你首先要跟足坐月咁做呀！我第一個星期用薑水沖涼同埋成個禮拜都無洗頭同落街！之後頂唔順先用花灑沖涼洗頭跟住就即刻開風筒吹乾個頭免得個頭入風！落街就由頭包到落腳好似一隻糭咁免得冷親！不過我曳曳人地叫我唔好成日洗手，我就成日洗無即刻抹乾所以賴左野，而家成日形住隻手有啲關節痛！ 至於食方面，我第一星期日日都煲炒米茶當水飲(做法將白米用白鑊炒至金黃色，一湯匙炒米加紅棗陳皮用八碗水煲半個鐘，淨係飲水不要食渣)另外食蒸餸飯，蒸雞，排骨，肉餅，菜心咁！記住頭兩個禮拜唔好補住呀！我流惡露流左五日，以為流清晒補得啦，點知食左鹿茸就瞓唔著！之後嗰日去睇中醫，就俾中醫話我未流清嗮，根本唔可以補身住，如是者飲左成十劑藥先開始補身咋！而家個個都話我精神好左，我就覺得自己身體血氣好左！你都睇中醫調理下身體啦！ 這是我少少經驗，希望幫到你
發表於 
返回列表
