吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 唔知應該用個乜嘢形容詞嚟形容嘅 99

婆媳關係今日: 0|主題: 27775

收藏本版

發帖

返回列表

跳至頁

樓主: ACB@2011

唔知應該用個乜嘢形容詞嚟形容嘅 99 [複製鏈接]

1 234 5...10

ohlove416

水晶宮

積分: 55468

41^#

發表於 10-11-8 00:55 |只看該作者

追

私人傳訊

ACB@2011

大宅

積分: 1280

42^#

發表於 10-11-8 14:35 |只看該作者

自從佢地知道咗我地結婚之後, 除咗伯友同 KN 晌樹 B LEE BA LA 話我地好咁耐都唔出聲之外 (因為佢地係咁盤我地 D 咩咩咩幾時 book 架? D 乜乜乜幾時做架?) KN 第一時自薦話一定要有佢份做兄弟喎, C6 話俾我知果陣, 我真係好嬲 plus 好驚呀!!! 我心唸" 唉.......咁即係我班姐妹要受罪啫..

仲有, 晌佢地不停嘅又里又路; 又薑又醋嘅時候, 我真係好覺得佢地好似想話我地好先斬後奏咁囉 (即係如果早 D 俾佢地知道 C6 娶我嘅話就一定會阻止) 因為伯友親口問過我:"妳阿媽知唔知你地結婚呀?.......佢幾時知架?"
又有一次, 婚期前嘅做節飯局, 伯友晌完全冇講起結婚里壇嘢嘅情況底下, 無啦啦同 C6 講:"對龍鳳鈪我尋日買咗啦!" 點知世伯忽然好大聲咁話:"成萬四蚊呀!!!!!!" 我即刻唔知俾咩反應好, 因為我屋企嘅家教係送嘢俾人係唔應該講俾人地知買咗幾多錢嘅, 咁我個心即刻明白多一件事, 就係完全了解到點解同 C6 拍拖咁耐; 佢咁計較我送俾佢嘅禮物係幾多錢啦, 而且佢仲會因應我買嘅果份幾多錢而回禮俾我添........

飯後我梗係又私底下問 C6 佢地咁講係咩意思啦, C6 照慣例咁嚟答我:"佢地講下啫..."

好喇, 婚期將至, 就約好咗媽咪同伯友去試衫啦, 估唔到阿伯友竟然仲早過我去到婚紗舖 (我地晌我自己住嘅果區 {新界東} 揾到一間啱我地要求嘅婚紗舖租衫, 而我媽咪係住係我附近嘅, 咁即係話伯友過嚟係最遠嘅果一個, 落訂果陣我都有再三咁嚟問 C6:"伯友入嚟揀衫好唔方便喎" 不過 C6 堅持咁話:"得架啦, 有幾遠啫, 一程巴士之嘛......") 我去到嘅時候佢已經揀緊, 揀揀試試咗一倫, 拎住兩套同款唔同色嘅晌樹心大心細之際, C6 問我:"妳話邊套好 D 呀?" 我話:"個阿媽係你嘅, 你幫佢揀囉" 我唔想俾意見嘅原因係一來我真係驚又唔知會唔會踩到佢條尾, 二來我又幫緊媽咪揀, 點知就係里個答案, 就晌試衫事件之後; C6 收到 KN 嘅來電投訴, 我問 C6 KN 打嚟嘈乜, 佢話我好唔當伯友係阿媽喎......

我即刻 O 晒咀啦, 一則我都未過門, 二則就算我過咗門; 極其量都只可以係佢半個囡嚟啫.......之後我同媽咪呻晒試衫, 金器, 佢地問長又問短嘅事, 媽咪當然唔高興啦, 所以就嗱嗱聲走去金舖; 將我 D 嫁莊加碼, 佢話費事第日俾男家果邊 D 人睇少我喎.....

而且我媽咪仲教定我, 一過門就好俾返舊大 D 嘅錢過佢地, 話係俾佢地買嘢食嘅, 免得後患無窮呀.....

私人傳訊

lihomahk

子爵府

積分: 13324

43^#

發表於 10-11-9 15:58 |只看該作者

嘩! 樓主, 真的是一入"痴"門深似海!

私人傳訊

sitabb

大宅

積分: 1029

好媽媽勳章

44^#

發表於 10-11-9 16:48 |只看該作者

私人傳訊

lwkchy

大宅

積分: 3573

45^#

發表於 10-11-10 01:28 |只看該作者

追呀!!!

私人傳訊

sitabb

大宅

積分: 1029

好媽媽勳章

46^#

發表於 10-11-10 15:49 |只看該作者

追追追~~

私人傳訊

montana

子爵府

積分: 13930

醒目開學勳章畀面勳章 BK Milk勳章

47^#

發表於 10-11-10 16:29 |只看該作者

回覆 42# ACB@2011 的文章

你叔仔同我2伯真係夾,我2伯又係同我c6咆哮"個個係老母黎架........",人地唔知以為我對佢位尊敬既老母做左D咩tim

私人傳訊

ACB@2011

大宅

積分: 1280

48^#

發表於 10-11-10 16:47 |只看該作者

到咗結婚當日, KN 如我所料得罪晒我班姐妹啦...

我同 C6 投訴, C6 今次竟然當住全班兄弟面前狂片咗佢一餐, 連我都嚇親...

咁之後佢先至收歛下……

至於 6299 就由過門到行禮都冇乜嘢嘅, 係唔知點解到擺酒果陣, 幫 99 化妝嘅姐妹同返我講:"唉…妳有排受啦" 本能返應地再問佢點解, 但佢到今時今日都冇講俾我知, 不過我唔明我姐妹晌幫佢化果個妝都只係果三十分鐘左右, 何出此言呢? 真係百思不得其解……
敬酒果陣. 嗌得最大聲"飲杯"嘅 KN, 敬晒廿三圍之後, 佢杯酒好似冇飲過咁, 反而我就乾清咗幾杯紅酒囉………
第二日瞓醒起身點禮金數, 如我所料, 99 抽起咗佢自己 D friend or 親戚親手交俾佢嘅果堆禮金…….其實 C6 一早已經同佢講咗, 女家果六圍禮; 我媽咪要收返, 因為媽咪本身已經冇要我 C6 嘅禮金, 所以需要果六圍嘅禮嚟幫補下 D 買金器嘅錢, 而其餘全部都要留返嚟找酒席數嘅, 之不過 99 佢………….C6 冇追究, 而我亦冇出到聲, 仲開返兩張八千蚊嘅票俾 6299 (因為 62 俾咗一萬蚊現金過我地做禮), 而由於媽咪另外津貼咗萬幾蚊俾我地去渡蜜月, 所以我地先至有得去日本渡蜜月咁開心......

私人傳訊

ACB@2011

大宅

積分: 1280

49^#

發表於 10-11-10 16:50 |只看該作者

原帖由 montana 於 10-11-10 16:29 發表
你叔仔同我2伯真係夾,我2伯又係同我c6咆哮"個個係老母黎架........",人地唔知以為我對佢位尊敬既老母做左D咩tim

唔講仲以為佢地係失散多年嘅兄弟添呀........

私人傳訊

MaMaSteph

男爵府

積分: 8178

好媽媽勳章醒目開學勳章

50^#

發表於 10-11-10 17:14 |只看該作者

追~~

http://lb3f.lilypie.com/JzUop8.png

私人傳訊

ACB@2011

大宅

積分: 1280

51^#

發表於 10-11-10 17:32 |只看該作者

結咗婚冇耐, 我發現 99 有舖好奇怪嘅癮, 就係一揾唔到 or 未揾過我 C6 就打我電話嚟揾我, 最初我以為係我唔慣啫, 後來連我 C6 都開始覺得唔妥就叫佢有咩事就揾咗佢先, 點知有一次返 99 樹食飯, 佢問我:"阿 XX (My English name) 乜平時唔可以打電話揾妳架咩?" 好奇怪 C6 竟然咁啱魂魄冇出竅咁截住佢話:"妳有咩咪打俾我囉!" 99 即時咩晒音咁話:"家陣我問下唔得咩!!!" 我就即刻打完場咁話:"哦…….唔係……..不過放咗咁耐假 (婚假), 積咗咁耐 D 嘢要清咪忙 D 囉...." 查實我都唔太想聽到佢巴聲, 好似成日打嚟 check 住我地 D daily schedule 咁......

又有一次 99 同 C6 投訴話我地返得去少, 又話人地阿隔離屋個仔阿邊個邊個結咗婚之後; 個個禮拜都返阿媽道食飯個喎………我真係好想同佢講:"我媽咪都唔會要求我個個禮拜咁嚟返屋企食飯啦, 咁唔捨得個寶貝仔就咪俾佢結婚啦, 由拍拖到依家都係咁, 好似見少陣都唔得咁, 不如索性揾個樽裝住佢擺係屋企養到佢返天家為止吖, 笨……":;pppp:
當然佢又係 KN 面前投訴啦, 搞到 KN 有次揾位嚟話我地:"梗係我啦, 唔係我, 邊個陪佢地去街呀?" (話說講緊佢地去完某處) 我心唸:"係呀, 仲慳唔少添呀, 一家三口下下都要 99 找晒數......."

私人傳訊

jesuslovesyou

男爵府

積分: 5103

育兒性格勳章

52^#

發表於 10-11-10 17:37 |只看該作者

回覆 51# ACB@2011 的文章

"不如索性揾個樽裝住佢擺係屋企養到佢返天家為止吖, 笨……"

唔係呀....學 "刑警" 入面...
呢排興製成紙皮機械人....

(未追你之前的幾個posts
但只看這個...我覺得....妳99 戀子戀得幾嚴重..... 你c6 果d 細路咩KN 之類....好煩wo

男人老狗咁 eight 婆既...

)

私人傳訊

montana

子爵府

積分: 13930

醒目開學勳章畀面勳章 BK Milk勳章

53^#

發表於 10-11-10 18:10 |只看該作者

回覆 51# ACB@2011 的文章

我99以前都係搵唔到個仔就打比我,果時我未同佢個仔結婚,我唔記得佢打過幾多次比我啦,有日我忍唔住丙左佢一獲,之後佢就無再打比我,我c6無心機同佢講野架,以我所知c6好多時都會cut佢線。

私人傳訊

idac_c

伯爵府

積分: 16078

好媽媽勳章醒目開學勳章畀面勳章

54^#

發表於 10-11-10 20:29 |只看該作者

我99又係鍾意打我屋企電話搵佢個仔
妖~~又唔係唔知個仔個手機號碼, 打嚟我屋企把鬼咩~~

私人傳訊

lwkchy

大宅

積分: 3573

55^#

發表於 10-11-10 22:29 |只看該作者

追呀~~~~

私人傳訊

ACB@2011

大宅

積分: 1280

56^#

發表於 10-11-11 10:34 |只看該作者

原帖由 jesuslovesyou 於 10-11-10 17:37 發表
"不如索性揾個樽裝住佢擺係屋企養到佢返天家為止吖, 笨……"

唔係呀....學 "刑警" 入面...
呢排興製成紙皮機械人....

(未追你之前的幾個posts
但只看這個...我覺得....妳99 戀子戀得幾嚴重. ...

佢直頭好似撲出嚟領獎咁啦, 之後我會講多幾件事出嚟嘅, 我估妳會覺得用 eight 婆嚟形容佢都未夠貼切呀.......:;pppp:

私人傳訊

ACB@2011

大宅

積分: 1280

57^#

發表於 10-11-11 10:56 |只看該作者

原帖由 montana 於 10-11-10 18:10 發表
我99以前都係搵唔到個仔就打比我,果時我未同佢個仔結婚,我唔記得佢打過幾多次比我啦,有日我忍唔住丙左佢一獲,之後佢就無再打比我,我c6無心機同佢講野架,以我所知c6好多時都會cut佢線。 ...

其實我由第一次見里個人已經 feel 到佢果股氣架啦, 所以我都拖到臨結婚前先俾個手提# 佢, 結果又俾我估中囉, 佢非常附合經濟效益咁用到盡啦.......
我份人唔會咁直接嘅, 只會洗出四兩撥千斤嚟灑佢架啫, 佢打嚟問乜我都話問下 C6 先 or 叫 C6 覆佢囉, 如果佢發爛渣話:"咁妳唔知架咩??!!" 我就清一色咁嚟答佢:"唔係.......不過我驚答錯妳嘛, 妳等我問下 C6 / 等 C6 話過妳知啦" 仲要係用 D 好平淡嘅語氣嚟答佢喎, 因為我費事為里 D 咁嘅人死咁多細胞呀!
而我亦好明白點解佢首選揀我嚟問嘅, 一來佢會覺得我唔答佢唔得咁 (佢估我唔到會咁嚟灑佢架嘛), 二來我 C6 又真係用 D 好厭煩嘅態度嚟應佢個喎.......@!@

私人傳訊

ACB@2011

大宅

積分: 1280

58^#

發表於 10-11-11 11:04 |只看該作者

今次我要講一件幾駭人嘅事件, 我估冇咩 99 曾經試過咁.....

話說我 99 嘅職業係晌一間小學入面做類似工友嘅職務, 已經做咗十幾年架喇 (好似), 有一日, 佢晌工作時間內同另一位工友發生爭執, 本來只係口角, 但竟然繼而動武.....

C6 同果間小學嘅校長係多年朋友, 校長晌電話樹同 C6 講, 係 99 出手先嘅, C6 講返俾我聽嘅時候, 我梗係嚇到呆咗啦, 雖然平時都覺得 99 係蠻幫一族, 但斷估佢唔到佢除咗出口之外仲會出"手"傷人架嘛.....而我同 C6 即刻去睇下佢有冇事先啦, 佢塊面有傷痕, 個身就唔知喇, 至於另一方亦有受傷, 不過傷勢都應該唔係好嚴重啫, 而晌校長嘅交涉之下, 相方庭外和解, 但係 99 就要提早一年退休....

總之就嚇到所有人返晒去睇佢啦, 好在對方真係肯唔追究咋, 因為有目擊証人話見到係 99 出手先架...........