吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› (從留言反應反思男女的不同) 一個男人對婚姻的看法 ...

夫婦情感今日: 0|主題: 42744

收藏本版

發帖

返回列表

跳至頁

樓主: rkw

(從留言反應反思男女的不同) 一個男人對婚姻的看法 [複製鏈接]

1 234 5...9

sharonwing_17

大宅

積分: 2494

好媽媽勳章

41^#

發表於 10-12-14 11:44 |只看該作者

我自己唔會諗點解次次都要我付出先咁既問題
因為我愛我老公所以我做咩都好都係由我老公作為一個出發點
我直頭唔中意我老公成家人(除左我老公之外)
我老公係知既
我亦曾經向我老公哭訴
結果就好似樓主講咁我老公好無奈只係叫我忍
好在大家心平氣和傾過計
我先知原來我老公佢地跟本就知佢呀媽係個咩人佢對左佢呀媽咁多年佢呀媽所有野佢都清楚得很但始終佢係生我老公出黎既人咁老公又可以點呢
當一個男人好重親情既你好難要佢去話佢呀媽一陣講多2講佢呀媽爆血管咁係唔係怨個媳婦?就係因為你d所謂公平,其實讓一讓忍一忍都沒什麼了不起你要知道佢呀媽仲有幾多年命丫你先係訓係老公身邊既人
為一個其他人破壞2公婆既感情真係,,,,可惜
有d女人會想老公幫口話反個99 但相反個外母對佢地差就好似應份咁又唔見個女人幫口如果真係要講公平咁又算係公平嗎??

我覺得 e個世界係無公平e樣野
付出同收獲未必能成正比成日計較住我付出多d 我忍耐多d 咁既生活會好辛苦我試過既樣生活過跟住就發現我同我老公好似愈黎愈遠咁
興幸我識改變自己既想法同我有個好老公

(以上都係我個人覺得唔=其他人請見諒)

私人傳訊

sharonwing_17

大宅

積分: 2494

好媽媽勳章

42^#

發表於 10-12-14 11:47 |只看該作者

每個人都係自私
無人係唔會自私
就連我自己都係一樣

女人真係好自私會為求目的不擇手段

我唔係話所有女人都係咁就我眼見都見唔小

私人傳訊

美亞

禁止發言

積分: 16954

43^#

發表於 10-12-14 11:48 |只看該作者

提示: 作者被禁止或刪除內容自動屏蔽

私人傳訊

rkw

大宅

積分: 4861

44^#

發表於 10-12-14 11:49 |只看該作者

原帖由 kangaroomama 於 10-12-14 11:05 發表
rkw,唔好意思,佔用左你咁多位

身為男人, 當然要大方一點, 又怎會介意呢!

多謝 unicath 及 kangaroomama 提出關於男女平等的看法, 或者我先很簡略地回應 unicath 關於我忽略女性需要的質疑, 她其實說得很對, 我所寫的的確主要是從男性角度去看問題, 不過, 這正是我原意, 就是因為我覺得BK只有女性角度的看法, 所以才說一說男性可能有的看法, 如果我在文中又加上女性的看法, 就算我看得準確, 也會是累贅. 其實我對婚姻中男女不平等是有一些想法的, 我會稍後在適合的時候再提出來, 最後真的很多謝你們提出不同的意見, 令討論可以健康而又高水平地進行.

P.S. 我老婆答應寫一篇關於婆媳問題的文章, 明天會post上來.

私人傳訊

rkw

大宅

積分: 4861

45^#

發表於 10-12-14 11:50 |只看該作者

對不起, 請勿PM我

收到很多PM, 要求我對她們婚姻提意見, 雖然我很想幫忙, 但經細心考慮後, 發覺這做法並不理想, 所以覺得還是在這裡詳細解釋其理由. 首先我又要不厭其煩地說, 我並無任何婚姻輔導的專業知識, 我自問善於分析, 但不善於開解及作感情支援, 而要我對一些嚴重的婚姻問題如配偶有婚外情的情況給予意見, 我會覺得十分困難, 原因是網上可提供的資料其實很少, 就算是當事人本身, 可能都未必完全了解她的問題發生背後的真正原因, 如果我憑有限的資料亂作結論, 例如叫人離婚, 或者原諒對方等, 因而令當事人作出錯誤決定, 這會是我絕不想發生的事, 所以我惟有不近人情地對這些要求加以拒絕, 也建議有嚴重婚姻問題的人找專業的婚姻輔導, 而不要太依賴網上各網友的意見, 雖然我完全相信各網友的善意, 但除了感情上的支持外, 真正應該如何做, 未必是外人能夠準確地給到意見的.

其實還有另一個我不願回答PM的理由, 雖然我老婆是十分明理的人, 但我不想有任何可能令她懷疑與不高興的事, 作為老婆的你們, 應該明白我所指是甚麼.

私人傳訊

5geng

複式洋房

積分: 413

46^#

發表於 10-12-14 12:32 |只看該作者

自私係人類嘅本性. 無分男女.

私人傳訊

ndw

子爵府

積分: 13844

47^#

發表於 10-12-14 15:14 |只看該作者

回覆 34# rkw 的文章

首先，我有個唔差的９９，又有個會常欣賞、多謝、老婆的老公，也會勤力做家務的老公。還有許多的好。　不想在此盡數來白占樓層。

“...如果你笑得出, 你的婆媳關係還有得救,...” ~ rkw

唔怪之得我讀到這兒識笑啦。不過，我都未讀　後文的解釋　就已經　跟　rkw 的見解不謀而合了。

“...男女間的矛盾很多時是原於兩性對"事情"的不同著眼點, 男的重點是看那件"事", 而女的重點是看背後的"情", ....” ~rkw

我家相反，我又對好惡頂的父母，又因他們經濟關系，基於我們要負擔我父母經濟的責任的原因，老公願意同我父母同住一屋。一住就住了幾年以上。而且我老公還是家庭主夫（因形勢、環境、賺錢機會、際遇所“迫”）。我從來沒有小看我老公，他在我心目中很偉大。

　不喜請勿插，這是我們夫妻恩愛的秘訣之一。

可能角色調轉了，所以我看到的是　老公　重點是看背後的"情", 而我（當妻子的）重點是看那件"事"。　如果我處理“事”不好，老公會覺得自己被孤立了，排擠了出家庭之外。　我講我的經驗沒有用，因為我的都是對男人如何處理婆媳關系的經驗，而這裡，沒有多少男人讀，就是有也是沒有婆媳關系的難題的男人像 rkw。因為有位好老婆。

私人傳訊

ndw

子爵府

積分: 13844

48^#

發表於 10-12-14 15:21 |只看該作者

有一樣事我學懂，　６２、９９　一定是留翻來讓老公自己插，就算他插自己娘親、父親，做老婆的我都唔可以加口插埋一份。

我試過一鍋，老公很冷靜地說：“請不要投訴我父母太多，他們始終是我的父母。”

我：“哦！收到。對唔住。

”　我知我此時已經傷害了老公的心。

私人傳訊

unicath

男爵府

積分: 5995

好媽媽勳章

49^#

發表於 10-12-14 15:44 |只看該作者

原帖由 kangaroomama 於 10-12-14 11:05 發表
unicath,我只係想分享一下自己既睇法,以作交流

我覺得天生男人跟女人就不同,不論生理結構或思考方法都很不同
你硬要將兩樣不同的東西去比較,說什麼公平不公平,其實沒有意義的
我明白你要說的是宏觀,但當你仔細去研 ...

我唔緊要架,上黎討論區就是要討論嘛~有唔同意見最好,仲可能可以改善自己既想法

我明白你講既,呢個世界係需要唔同既components,需要有diversity

呢個我明白,你咁講都提醒返我 =]

其實我唔係想硬係將兩樣野去比較既,只係諗點解有時男人講自己要點點點時就可以用"天性"呢個字做擋箭牌,要對方將就呢?不過我唔係要話晒所有男人,只係話呢個動作唔太恰當

sorry呀,可能我既諗法都唔係正確
我咁諗都會覺得女性有d慘,有時會諗到唔開心
我都好想有人可以幫幫我脫離呢種想法

[ 本帖最後由 unicath 於 10-12-14 16:07 編輯 ]

私人傳訊

unicath

男爵府

積分: 5995

好媽媽勳章

50^#

發表於 10-12-14 16:02 |只看該作者

原帖由 rkw 於 10-12-14 11:49 發表

身為男人, 當然要大方一點, 又怎會介意呢!

多謝 unicath 及 kangaroomama 提出關於男女平等的看法, 或者我先很簡略地回應 unicath 關於我忽略女性需要的質疑, 她其實說得很對, 我所寫的的確主要是從男性 ...

其實我想說的是男女不平等呢樣野,唔單只對女性不利,對男性都不利,我唔係話要女權主義...只係覺得呢樣野其實對邊個都不太有利,唔係話要完全平等,因為這根本冇意義,但gender stereotype得緊要,亦未見得係一件好事(所以如果找到大家都舒服的equilibrium point就最好喇)

例如,社會將工作分成男同女,有d dominated by male or vice versa...其實有冇諗過可能有時有d男人會想做護士?可能有d男人想留係屋企照顧囝囡?

to be fair少少...其實我覺得男性o係patriarchy既社會度都有點慘...男仔從少就被訓練唔喊得...少了舒服情感既渠道,或者就係因為咁樣,男性被訓練成不善於表達情感(尤其-ve feeling)大個d出黎做野,要養父母,結婚後又養老婆囝囡,永遠都要背負重任...

其實我唔係要完全推翻傳統男女觀念,又或者有公平同令個個都舒服開心既一套,微觀d去睇,如果一家人係開心舒服冇問題的話,其實公唔公平都唔重要,人生幸福快樂就可以,追求平等,如果唔係會開心d既話,根本冇乜意義

大家一齊討論下

你地兩公婆好好人呀,將way to happiness同大家分享!

[ 本帖最後由 unicath 於 10-12-14 16:08 編輯 ]

私人傳訊

rkw

大宅

積分: 4861

51^#

發表於 10-12-14 18:54 |只看該作者

原帖由美亞於 10-12-14 11:48 發表
你在向你媽媽解釋地下污積時.(我知你是假設)你為何一開囗已邦老婆解脫?(清潔OR家務一定是女人責任?呢個家你無份?)你都識講老婆趕住返工所以....(你老婆同你一樣要負擔家庭開消?咁家務又是佢?咁.你對此家庭仲有何存在價值?)...

你很心水清, 佩服.

不過如果你老公真的對你如此說, 請給高點分與他吧, 因為這些對話的重點是背後代表的心態, 是希望討好老婆的意圖, 而其中的內容反而是其次, 說老實, 任何一句說話都可從中找到錯誤、瑕疵, 假如你不照單全收, 最驚下次他會選擇少說為妙.

[ 本帖最後由 rkw 於 10-12-14 19:10 編輯 ]

私人傳訊

rkw

大宅

積分: 4861

52^#

發表於 10-12-14 18:59 |只看該作者

原帖由 unicath 於 10-12-13 23:30 發表
以上只係我既小小睇法同有d仲未諗得通,纏繞緊我既問題....

要疏導你的心中不滿首先要弄清不滿是甚麼, 從你的描述, 我看到主要有以下幾項:
1. 身為女人好委屈, 社會對妳們不公平, 例如除了日間工作外還要處理家務.
2. 男人以花心是天性作為出軌的藉口, 又會以老婆做得不夠好作為藉口.
3. gender stereotype 對男女雙方都不利

如果我沒有總結錯誤, 我想先列出一些現況:.
1. 不平等普遍地存在於世界, 香港的女人肯定受到不平等待遇, 這點不用懷疑, 但同時, 國家之間也有其他的不平等, 例如菲律賓女人與香港女人比, 就算她們付出相同努力讀書, 因為社會落後, 她們可能最後都要到香港做工人, 其他更落後的國家, 如非洲地區, 不論男女, 可能連溫飽也有困難.
2. 香港女人受到的不平等待遇不是制度上的, 而主要是文化上的, 意思是在社會制度下, 女性與男性有相同的受教育機會, 工作上有防止性別歧視條例保障等, 但文化上則因為華人儒家文化的影響仍然存在, 所以對女性要照顧家庭及保持貞節的要求比對男性的較高, 而要達致文化上都男女平等就代表人們的價值觀也需改變, 這可能是數代以後的事, 但因這是文化的問題, 根本不是甚麼既得利益者所能控制、改變的. 但整體而言, 因為制度上已遠比以往公平, 女性得到的平等待遇其實是越來越大的.
3. 人的行為其實是以達到最大快樂為目標 (哲學稱之為utilitarianism), 而平等與快樂並無必然關係, 例如一個老婆如果以照顧全家作為人生目標, 就算她實質上比她老公付出較多, 也即兩人並不平等, 她也可感到快樂, 她願意這樣做就是為了達致最大快樂..

如果你認同以上幾點, 你可以嘗試想想可否用以下想法令自己釋懷:
1. 世界是不公平的乃不可改變的事實, 不能接受這事實只會令自己痛苦.
2. 香港人(包括女人)在世界不平等的關係上是屬於天秤上較重(advantageous)的一方.
2. 雖然香港女性受到不平等待遇, 但相對於其他地區, 她們算是幸福的一群, 而且待遇正在進步中.
4. 面對不公平也可選擇快樂地生活, 如果自己已是快樂的其中一個, 就算知道有其他不快樂的人, 你當然可以為她們惋惜, 但同時也令你更珍惜自己所有.

[ 本帖最後由 rkw 於 10-12-14 19:19 編輯 ]

私人傳訊

rkw

大宅

積分: 4861

53^#

發表於 10-12-14 19:07 |只看該作者

原帖由 ndw 於 10-12-14 15:14 發表
而且我老公還是家庭主夫（因形勢、環境、賺錢機會、際遇所“迫”）。我從來沒有小看我老公，他在我心目中很偉大。　不喜請勿插，這是我們夫妻恩愛的秘訣之一。

真敬佩你老公, 作為男性而願意放棄事業絕不容易, 因為事業對男人來說, 是維持他自尊的主要東西之一, 而且一旦離開職場, 很多朋友都可能失去, 換著是我, 一定不能作此犧牲.

私人傳訊

mkt

大宅

積分: 1535

54^#

發表於 10-12-14 19:20 |只看該作者

大家討論問題如此深入，我以為入錯版

mouth:

另外有一點我好想講，大家請勿見怪。

rkw，我想話你知，雖然呢版好需要男性聲音，我地亦非常期待你的發言。但係，你有啲意見的參考價值真係細左啲，因為你根本唔係一個男人！！你係一個好~好~好男人！而好男人的諗法同一般男人係有距離架！

如果個個男人的思想同處事都好似rkw咁，我諗呢個討論區既點擊率會即時下降九成

私人傳訊

rkw

大宅

積分: 4861

55^#

發表於 10-12-14 19:39 |只看該作者

原帖由 mkt 於 10-12-14 19:20 發表
你有啲意見的參考價值真係細左啲，因為你根本唔係一個男人！ ...

嘩! 比你嚇死, 以為比你知道左我最大的秘密.

我做的的確未必是每個男人都會做, 但我想的應該是很多男人所想的, 例如很很很喜歡女人讚 (mkt: 其實你係咪真係讚緊我?

), 很怕夾在阿媽、老婆間等, 我是一個普通男人, 只是老婆管教有方, 我相信妳們那個也很有潛質, 比心機啦!

私人傳訊

mkt

大宅

積分: 1535

56^#

發表於 10-12-14 19:47 |只看該作者

一半係讚啦，一半係指出事實~~淨係有勇氣0係呢個版面留言，已經好厲害啦，婆媳關係火藥味咁重，我身為主流勢力人士(c9之一)，都唔敢隨便發言啊

何況你是男兒身？

原來你老婆先係大師，我好期待她的留言呀，我都好想發掘下老公的潛質啊

私人傳訊

unicath

男爵府

積分: 5995

好媽媽勳章

57^#

發表於 10-12-14 20:02 |只看該作者

原帖由 rkw 於 10-12-14 18:59 發表

要疏導你的心中不滿首先要弄清不滿是甚麼, 從你的描述, 我看到主要有以下幾項:
1. 身為女人好委屈, 社會對妳們不公平, 例如除了日間工作外還要處理家務.
2. 男人以花心是天性作為出軌的藉口, 又會以老婆做得不夠 ...

講開utilitarianism,我又諗起D野,不過如果講得太遠,可以唔再講呢樣--utilitarianism

utilitarianism又分individual同family,以前hk人傾向家庭功利主義,而家就個人功利主義,其實我覺得呢樣野都可能會影響到同家人,尤其係夫妻關係...

幸好,我家庭唔係咁...

你都講得岩既,自己係幸福的一群就應該要更珍惜!!

私人傳訊

rose-mag

王國長老

積分: 174145

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

58^#

發表於 10-12-15 03:39 |只看該作者

原帖由 ndw 於 10-12-14 15:21 發表
有一樣事我學懂，　６２、９９　一定是留翻來讓老公自己插，就算他插自己娘親、父親，做老婆的我都唔可以加口插埋一份。
我試過一鍋，老公很冷靜地說：“請不要投訴我父母太多，他們始終是我的父母。”
我：“哦！收到。對唔住。:q ...

絕對同意，我都曾經講咗一d嘢令99好嬲，佢仲周圍同人投訴，搞到d親戚個個奪命追魂咁call我老公，鬧佢好唔教個老婆，俾我頂撞佢亞媽，其實我老公係幫我嘅，因為事緣我都係出聲幫我老公講說話，因為6299不停鬧我老公，而且我小朋友都在場，我唔想佢地俾d唔好嘅影響我小朋友，我其實都唔係話99，只係佢ego作怪，唔準人喺佢屋企話62唔啱。

老公叫我同99道歉，我問佢：你覺得我有錯咩？點解要我認錯？
老公：你冇錯，不過道理上你喺我媽屋企，佢唔鍾意你出聲話我爸，中國人長輩大晒嘛。我都好贊成你講嘅，但你當俾面我啦。
我：好啦，我同佢道歉，不過你明白係因為我愛你，唔係因為我有錯。以後你屋企d嘢我唔會出聲，你自己拆掂佢，要話6299你自己話。

我同99道歉（講真應該係62，不過我62比較隨和，根本唔記喺心），99都乘機俾說話我聽，不過我當聽唔到，而家大家關係都叫OK，我老公都知佢媽d嘢。而家我真係唔出聲話99，有咩我叫老公出聲講。

有樣嘢要贊我老公，佢係一個好老公，佢對我屋企人都算係咁，而且佢好感激我媽幫我地湊對仔女（99一早聲明唔會幫手湊），不過我媽對老公都好好。其實人心肉做，冇人想對其他人差（除非佢有問題啦），家庭問題只要大家都容忍d就唔會太大件事。

私人傳訊

rkw

大宅

積分: 4861

59^#

發表於 10-12-15 07:50 |只看該作者

昨晚與老婆討論在BK的話題, 她給我一個很重要的啟示 (註: 我老婆是一個很有智慧的人, 她的大智慧是從不認為自己有智慧, 但又能事事都處理得很妥當), 就是我說 "婆媳關係" 的理論其實是無人會信的, 因為受罪的不是我, 是那位媳婦! 因我無切膚之痛, 所以我的大篇道理, 不論正確與否, 對身受其苦的mami多數會 fall on deaf ears.

於是我老婆從媳婦的角度寫了一篇文章, 說了一些她如何化危(婆媳矛盾)為機(婆媳相親) 的經過, 將於稍後發表, 而我也幫她寫了一篇武功心法, 內含一百字, 練成後大家的婚姻一定成金, 請往下看:

忍忍忍忍忍忍忍忍忍忍
忍忍忍忍忍忍忍忍忍忍
忍忍忍忍忍忍忍忍忍忍
忍忍忍忍忍忍忍忍忍忍
忍忍忍忍忍忍忍忍忍忍
忍忍忍忍忍忍忍忍忍忍
忍忍忍忍忍忍忍忍忍忍
忍忍忍忍忍忍忍忍忍忍
忍忍忍忍忍忍忍忍忍忍
忍忍忍忍忍忍忍忍忍忍