原帖由 走地豬 於 10-11-7 02:14 發表 
我又想問下, 如果間屋有入牆裝修 (保養好好), 如果你係業主, 你又會唔會租俾人呢? 我同老公6年前買入左個單位, 第一層樓, 當年都係9成過mc先買到，好辛苦捱左幾年, 終於有好大升幅, (依家起碼有70%porfit), 本身都相安 ...
其實呢, 我唔係當賺錢而係儲錢, 扣除開支同雜費, 你每個月可以多儲幾千! 不過我有一點唔明, 你老公睇好10-20年升值潛力? 你果層係新樓? 大型屋苑? 過多10-20年, 你層樓都要維修要保養, 如果唔係新樓, 再舊多10-20年, 仲潛藏d咩升值潛力呢? 呢個我純綷想識多d野, 八卦下!
如果你同我諗法一樣, 係儲錢, 當每個月可以儲5000, 每年儲6萬, 出租2-5年, 到時bb大左, 你地一家又搬返去呢間屋住, 咁你就有12-30萬, 就算個租客住到間屋幾殘, 你咪當呢幾年儲左筆裝修費囉! 再者, 你地仲有自己儲蓄, 呢幾年又可以再儲一筆錢, 兩份儲蓄加埋, 你地如果仲識投資, 筆錢可以再滾大d! 我唔知你樓價幾多, 正如其他人回覆, 如果可以再轉hibor, 或者同銀行商量減息, 你地可以慳得更多, 儲得更多! 依家一般都供平過租, 好少倒轉, 所以你應該有空間減息或加租!
唔貪心, 我自己依家就係, 搵個相熟經紀, 平d租搵個好租客, 租約條件寫得清楚d, 唔好咁含糊, 要求對方愛惜間屋, 如果有咩損毀要賠償或扣按金, 簽租約果日順便去影相留底, 咁就唔怕收返間爛屋啦!
講野唔好笑又唔識講爛gag
上forum只為吹水唔好同我認真
發表於 
返回列表
