吸好有用，就算痛都要慢慢呼吸，個人會無咁緊張，到我差唔多要用力生既時候，我係無吸笑氣嫁！因後期好似wing得滯，怕自己會係唔應該用力既時候，用左力.....到時你乖聽話就乜都唔洗怕嫁o勒~~

私人傳訊

manchan716

子爵府

積分: 14692

46^#

發表於 05-7-4 19:31 |只看該作者

Re: 有無已經生過的媽咪講下陣痛的感覺...

其實每個媽媽都好叻

私人傳訊

keisi

複式洋房

積分: 225

47^#

發表於 05-7-4 19:57 |只看該作者

Re: 有無已經生過的媽咪講下陣痛的感覺...

希望我都可以好似各位媽咪甘叻!
你真係好犀利阿!

[url=

]kgraz[/url]

私人傳訊

ew911

伯爵府

積分: 16200

48^#

發表於 05-7-4 20:01 |只看該作者

Re: 有無已經生過的媽咪講下陣痛的感覺...

雲的孩子都在跳舞

真係好多謝你同我地分享，你一家人真係好開心呀！

私人傳訊

mansonwai

伯爵府

積分: 16151

49^#

發表於 05-7-4 20:03 |只看該作者

Re: 有無已經生過的媽咪講下陣痛的感覺...

bandband

嘩....好正 wow. 好似唔係痛好耐咁!
有咩秘訣....唔該曬 !!!

bandband 寫道:
我嗰陣都係好似M痛...不過就真係無痛到典床咁勁...我朝早十點半開始痛,但都只係少少痛同埋間唔中一嘢, 我晏晝仲同工人去行花墟,夜晚撘車入沙田奶奶屋企食飯,去到廁所見紅先至知生得,然後咪拿拿臨標番屋企沖涼執包袱走入醫院生,去到醫院至痛得密同埋一痛就行唔到,到護士CHECK我時我已經開到五度,個護士仲伸隻手入去話已經摸到我亞仔個大蘿柚~~~!!!咁就生得喇~~~~!!! :mrgreen:

私人傳訊

蝦蝦

公爵府

積分: 28259

50^#

發表於 05-7-5 16:12 |只看該作者

Re: 有無已經生過的媽咪講下陣痛的感覺...

我同意粉一樣, 唔太痛, 由 2 度唔多覺咁就開到 9 度, 好似 d 便便想湧出黎, 肚痾咁, 條腰撓撓下, 我乜野止痛都冇用過, 就順產左阿 b 出黎, 成 9 磅重.

[/url]

私人傳訊

hotungbb

民房

積分: 98

51^#

發表於 05-7-7 16:48 |只看該作者

Re: 有無已經生過的媽咪講下陣痛的感覺...

我同cathy 媽一樣, 打左止痛針就迷迷糊糊。我係私家生, 醫生話bb唔駛打解藥, 但聽聞政府要幫bb打解藥架喎!
我打左支針, 完全係點呀! 乜痛都無 (我個支並唔係無痛分娩針), 生個時只係知有人係度叫用力..... 聯針都無知覺。
我個時係見有陣痛入院, 但係好似平時經痛咁! 成晚都係咁, 於是早上我個醫生打電話來叫姑娘先打"吹"生針(個時只係2/3度), 無耐開始痛, 跟住打止痛針, 跟住話咁快個幾鐘就生左啦!
生得都好舒服, 未打止痛前仲有知覺睇電視。醫生仲同姑娘好輕鬆係度講新聞喎!