Baby Kingdom - 親子王國 香港 討論區 › 首頁 › 婆媳關係› 頂不住了...想喊..

婆媳關係

收藏本版
發帖
返回列表
跳至頁

首頁
12345...6

尾頁
   0
heidys


子爵府

積分: 13210

母親節2025勳章 2025勳章蛇年勳章 虎到金來勳章 HiPP勳章(1) 好媽媽勳章


41#
發表於 11-5-7 10:19 |只看該作者
睇返原來樓主曾經對99態度差.
逆地而處, 娶個老婆返來, 對自己家人態度差, 係會減少對對方的愛架.
自己老公對阿媽差, 印象分都打折扣啦.
會唔會因為咁樣而無咁愛你就隨口講離婚呀?
之後樓主有無改善左態度而你老公都係咁呀?
點樣可以增加老公對自己的愛呢?
我B仔10月4日出世. 3.78KG
18MTH 15KG,84.5CM
13MTH 13KG,82.5CM
10MTH 12.42KG(連衫)
6MTH 10.08KG,72.5CM
5MTH 9.8KG(連衫)
4MTH 8.73KG,68CM
3.5MTH 8.98KG(連衫)
3MTH 8.4KG(連衫)
2MTH 6.9KG,61.5CM
1MTH 5.2KG
私人傳訊

kkttssng


侯爵府

積分: 23466

玩具勳章 畀面勳章 wyeth冷知識勳章 環保接龍勳章 大廚勳章 BK Milk勳章


42#
發表於 11-5-7 10:23 |只看該作者
其實你99一家人都唔想你地離婚，總好過有啲99成日想拆散人地頭家！

點評

bongbongpatty  但最大問係係99一家人呢....  發表於 11-5-8 02:18
SHB999  係AR... 佢覺得點有問題都好... 一定唔可以離婚~~ 佢係好傳統觀念0個0的... 好在係咁咋~~  發表於 11-5-8 00:34
私人傳訊

mrs.yiu


男爵府

積分: 6288


43#
發表於 11-5-7 11:19 |只看該作者
我覺得99好有問題...完全冇理過你感受囉~bb出世幾耐唧,就要離婚!就係為咗佢既屋企人..咁佢唔唸吓你同bb將來...
呢個男人真係冇鬼用...究竟佢仲愛唔愛你架?

點評

bongbongpatty  唔愛都應該有責任..做人點可以咁..愛係好脆弱既...一個家吾只係愛..係一個好大既責任...  發表於 11-5-8 02:17
SHB999  其實.. 我諗可能佢真係唔愛我喇.....>.<!!  發表於 11-5-8 00:33
私人傳訊

小mama


珍珠宮

積分: 41556


44#
發表於 11-5-7 19:04 |只看該作者
樓主, 你有冇經濟能力呀...自己養bb, 得唔得先??
如果得, 都係你阿媽個句.."你係咪真係冇左你c6唔得?"
如果得, 為自己未來幾十年生活著想...bb都唔想成日見到mami唔開心...

千奇唔好學我99咁, 成日話男家d人恰佢同佢d仔女, 但係又唔諗辦法, 日子耐左, 成日同62鬧交, 仲出手...鬧到62 成 60歲佢都要仲係鬧...佢d仔女(我c6,加d姑仔,叔仔), 又係日日鬧阿公阿婆.....到自己人老珠黃仲為幾十年前既事而唔開心...一世就咁過左....唔好做令自己後悔既事...支持你..!!!

以上係我既意見!

點評

bongbongpatty  咁似我99既.....  發表於 11-5-8 02:15

私人傳訊

小mama


珍珠宮

積分: 41556


45#
發表於 11-5-7 19:11 |只看該作者
仲有呀, 就算你唔離婚, 都千萬千萬千萬千萬唔好辭左份工....
如果你靠男家個邊養, 你就係真係完全冇地位可言, 人地會用你冇錢呢個弱點要你就範...做女人既, 多個錢旁身好d...
唔做野...就真係完全寄人離下, 真係冇乜好日子過...

點評

SHB999  其實我都唔會辭左份工... 而家佢唔要我, 我都可以靠自己...
萬一我連份工都冇... 雙失0既話... 我諗真係可以跳樓...
THX 小MAMA~~~ 做女人的一起加油AR  發表於 11-5-8 00:32
私人傳訊

真妮花


複式洋房

積分: 461


46#
發表於 11-5-7 20:01 |只看該作者
爬完文, 覺得呢件事最錯既唔係99, 樓主99都未算係黑心變態 gor D, 但樓主c6就真係好錯!!!!
兩個人一齊唔一條心, 唔係坐埋一條船, 唔互相扶持, 真係可以忍受一世咩?
我同我前c6講過: 除非我係白黐冇腦先會繼續忍受你呢一個咁自私既男人!!!!!!!

點評

SHB999  係LOR.... 我0的FD 都話佢好自私同好唔成熟~~  發表於 11-5-8 00:31
感受到教兒育女是一件何等偉大的工程!!!   
私人傳訊

WENKIKAKA


大宅

積分: 2935

畀面勳章


47#
發表於 11-5-7 23:37 |只看該作者
我既情況同你1樣阿,未結婚前大家關係都好好,正因為唔係成日見.後來結左婚有埋bb後我就愈黎愈唔鐘意佢地,因為湊bb既方式,生活方式,大家都好唔同,意見上好多分歧導致好多磨擦,日積愈累只會愈黎愈討厭呢個人關係會愈黎愈差,正所謂相處好同住難就咁解.唉!我都好希望快d搬出去住!如果d樓冇咁貴,婆媳問題1定大大減少.

點評

SHB999  我都希望你可以快0的搬出去AR... 同埋希望你老公會明白你~~~
依段時間... 你都要加油AR~~~  發表於 11-5-8 00:30
私人傳訊

SHB999


別墅

積分: 501


48#
發表於 11-5-8 00:28 |只看該作者
我其實... 唔係覺得我奶奶係咩野十大惡人...
我知道比0係好多人... 我奶奶依D 只係9牛一毛....
我知道比0係好多人... 我其實都可以算係幸福...

有0的野... 只係想呻下... 可能奶奶做好多野個心都係出於錫BB...
但有時我真係接受唔倒... 相見好同住難係真....
我奶奶成日用大陸表哥個仔同我BB 比....
成日用大陸0既方法去同我講.. 我而家做梗0既有幾唔0岩...
咁耐以黎... 我真係只係頂撞過佢一句咋...
我係人黎GA... 有0的野... 我聽倒真係會唔開心....
但佢地成屋企都覺得我連唔開心0既權利都唔可以有...

我BB 早產一個月.. 我自己都好唔開心.. 每一日都好用心咁湊佢..
每一次去健康院, 姑娘都話BB重得好, 話我湊得好...
而我奶奶每一次見我, 就只會話我依樣唔0岩, 0個樣唔0岩...
又成日話表哥個仔好肥.. 話人地又餵人奶... 又餵奶粉...
前幾日又同我講... 表哥個仔好肥, 而家日日都食幾餐粥...
然後係咁話我個仔唔食野... 但其實BB 己經食左好多野...
佢連牙都未有... 又話要比0的飯佢食.. 話人要食飯AR..
有飯落肚先會飽, 先會長肉... 但BB 根本就未識吞.....

我真係接受唔倒BB 一出世就飲涼茶....但佢家姐問返我有咩問題..
佢話佢地都係咁樣長大....
可能依個係我第一個B... 我樣樣都會緊張D....

我覺得唔一齊住.. 我日日返去同佢晚飯我都可以..
又或者住近0的... 我都其實覺得OK GA...
我就係唔想日日因為大家生活模式唔同.. 同埋對待BB 手法唔同...
而大家對大家產生越黎越多0既磨擦....

我真係誓估唔到... 我搬左出去... 最後佢地日日話我地錯...
話到我老公都覺得要搬返入去....

不過.. 講到尾... 我諗我老公都應該真係唔太愛我...
佢好多時都知道件事係佢媽咪錯... 只係覺得唔應該話佢媽咪...
可能佢都知道佢媽咪冇得改.. 所以寧願放棄我.......=.=

點評

bongbongpatty  佢地都吾尊重你...我同99都吾係好..但佢吾敢做d我吾俾做既野因我先係bb既mama..加上c6都好尊重我so佢mama吾敢因c6會話佢既...  發表於 11-5-8 02:13
私人傳訊

SHB999


別墅

積分: 501


49#
發表於 11-5-8 00:47 |只看該作者
講多少少... 我奶奶係一個思想好守舊0既人...
佢重男輕女... BB 係佢地屋企第一粒男孫...
我諗為左個孫... 佢會係好反對我地離婚GA...
但佢知道我地件事之後, 冇半句話過佢個仔有問題....
佢話... 唔可以話佢個仔WOR...
0個時我地0係出面租屋... 佢個仔後期自己搬返去...
佢仲覺得好開心LA....
然後有期我都跟住返去, 奶奶仲同個仔講, 如果唔想同我一張床..
叫個仔可以訓廳....
而家.. 我老公叫我唔好再返去佢到....
有時WEEKEND.. 我都會照上去, 唔想佢咁耐冇見BB...
之後奶奶又比說話, 佢同BB講... BB, BB 唔認得麻麻呢..??
梗係LA.. 咁耐先見麻麻一次....
但我好想話... 如何佢真係咁想見BB, 點解平時唔打比我...
又或者唔出聲叫個仔叫我地返黎... 而咁比說話我聽AR..??

最唔開心有一次, 我搭巴士去佢地到, 我老公話自己出左街..
叫我自己上去, 我夜晚十一二點返到去...
奶奶冇問過我一句山長水遠過黎辛唔辛苦...
都冇話過佢個仔點解冇幫手抱BB...
然後... 第2日... 佢地屋企冇人.. 我抱BB出落街買奶粉...
一開門, 見倒個鄰居... 個女人話:"咦.. 返左黎AR...
唔好咁快走住LA.. 等麻麻返黎先走LA..."
我同女人講... 我落街買奶粉咋...

我完全未見過0個個女人GA.. 亦好肯定.. 我奶奶周圍同人講LOR
如何唔係個女人點會咁同我講野...
好唔開心0既係... 我自己比老公趕走.. 都要厚住面皮抱BB 走上去..
最後... 冇人體諒不特止.. 難受說話一句接一句.....

點評

angel12182003  你仲返去做咩??個c6自己都唔緊bb,要見都係c6主動la!!  發表於 11-5-24 12:18
私人傳訊

Mrs_Yiu


別墅

積分: 940


50#
發表於 11-5-8 01:00 |只看該作者
本帖最後由 Mrs_Yiu 於 11-5-8 01:02 編輯

我都差不多. 不過好彩係我結婚後一年已頂唔順62 & 99同老公搬了出來住, 不過層樓係我供, 因C6要繼續幫手供62 & 99那一層樓! (無奈)
但人算不如天算, 到我生左個仔後, 請了個賓賓, C6間唔時請佢兩老上我屋企幫手看一看BB, 點知99就以為佢自己好偉大, 好重要... (所以各位要小心, 千奇唔好比99搵到位入你地呀)

現在, 我做了 full-time mom, 但99每天都要來同我一齊接個仔放學, 之後就 stay 至少半個鐘, 有時阿仔學校假期, 佢重會由 11:30am 坐到 3:30pm 唔想走, 同我個仔玩, 我同佢講唔駛日日來, 佢當聽唔到, 照舊日日來, (即一星期要見佢6 日, 因為星期六回返去佢到吃晚飯! 超煩!)
後來, 有一天, 我同99發難, 佢好唔鍾意….

今晚去佢屋企吃飯, 黑我面, 又借我個仔來話我, 事原: 我同阿仔講: 大家食飯; 99即時反擊 : 無禮貌, 唔個個唉, (我心想, 99, 你個女-即是我姑仔, 同佢老公, 都無一個一個0甘唉我地 (即我這個阿嫂同佢阿哥啦, 又得!!唔知那個無家教呢?)

99個女同佢老公, 掛住在家企打機, 住隔離building, 都要遲, 99同我個仔講, 唉佢call 姑姐手機, 點知我個仔唔講, 99就更唔關心, (我心想: 你無教自己個女做人要守時咩? 我唔信佢唔知幾點開飯!!!) 等到我個仔話好肚餓, 之後來到,
對唔住都無, 這又係什麼禮貌呀 99!!!!!!!!

我自己阿媽早死, 但我係唔會比你 (99)虾到的! 99你成日話自己係”姑”兒, 成日要看人面色, 0甘 你又有無可憐我要成日看你面色呢? 己所不欲, 勿施於人!
人在做, 天在看, 重有唔好再同我講你個女個老公earn less money than 你個女, 我唔想理人地 D 野! 我自己有個好家庭, 一家三口已滿足了.

點評

SHB999  係wor... 我成日都覺得我係嫁個老公.. 但而家好似嫁左佢成家咁..
我都好家一家3口快快樂樂咁生活... 希望你老公同仔仔永遠錫晒你ar...!!  發表於 11-5-9 22:40
小mama  係呀, 我99都係咁架...對佢好少少, 得寸進尺, 以為自己好大, 所以我同c6講左, 絕對唔比6299上黎睇bb, 易請難送...  發表於 11-5-8 10:25
私人傳訊

bongbongpatty


水晶宮

積分: 73624

BK Milk勳章


51#
發表於 11-5-8 01:49 |只看該作者
本帖最後由 bongbongpatty 於 11-5-8 01:54 編輯
gk678 發表於 11-5-6 15:45
樓主, 其實你都講, 你講既全部都係小事, 但係就影響到你夫妻間既生活, 咁樣好唔抵.
其實你老公肯同你搬出 ...

根本吾可以一齊住...好難減少磨擦.問題係你c6係要個家定佢亞ma...選擇後者既..你就真係要諗清楚.(咁既男人吾洗恨).因我daddy都係咁..不過佢選擇左我mama..但n年後又因屋企問題離開我mama.....當然吾係個個都係咁..但佢吾夠愛你就要接受好多委屈...睇你取捨啦...其實你又可以就到佢地一家人幾多呢..呢個係長期問題..一齊住.你地仲快分開..我吾建議啦......既然佢愛自己亞ma多到可以吾要你地要個家散..咁既男人要黎重咩呢連我c6都咁講..佢係勁衰既男人
私人傳訊

bongbongpatty


水晶宮

積分: 73624

BK Milk勳章


52#
發表於 11-5-8 02:07 |只看該作者
SHB999 發表於 11-5-8 00:47
講多少少... 我奶奶係一個思想好守舊0既人...
佢重男輕女... BB 係佢地屋企第一粒男孫...
我諗為左個孫... ...

點解仲要咁吾自愛反去佢地到..人地趕你走..呢d男人吾洗恨啦...要人地尊重你首先要學識尊重自己..難受說話係你俾佢地入位蝦你...堅強d好嗎?做左人mama啦..最愛最重要既人係bb吾係老公..你明白嗎..我吾係教人分開..只係致小要人地尊重你..佢地尊重你,就吾會咁過份...係你老公當你無到吾重要包括bb都係..佢根本吾緊張自己個家...你真係要諗一諗..什麼先係最重要...我覺得係bb同自己生活開心...

點評

SHB999  我諗住仲應該挽留一下... 唔想段婚姻咁兒嬉...
唔想自己後悔... 不過而家係時候死心...  發表於 11-5-9 15:50
私人傳訊

milk323


公爵府

積分: 28209


53#
發表於 11-5-8 03:36 |只看該作者
你令我諗起個舊同事，佢夫家又係啲勁傳統，冇文化個啲，99唔識字的。佢當年因為有左所以未搵到地方住所以焗住要住男家。佢男家又係成班姑仔8婆，乜都唔做當佢工人咁洗。佢奶奶比樓主奶奶有過之而冇不及。不過佢老去有樣好的是知道佢同奶奶夾唔到，所以day 1 就計劃買樓，不過係買公屋。佢一結婚就quit左份工，同佢夫家住，忍一年就有個綠表資格，雖然未上到樓但就可以在自由市場買公屋，講緊都係幾十萬，所以佢好快就脫苦海。
樓主如果你老公仲係有心的，不妨考慮下呢個方法，不過要你老公真係願搬出嚟先得。有時根本唔係錢同空間的問題，如果你老公搵返你，你要講明你的底線，約法三章先好跟佢返去。

點評

SHB999  我老錢係應該有錢都要痴住阿媽0個0的.. 佢覺得搬左出去會好對佢媽唔住...  發表於 11-5-9 15:51
私人傳訊

唔好煩我


水晶宮

積分: 50469


54#
發表於 11-5-8 09:15 |只看該作者
樓主， 無論你決定去定留， 都要講清楚比你老公知， 99 只是一條導火線，真正有問題0既， 係你老公。 既然你都話你同99未至於無計傾，為左小事離婚就真係好唔抵！

點評

SHB999  我都覺得咁樣好唔抵ar...=.=!!  發表於 11-5-9 15:51
私人傳訊

yandk2011


大宅

積分: 1538


55#
發表於 11-5-8 22:17 |只看該作者
樓主，有幾點希望你了解：
（1）無阿媽會話阿仔不對，同時無阿仔話阿媽不對的！呢一點希望你為人父母去諗，絕對不是用對錯去處理只是大家立場不同。
（2）婚姻能夠維繫與否的主因只有你及老公，所以主導權都是你倆！假設真係離婚的原因都是你倆而不是為別人而作出決定。
（3）請問一問老公，今次呢件事想最後的結果是什麼？有了共識後，才能好好處理事情。
（4）其實有好多處理BB的問題，唔需要你反對！帶佢見醫生或番健康院時問姑娘，等人地答！記得叫埋99去！唔好咁蠢由自己出口！

最後我想講，我和老公拍拖10年，中間發生的事勁你多多聲，當時佢係整個家族叫佢唔好同我一起，二個家族的戰爭！分開了三年，我有新生活，他亦有。但最後我們再走在一起，同居，結婚，有了BB。因為呢段時間大家都成長了，體諒，包容。問心一句，我倆都是想有一個美滿的生活，有了目標，中間的路就好行好多了。

努力。為左大家去了解一下啦！

點評

Anfiodan  咁我又唔認同第一點, 我覺得呢種阿媽/仔係有問題.
唔通你會容忍你個小朋友ge所有恐行 ?例如,係學校打架??  發表於 11-5-9 17:31
私人傳訊

yandk2011


大宅

積分: 1538


56#
發表於 11-5-8 22:24 |只看該作者
重有！問心一句，你有無盡做老婆的責任？＂衣，食，住，行，心情＂？如果你照顧得貼貼服服，男人是走唔到的！如果依家叫我老公番屋企住，我諗佢生活唔到一日！我諗住有了BB，想番去佢屋企住慳錢。佢打死都唔制添！佢話寧願辛苦，都唔回去住！
私人傳訊

SHB999


別墅

積分: 501


57#
發表於 11-5-9 16:06 |只看該作者
多謝你ar..yandk2011

(1)我唔係要任何時, 我老公都要出聲話佢媽咪.. 但佢地明知個媽做件事係錯0既,
出到去比人笑0既, 佢地唔解釋返.. 真係好大問題ga.. 我自己都有媽咪.. 如果我媽咪
講野會令我老公唔開心, 我一定會出聲.. 如果我媽咪做錯件事, 我會同佢解釋返..
當佢對與錯.. 都唔出聲0既時候.. 我唔覺得依種係孝順wor...??
就係我自己都做左媽咪... 我都唔想自己第時個仔咁黑白不分...
你唔明我老公0個種愚孝情度... 就連佢媽咪寫錯隻字.. 佢都唔會出聲, 咁佢永遠都以為0個個字係0岩

(2)依個我明白ar.. 就算我奶奶或者咩外在因素幾有問題都好...
我都覺得真係我地2個人0既事ar....

(3)我老公覺得我地唔會再夾倒... 就算我話冇問題.. 就算我冇再出過聲, 佢都覺得唔難保一日會咁..=.=

(4)就好似之前, 我生完0係醫院.. 姑娘對住我奶奶講, 叫佢唔好整薑, 我奶奶答左好..
轉過頭咪日日係咁煲.. 咁之後我真係冇食.. or 食好少, 佢就問返我點解唔食..
我話姑娘咪講左唔食得.. 然後佢就話, 我地以前咪又係咁食....
0個時頭一兩個月.. 佢要係咁餵依樣0個樣bb.. 姑娘都話唔好.. 咁又點...
我又做唔倒連唔可以都唔講.. 又可能依個係我第一個仔, 我真係會緊張lor...

你諗下.. 早產一個月0既bb 一出醫院, 第一日, 奶奶就話比啖涼茶佢飲喇....=.=

其實我認同.. 分開下真係會先諗倒對方重要.. 我老公都講過依句說話...
我知道.. 一個奶奶唔可能話想拆散你就拆散你...
依個時候.. 我都唔否認, 我同老公感情係唔穩固...
但有時真係會諗... 如果奶奶講少一句... 世界真係會和平得多....

其實我見過社工.. 社工形容佢地依個係"黏合家庭"...
而家就算我做得幾妥當.. 佢媽都會覺得佢為個仔先係最貼心...
0個時, 佢日日哦個仔.. 老公家姐.. 阿哥全部有說話..
我地第一日搬出去, 阿哥仲喊晒咁話要多0的番黎, 揮晒手咁...
我0個時都以為自己去左移民ar=.=..
其實, 我老公聽左好多說話, 佢自己受晒, 冇同我講過半句...
有0的係佢屋企人自己爆返出黎我至知....
但久而久知.. 我老公覺得咁樣做就好對佢屋企人唔住...
私人傳訊

fannycho


複式洋房

積分: 333


58#
發表於 11-5-9 16:41 |只看該作者
我奶奶同你奶奶一模一樣囉,我地分開住,但都要管我屋企既擺設,我大肚時又煮我唔飲得既湯,我仔仔早左兩個星期出世,又問我老公對我做過咩黎,搞到我早產,一家人食飯,又要食佢條魚,我阿媽煮既魚就叫我媽自己食返!我同老公都因為佢既所作所為嘈過好多次,我本來都有想過坐完月同仔仔搬走,不過我奶奶既行為太過份喇,我老公都嬲左佢,宜家佢都唔係好敢出聲囉!

點評

SHB999  wa... 聽你咁講... 我地2個奶奶真係好似wor...
不過希望你老公唔好似我老公... 希望你老公永遠都咁錫你~~~  發表於 11-5-9 22:20
私人傳訊

GI2007


大宅

積分: 2061


59#
發表於 11-5-9 17:48 |只看該作者
樓主:
其實你老公係知道你奶奶 有時有錯
都唔出聲 , 會唔會係因為佢唔想煩, 因為佢知道如果自己去 同佢媽講你這樣係點錯點唔正確, 這樣得0黎的係 一個 "煩" 字.. 好似我同我老公拍拖頭6年 一直以為我老公好怕佢亞媽, 之後結左婚生完BB , 比左99湊, 我老公有D事 都好睇唔過眼, 但都係唔出聲, 開始我感覺到..佢只係怕煩.. 佢話 我講完佢都係會照做嫁啦, 我自己放工湊番, 我自己鐘意點湊就點湊, 無辦法

點評

SHB999  係ar... 我諗我老公真係應該係怕煩.... 因為佢有同朋友講過...
其實覺得住邊都冇所謂... 但就怕2邊都煩住佢....
可能佢而家想分開... 都係因為怕煩=.=  發表於 11-5-9 22:22
私人傳訊

do2


別墅

積分: 767


60#
發表於 11-5-9 19:44 |只看該作者
樓主我同你都係差唔多,我同我老公屋企人好難相處,一個人嫁入黎,日日對住十個外姓人一齊生活,佢地唔岩點都有人幫,冇人會幫我,老公又係d唔識出聲既人,我遲早都忍唔住同老公離婚

點評

SHB999  我真係冇諗過原來依個hk 有咁多唔肯出聲0既老公....
同埋我都係lor... 佢地講咩都得... 我講一句唔開心都係有罪...
你會唔會趁情況唔太壞同老公傾下ar??   發表於 11-5-9 22:24
私人傳訊


首頁
12345...6

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy