Re: 有咩方法可以令到我老公........比我返外家呀.
睇到你呢個case, 令我諗起一個親戚。件事係咁, 佢結婚之後生左1對孖女, 佢老公唔係幾鐘意, 出世之後, 都好少理, 剩係外父、外母日日去探佢。幾年之後, 個男人經濟唔好, 當時個女人有左, 問佢要唔要, 佢話唔要, 養唔起, 個女人係幾年間為佢落左2次。(外父、母係完全唔知)。外父、母、細佬怕對孖女冇得食, 成日趁過男人唔係度, 偷偷地送d 米、菜比個女, (因為個男人唔衰得, 又唔淮佢地返外家, 個女人好軟弱, 乜都逆來順受。)。係呢段時間, 外家不斷偷偷接濟, 個男人一d表示都冇, 覺得係應份。後尾, 個男人做起生意, 開始有錢, 成日係出面花天酒地, 家用只不過係象徵式咁比, 個女人唔可以問佢係出面既野, 一問就會受到拳打腳踢, 對孖女同阿媽一樣咁怕事, 早兩年, 個男人趕個女人走, (個衰人話個女人:睇下你走得去邊, 你外家唔會理你!), 個女人又真係怕連累外家, 一路都唔敢話件事比屋企人知, 後尾, 個男人迫個女人生仔, (因為個男人有錢, 要有個仔。), 當年個女人已經40幾歲, 個女人為左對孖女同日後既生活, 佢肯生, 結果係有左, 但係因為宮外孕而差d喪命。呢件事之後, 外家知道晒所有野, 仲接左個女人返屋企住, 叫佢同個男人離婚。個男人開頭以為冇人會撐呢個女人, 結果人地全家上下都一至贊成離開個衰人, 雖然對孖女跟佢個男人生活, (因個女人冇錢供對孖女讀書。)對孖女都好贊成媽媽咁做, 因為唔想媽媽生活得咁痛苦。
件事已經過左兩年, 個男人成日去外父、母度, 想個女人返屋企, 個女人點都唔肯, 因為比佢折磨左成十幾年。
佢好後悔咁講, 話個男人唔比佢地去街(除左買菜、返學。), 唔比佢地返外家, 佢都啞忍, 結果都係要離婚收場, 最慘係自己既懦弱, 連累對孖女一齊受苦咁多年。
我希望上述既事件, 能夠令你去睇清楚自己目前既環境!!
謀事在人，成事在天，個天先係最終揸"fit"人！！
你恨的人，來生不會再見，所以別在他身上浪費時間；你愛的人，來生也不會再見，所以今生要好好對他。
妳有無聽過"好女兩頭暪"? :lol: 
發表於 
返回列表
