講真吖....呢個問題...有幾樣嘢, 我有好深刻嘅感受....
1. 幾年前, 呢度有一場 "送贈風暴". 亦都有一班貪心嘅人, 係度呃人送嘢比佢. bk當時出手阻止咗, 就算唔出手, 你認為班貪心嘅人, 留得耐咩?
2. 間唔中, 呢度, 亦都有人搵"食", 男女都有, 可能都搵到一餐半餐嘅, 但係, 你又認為佢地留得耐咩?
3. 呢度, 亦都有一班, 搵資訊嘅人. 冇諗過付出真心同人交流嘅人, 問完, 有冇人答都好, 冇耐就會失踨. 佢地到底係聰明定係蠢呢? 我唔知, 淨係知道, 呢度真係有好多無名英雄, 願意去覆人, 或者偷偷地去幫人!
4. 又有一班, 比較封閉嘅人, 唔想/敢講自己嘅事. 但係, 只要佢地肯講dd, 就會有人撩佢地繼續講......跟住, 佢地就會變成朋友.
5. 我覺得, 最慘嘅一班, 係啱啱出事, 或者仲未識得自救嘅人. 佢地兜兜轉轉, 又係返返去起步點....
唉, 我自己就無能為力喇, 因為幫一個呢類人, 足夠令全班小學生嘅數學考試, 一齊合格.
不過, 呢度仲有好多人, 願意豎地耳朵, 再同佢地分享經驗, 一年, 兩年, 廿四小時候命.
6. 反而, 喺呢一版, 有一個隱憂! 好多人, 喺呢度時間耐咗, 識到朋友, 大家傾嘅問題深入咗; 就會自組圈子, 見面談心/電話/fb/msn, 少咗上來.
唉! 自從搬咗來將軍澳之後, 我都少咗返黃竹坑探下班舊街坊.
7. 或者, 咁樣諗, 會舒服d嘅: 呢度, 就好似中轉屋, 或者索性叫 "單親中轉村". 不時會有新人入來, 又會有舊人搬走....通常, 示威者, 都唔會叫政府起多d "中轉屋" 嘅...
緊急求助熱線 / 中西醫藥網址 / 單親或情緒支援網址 請按我的頭像進入!
老朽若偶有行善, 只為受人恩惠太多, 嘻嘻 !
恕本人設定為不接受任何ＰＭ
,我都登你開心...
), 衷心講句:多謝你地呀!
...
發表於 
返回列表
