本帖最後由 rose-mag 於 11-8-27 09:31 編輯
MariaTsui 發表於 11-8-25 21:59 
我睇過1遍文章是老婆被暪差不多一世,內容撮要如下:
話說老公是好好先生,與老婆育有1對子女,老公是生意人, ...
絕對唔係一篇文章，我媽媽有個朋友嘅父母情況差不多：
爸爸係好好先生，媽媽生咗6個女（包括我媽朋友），當時冇仔幾乎係死罪，
但個爸爸同媽媽講唔緊要，有6個女都好開心，爸爸對6個女都好好，好到近乎縱，
從不打鬧，只要D女話要買嘢，幾多都俾，我媽朋友話要錢開party，爸爸即刻拎$100俾佢，
當時一個打工仔嘅月薪係幾十蚊，個女發脾氣嫌少，佢即刻俾夠$500，對媽媽亦好好，
唔只金錢上一定滿足，除咗工作上應酬，其餘時間一定陪家人，生日、結禮周年、過時過節一定有禮物。。。
後來爸爸有病過世，靈堂上突然有個女人著住白衫、戴住白花出現，
仲拖住兩個著白衫戴黑布嘅男仔，兩個小朋友都係小學生年紀；媽媽即時明白，
靈堂上親友都好震撼，冇人會相信一個好好先生如此會咁。
個媽媽都好大方，叫個小三去外面傾，同佢講可以承認呢兩個小朋友，叫佢地搬去一齊住，
佢會照顧佢三母子。但個小三婉拒咗，佢話今次去係想送個男人最後一程，
想兩個仔可以名正言順去同爸爸告別，之後會從此消走，個男人嘅家產一概唔要。
花旗太太生活在花旗國，留意時差，你問我未必即時答到。
發表於 
返回列表
