dudu19812002 寫道:
各位媽咪:
好多謝你地咁支持我!!我唔介意你地咁直接同我講野!!
其實我都有諗過自己係咪好似臭吉媽咪咁講"有病"!!點解個男人咁,我都可以容忍佢!!可能我真係好愛我老公&唔想小朋友為左大人既事而影響到佢地!!所以我不斷忍受!!到左噚日,我終於忍唔到爆左出來!!其實我睇得出我老公聽到我同佢講分開,佢係好突然!因為喺佢心目中,我係唔會發脾氣&當離婚呢句說話係口頭嬋既人,所以佢一聽到之後都唔敢再話我!咁我講左分開後就真係冇再同佢講過半句說話!直到夜晚,我再問佢考慮如何?佢更加出奇,因為佢知道我唔係講笑!唔係衝口而出既!咁佢唔出聲!我就話:"唔好再唔出聲了~我叫你考慮,就一定諗清楚先講呢d說話!!你只要同我講分定唔分,一定要俾個答案我,,唔好再唔出聲!"咁佢諗左一陣,就講:"我更係唔想你走啦!!"咁我就話:"我地三母女唔走,間屋會好嘈喎!!咁我老公話:咁嘈我咪頂囉!!"咁我話:"你頂到先好,唔好再同我講今日既說話,我唔想下次再有同一個問題出現,咁你仲有冇諗過我剛才你所話我發爐鬚既說話,仲係咪發爐鬚呀?"咁佢死死地氣話:"唔係!!你都有道理!"咁我阿媽都同我講,算啦!個老公都咁講~咁我諗算吧~我俾多次機會佢...希望佢下次唔會咁~~而且佢由今日開始都未打過個女,只係個女做錯野先鬧個女..
我係你我會離開佢！你都話好想帶埋兩個女離開,你種慣咗佢啦！佢慣咗唔駛做....dudu19812002 寫道:
我老公以前對我好好的!好關心我,好鍚我既!但依家個人變哂,雖然佢以前對家務都已經唔係好理會,但佢起碼都會掂小小既!自從我再次大肚開始,佢已經完全什麼都唔理~當我大住個肚7個月開始,已經好辛苦,幫唔到大囡沖涼,咁我同佢講:"你可唔可以幫大囡沖涼",佢立即黑面,又話我點解唔自己幫個囡沖,又話佢自己最唔like幫個女沖涼!之後仲話我依賴佢,佢依家如果幫個女沖涼,個女一定第時唔肯俾我幫佢沖!!咁我話,一定唔會囉,咁你都係佢爸爸,咁你可以同佢沖啫,何況我又唔係一向要你幫佢沖,我只係個肚鑼咁大,我幫個女沖時,個女又話我個肚頂住佢唔舒服,而我又屈住好辛苦,所以先叫你幫佢沖下,我生左之後都唔會再叫你幫佢沖啦!我覺得我唔依賴你囉,我就算未有前,從來冇叫過你幫個女沖!!我只係叫你沖下,睇諒下我辛苦!!其他家務又係,什麼都係我做,就算我病左都要我做!咁都算啦!點知到我生左,依家坐月,佢都冇幫我,仲話我坐月大哂咩,又成日講d說話傷害我!!好老實講,佢都冇工開,屋企申請左綜援,咁都算係有收入先,依家輪到有公屋,佢又話煩,又要攪呢樣又要攪嗰樣,但唔係佢攪,佢又係推俾我攪,我都已經要湊住兩個小朋友,又要做家務!佢就只係在家睇電視,遊雲,又話悶!!我就忙到成個阿四咁,日日冇停手,我坐月=冇坐咁!!依家夜晚仲要訓得一陣,日頭又冇得訓晏覺,每日訓得幾個鐘,好辛苦,我同我老公傾過,佢就黑面,又話我係咁!佢依家成日話辛苦,又話好忙,但日日訓到晏一晏咁,仲成日話眼訓!有時個大女百厭,佢就好似痴左咁,好大力咁打佢個面!又搵隻腳踢個大女!我叫佢唔好再係咁,攪到個大女心理有問題,佢就話我慈母多敗兒~又話個女激到佢好燜,我話我都會嬲個女百厭,都會打!我唔會好似你咁打囉!之後佢又話我激佢!叫我地唔好攪到佢燜,咁就冇事,咁我問佢你燜既低線係點先,佢話唔知,咁我話你酩講我地好危險喎,一陣喺你身邊經過你都可以話我地激嬲你啫,佢又俾唔到個低線我,我好驚!唉...我越來越覺得對住佢好辛苦&好驚了~我唔知佢幾時係又傻過!我同佢講,佢又唔諗下自己有冇問題,成日話我地先係有問題嗰個,我同傾佢又話我反駁佢,又話我講哂,我同佢講我冇話要你聽哂我講喎,而係我想大家一齊傾攞反共識,佢又話我講哂~我依家好想帶埋兩個女離開,我有時痛寧願佢唔在家,我地仲自然~我好擔心將來搬左公屋唔知點算,依家我仲同我阿媽住得好近,但將來遠好多了~我唔想過一啲佛冷佛熱既生活~ :cry: :cry:
佢,我覺得最大問題係佢自己懶唔肯番工,不如叫佢講番佢點解咁懶唔做野重好la,咁先入番正題,佢唔肯番工,我已經覺得佢係一個費人,佢好似完全冇責任喎,重要有2個女要養,講真要搵7仟蚊嘅工,真係有幾難,做份食蕉都有la,年紀大都請,60幾歲都重做緊嘅,都大有人在,何況妳老公呢,佢個人咁懶同冇責任冇藥醫架,妳快D番自己呀媽屋企先再打算,唔通妳今心跟個咁嘅人一生,佢冇幫妳同仔女想過,我覺得佢好自私,只係想自己懶唔想番工,最好妳養埋佢.
發表於 
[size=small]04年8月28日10:40am係浸會出世7磅3安士
返回列表
